॥ Krishnakundashtakam Bengali Lyrics ॥
কিং তপশ্চচার তীর্থলক্ষমক্ষয়ং পুরা
সুপ্রসীদতি স্ম কৃষ্ণ এব সদরং য়তঃ ।
য়ত্র বাসমাপ সাধু তত্সমস্তদুর্লভে
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ১ ॥
য়দ্যরিষ্টদানবোঽপি দানদো মহানিধে-
রস্মদাদিদুর্মতিভ্য ইত্যহোবসীয়তে ।
য়ো মৃতিচ্ছলেন য়ত্র মুক্তিমদ্ভুতাং ব্যধাত্
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ২ ॥
গোবধস্য নিষ্কৃতিস্ত্রিলোকতীর্থকোটিভী
রাধয়েত্যবাদি তেন তা হরিঃ সমাহ্বয়ন্ ।
য়ত্র পার্ষ্ণিঘাটজে মমজ্জ চ স্বয়ং মুদা
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৩ ॥
ক্বাপি পাপনাশ এব কর্মবন্ধবন্ধনা-
দ্ব্রহ্মসৌখ্যমেব বিষ্ণুলোকবাসিতা ক্বচিত্ ।
প্রেমরত্নমত্যয়ত্নমেব য়ত্র লভ্যতে
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৪ ॥
ফুল্লমাধবীরসালনীপকুঞ্জমণ্ডলে
ভৃঙ্গকোককোকিলাদিকাকলী য়দঞ্চতি ।
আষ্টয়ামিকাবিতর্ককোটিভেদসৌরভং
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৫ ॥
দোলকেলিচিত্ররাসনৃত্যগীতবাদনৈ-
র্নিহ্নবপ্রসূনয়ুদ্ধসীধুপানকৌতুকৈঃ ।
য়ত্র খেলতঃ কোশোরশেখরৌ সহালিভি-
স্তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৬ ॥
দিব্যরত্ননির্মিতাবতারসারসৌষ্টবৈ-
শ্ছত্রিকা বিরাজি চারু কুট্টিমপ্রভাভরৈঃ ।
সর্বলোকলোচনাতিধন্যতা য়তো ভবেত্
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৭ ॥
মাথুরং বিকুণ্ঠতোঽপি জন্মধামদুর্লভং
বাস্কাননন্ততোঽপি পাণিনা ধৃতো গিরিঃ ।
শ্রীহরেস্ততোঽপি য়ত্পরং সরোঽতিপাবনং
তত্র কৃষ্ণকুণ্ড এব সংস্থিতিঃ স্তুতাস্তু নঃ ॥ ৮ ॥
কৃষ্ণকুণ্ডতীরবাসসাধকং পঠেদিদং
য়োঽষ্টকং ধিয়ং নিমজ্য কেলকুঞ্জরাজিতোঃ ।
রাধিকাগিরীন্দ্রধারিণোঃ পদাম্বুজেষু স
প্রেমদাস্যমেব শীঘ্রমাপ্নুয়াদনাময়ম্ ॥ ৯ ॥
ইতি মহামহোপাধ্যায়শ্রীবিশ্বনাথচক্রবর্তিবিরচিতং
শ্রীকৃষ্ণকুণ্ডাষ্টকং সমাপ্তম্ ।
– Chant Stotra in Other Languages –
Krishnakundashtakam Lyrics in Sanskrit » English » Gujarati » Kannada » Malayalam » Odia » Telugu » Tamil