॥ Krishna Chandra Ashtakam 2 Bengali Lyrics ॥
শ্রীকেবলরামপ্রণীতম্
বনভুবি বিহরন্তৌ তচ্ছবিং বর্ণয়ন্তৌ
সুহৃদমনুসরন্তৌ দুর্হৃদং সূদয়ন্তৌ ।
উপয়মুনমটন্তৌ বেণুনাদং সৃজন্তৌ
ভজ হৃদয় হসন্তৌ রামকৃষ্ণৌ লসন্তৌ ॥ ১ ॥
কলয়সি ভবরীতিং নৈব চেদ্ভূরিভূতিং
য়মকৃতনিগৃহীতিং তর্হি কৃত্বা বিনীতিম্ ।
জহিহি মুহুরনীতিং জায়মানপ্রতীতিং
কুরু মধুরিপুগীতিং রে মনো মান্যগীতিম্ ॥ ২ ॥
দ্বিপপরিবৃঢদন্তং য়ঃ সমুত্পাট্য সান্তং
সদসি পরিভবন্তং লীলয়া হন্ত সান্তম্ ।
স্বজনমসুখয়ন্তং কংসমারাদ্ভ্রমন্তং
সকলহৃদি বসন্তং চিন্তয়ামি প্রভুং তম্ ॥ ৩ ॥
করধৃতনবনীতঃ স্তেয়তস্তস্য ভীতঃ
পশুপগণপরীতঃ শ্রীয়শোদাগৃহীতঃ ।
নিখিলনিগমগীতঃ কালমায়াদ্যভীতঃ
কনকসদুপবীতঃ শ্রীশুকাদিপ্রতীতঃ ॥ ৪ ॥
সকলজননিয়ন্তা গোসমূহানুগন্তা
ব্রজবিলসদনন্তাভীরুগেহেষু রন্তা ।
অসুরনিকরহন্তা শক্রয়াগাবমন্তা
জয়তি বিজয়িয়ন্তা বেদমার্গাভিমন্তা ॥ ৫ ॥
সুকৃতিবিহিতসেবো নির্জিতানেকদেবো
ভববিধিকৃতসেবঃ প্রীণিতাশেষদেবঃ ।
স্ম নয়তি বসুদেবো গোকুলং য়ং মুদে বো
ভবতু স য়দুদেবঃ সর্বদা বাসুদেবঃ ॥ ৬ ॥
করকজধৃতশৈলে প্রোল্লসত্পীতচৈলে ?? ময়্ বে চোর্রেচ্ত্
রুচিরনবঘনাভে শোভনে পদ্মনাভে ।
বিকচকুসুমপুঞ্জে শোভমানে নিকুঞ্জে
স্থিতবতি কুরু চেতঃ প্রীতিমন্যত্র নেতঃ ॥ ৭ ॥
বিষয়বিরচিতাশে প্রাপ্তসংসারপাশে-
ঽনবগতনিজরূপে সৃষ্টকর্মণ্যপূপে ।
সুকৃতকৃতিবিহীনে শ্রীহরে ভক্তিহীনে
ময়ি কৃতয় সমন্তৌ কেবলে দীনজন্তৌ ॥ ৮ ॥
ইতি শ্রীকেবলরামপ্রণীতং শ্রীকৃষ্ণচন্দ্রাষ্টকং সম্পূর্ণম্ ।
– Chant Stotra in Other Languages –
Krishna Chandra Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil