॥ Katyayani Ashtakam Odia Lyrics ॥
॥ କାତ୍ୟାୟନ୍ୟଷ୍ଟକମ୍ ॥
ଶ୍ରୀଗଣେଶାୟ ନମଃ ।
ଅଵର୍ଷିସଂଜ୍ଞଂ ପୁରମସ୍ତି ଲୋକେ କାତ୍ୟାୟନୀ ତତ୍ର ଵିରାଜତେ ୟା ।
ପ୍ରସାଦଦା ୟା ପ୍ରତିଭା ତଦୀୟା ସା ଛତ୍ରପୁର୍ୟାଂ ଜୟତୀହ ଗେୟା ॥ ୧ ॥
ତ୍ଵମସ୍ୟ ଭିନ୍ନୈଵ ଵିଭାସି ତସ୍ୟାସ୍ତେଜସ୍ଵିନୀ ଦୀପଜଦୀପକଲ୍ପା ।
କାତ୍ୟାୟନୀ ସ୍ଵାଶ୍ରିତଦୁଃଖହର୍ତ୍ରୀ ପଵିତ୍ରଗାତ୍ରୀ ମତିମାନଦାତ୍ରୀ ॥ ୨ ॥
ବ୍ରହ୍ମୋରୁଵେତାଲକସିଂହଦାଢୋସୁଭୈରଵୈରଗ୍ନିଗଣାଭିଧେନ ।
ସଂସେଵ୍ୟମାନା ଗଣପତ୍ୟଭିଖ୍ୟା ୟୁଜା ଚ ଦେଵି ସ୍ଵଗଣୈରିହାସି ॥ ୩ ॥
ଗୋତ୍ରେଷୁ ଜାତୈର୍ଜମଦଗ୍ନିଭାରଦ୍ଵାଜାଽତ୍ରିସତ୍କାଶ୍ୟପକୌଶିକାନାମ୍ ।
କୌଣ୍ଡିନ୍ୟଵତ୍ସାନ୍ଵୟଜୈଶ୍ଚ ଵିପ୍ରୈର୍ନିଜୈର୍ନିଷେଵ୍ୟେ ଵରଦେ ନମସ୍ତେ ॥ ୪ ॥
ଭଜାମି ଗୋକ୍ଷୀରକୃତାଭିଷେକେ ରକ୍ତାମ୍ବରେ ରକ୍ତସୁଚନ୍ଦନାକ୍ତେ ।
ତ୍ଵାଂ ବିଲ୍ଵପତ୍ରୀଶୁଭଦାମଶୋଭେ ଭକ୍ଷ୍ୟପ୍ରିୟେ ହୃତ୍ପ୍ରିୟଦୀପମାଲେ ॥ ୫ ॥
ଖଡ୍ଗଂ ଚ ଶଙ୍ଖଂ ମହିଷାସୁରୀୟଂ ପୁଚ୍ଛଂ ତ୍ରିଶୂଲଂ ମହିଷାସୁରାସ୍ୟେ ।
ପ୍ରଵେଶିତଂ ଦେଵି କରୈର୍ଦଧାନେ ରକ୍ଷାନିଶଂ ମାଂ ମହିଷାସୁରଘ୍ନେ ॥ ୬ ॥
ସ୍ଵାଗ୍ରସ୍ଥବାଣେଶ୍ଵରନାମଲିଙ୍ଗଂ ସୁରତ୍ନକଂ ରୁକ୍ମମୟଂ କିରୀଟ୍ମ ।
ଶୀର୍ଷେ ଦଧାନେ ଜୟ ହେ ଶରଣ୍ୟେ ଵିଦ୍ୟୁତ୍ପ୍ରଭେ ମାଂ ଜୟିନଂ କୁରୂଷ୍ଵ ॥ ୭ ॥
ନେତ୍ରାଵତୀଦକ୍ଷିଣପାର୍ଶ୍ଵସଂସ୍ଥେ ଵିଦ୍ୟାଧରୈର୍ନାଗଗଣୈଶ୍ଚ ସେଵ୍ୟେ ।
ଦୟାଘନେ ପ୍ରାପୟ ଶଂ ସଦାସ୍ମାନ୍ମାତର୍ୟଶୋଦେ ଶୁଭଦେ ଶୁଭାକ୍ଷି ॥ ୮ ॥
ଇଦଂ କାତ୍ୟାୟନୀଦେଵ୍ୟାଃ ପ୍ରସାଦାଷ୍ଟକମିଷ୍ଟଦମ୍ ।
କୁମଠାଚାର୍ୟଜଂ ଭକ୍ତ୍ୟା ପଠେଦ୍ୟଃ ସ ସୁଖୀ ଭଵେତ୍ ॥ ୯ ॥
॥ ଇତି ଶ୍ରୀକାତ୍ୟାୟନ୍ୟଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Goddess Durga Slokam » Katyayani Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil