॥ Mahamaya Ashtakam Bengali Lyrics ॥
॥ মহামায়াষ্টকম্ ॥
॥ (পৈঙ্গনাডু) গণপতিশাস্ত্রিকৃতম্ ॥
সত্স্বন্যেষ্বপি দৈবতেষু বহুষু প্রায়ো জনা ভূতলে
য়ামেকাং জননীতি সন্ততমমী জল্পন্তি তাদৃগ্বিধা ।
ভক্তস্তোমভয়প্রণাশনচণা ভব্যায় দীব্যত্বসৌ
দেবী স্ফোটবিপাটনৈকচতুরা মাতা মহামায়িকা ॥ ১ ॥
মাতেত্যাহ্বয় এব জল্পতি মহদ্ বাত্সল্যমস্মাসু তে
কারুণ্যে তব শীতলেতি য়দিদং নামৈব সাক্ষীয়তে ।
ইত্থং বত্সলতাদয়ানিধিরিতি খ্যাতা ত্বমস্মানিমান্
মাতঃ কাতরতাং নির্বায় নিতরামানন্দিতানাতনু ॥ ২ ॥
প্রত্যক্ষেতরবৈভবৈঃ কিমিতরৈর্দেবব্রজৈস্তাদৃশৈঃ
নিন্দায়ামপি চ স্তুতাবপি ফলং কিংচিন্ন য়ে তন্বতে ।
য়া নিন্দাস্তবয়োঃ ফলং ভগবতী দত্সেঽনুরূপং ক্ষণান্
নূনং তাদৃশবৈভবা বিজয়সে দেবি ত্বমেকা ভুবি ॥ ৩ ॥
বৃত্তান্তং বিবিধপ্রকারময়ি তে জল্পন্তি লোকে জনাঃ
তত্ত্বং নোপলভে তথৈব ন বিধিং জানে ত্বদারাধনে ।
তস্মাদম্ব কথং পুনঃ কলয়িতুং শক্তাস্মি তে পূজনং
নূনং বচ্মি দয়ানিধেঽবতু জডানস্মান্ ভবত্যাদরাত্ ॥ ৪ ॥
রোদংরোদমুদীর্ণবাষ্পলহরীক্লিন্নাননে তে শিশা-
বস্মিন্ তপ্যতি কিংচিদত্র করুণাদৃষ্টিং বিধত্সে ন চেত্ ।
পাতুং স্ফোটগদাত্ পটুত্বমিব তে কস্যাস্তি মাতর্বদ
ক্কায়ং গচ্ছতু কস্য পশ্যতু মুখং কা বা গতির্লভ্যতাম্ ॥ ৫ ॥
ধর্ম্যানুচ্চরতাং পথঃ কলয়তাং দোষাংস্তথা চাত্মনঃ
স্বৈরং নিন্দনমাতনোতু সততং দ্বেষ্যেঽপথে তিষ্ঠতু ।
এতাবত্যপি বত্সকে কিল শুচং য়াতে মনাক্ তত্ক্ষণং
তত্ত্রাণে জননী প্রয়াস্যতি হি তন্মাতস্ত্বমস্মানব ॥ ৬ ॥
আবালস্থবিরং প্রসিদ্ধময়ি তে মাতেতি য়ন্নাম তদ্
গোপ্তুং নৈব হি শক্যমম্ব তদসৌ তাদৃগ্বিধা ত্বং য়দি ।
অস্মিন্ খিদ্যতি বত্সকে ন তনুষে মাতুর্গুণং চেত্তদা
নূনং স্যাদপবাদপাত্রময়ি তন্মাতস্ত্বমস্মানব ॥ ৭ ॥
মুক্তাহারমনোহরদ্যুতিয়ুতাং মূর্তিং নরাস্তাবকীং
য়ে ধ্যায়ন্তি মৃণালতন্তুসদৃশীং নাভীহৃদোরন্তরে ।
তে ঘোরজ্বরভারজাতবিষমস্ফোটস্ফুটদ্দুঃসহ-
ক্লেদোদ্যত্কটুপূতিগন্ধময়ি নো জানন্ত্যমী জাত্বপি ॥ ৮ ॥
কারুণ্যাম্বুধিশীতলাপদপয়োজাতদ্বয়ীভাবনা-
জাতস্ফীতহৃদম্বুজামিতসুধানির্যাসরূপামিমাম্ ।
য়ে মর্ত্যা স্তুতিমাদরাদ্ গণপতের্বক্ত্রাম্বুজান্নিঃসৃতাং
বিশ্বাসেন পঠন্তি তে ন দধতে স্ফোটব্যথাং জাতুচিত্ ॥ ৯ ॥
ইতি শ্রীমহামায়াষ্টকং সংপূর্ণম্
– Chant Stotra in Other Languages –
Mahamaya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil