॥ Narayana Ashtakam Odia Lyrics ॥
॥ ନାରାୟଣାଷ୍ଟକମ୍ ॥
ଵାତ୍ସଲ୍ୟାଦଭୟପ୍ରଦାନସମୟାଦାର୍ତ୍ତାର୍ତିନିର୍ଵାପଣାଦ୍-
ଔଦାର୍ୟ୍ୟାଦଘଶୋଷଣାଦଗଣିତଶ୍ରେୟଃ ପଦପ୍ରାପଣାତ୍ ।
ସେଵ୍ୟଃ ଶ୍ରୀପତିରେକ ଏଵ ଜଗତାମେତେଽଭଵନ୍ସାକ୍ଷିଣଃ
ପ୍ରହ୍ଲାଦଶ୍ଚ ଵିଭୀଷଣଶ୍ଚ କରିରାଟ୍ ପାଞ୍ଚାଲ୍ୟହଲ୍ୟାଧ୍ରୁଵଃ ॥ ୧ ॥
ପ୍ରହ୍ଲାଦାସ୍ତି ୟଦୀଶ୍ଵରୋ ଵଦ ହରିଃ ସର୍ଵତ୍ର ମେ ଦର୍ଶୟ
ସ୍ତଂଭେ ଚୈଵମିତି ବ୍ରୁଵନ୍ତମସୁରଂ ତତ୍ରାଵିରାସୀଦ୍ଧରିଃ ।
ଵକ୍ଷସ୍ତସ୍ୟ ଵିଦାରୟନ୍ନିଜନଖୈର୍ଵାତ୍ସଲ୍ୟମାପାଦୟନ୍-
ନାର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୨ ॥
ଶ୍ରୀରାମୋଽତ୍ର ଵିଭୀଷଣୋଽୟମନଘୋ ରକ୍ଷୋଭୟାଦାଗତଃ
ସୁଗ୍ରୀଵାନୟ ପାଲୟୈନମଧୁନା ପୌଲସ୍ତ୍ୟମେଵାଗତମ୍ ।
ଇତ୍ୟୁକ୍ତ୍ଵାଽଭୟମସ୍ୟ ସର୍ଵଵିଦିତଂ ୟୋ ରାଘଵୋ ଦତ୍ତଵାନ୍-
ଆର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୩ ॥
ନକ୍ରଗ୍ରସ୍ତପଦଂ ସମୁଦ୍ଧୃତକରଂ ବ୍ରହ୍ମାଦୟୋ ଭୋଃ ସୁରା
ରକ୍ଷନ୍ତାମିତି ଦୀନଵାକ୍ୟକରିଣଂ ଦେଵେଷ୍ଵଶକ୍ତେଷୁ ୟଃ ।
ମା ଭୈଷୀରିତି ତସ୍ୟ ନକ୍ରହନନେ ଚକ୍ରାୟୁଧଃ ଶ୍ରୀଧରୋ-
ହ୍ୟାର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୪ ॥
ଭୋଃ କୃଷ୍ଣାଚ୍ୟୁତଃ ଭୋଃ କୃପାଲୟ ହରେ ଭୋଃ ପାଣ୍ଡଵାନାଂ ସଖେ
କ୍ଵାସି କ୍ଵାସି ସୁୟୋଧନାଧ୍ୟପହୃତାଂ ଭୋ ରକ୍ଷ ମାମାତୁରାମ୍ ।
ଇତ୍ୟୁକ୍ତ୍ତୋଽକ୍ଷୟଵସ୍ତ୍ରସଂଭୃତତନୁର୍ୟୋଽପାଲୟଦ୍ଦ୍ରୌପଦୀମ୍-
ଆର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୫ ॥
ୟତ୍ପାଦାବ୍ଜନଖୋଦକଂ ତ୍ରିଜଗତାଂ ପାପୌଘଵିଧ୍ଵଂସନଂ
ୟନ୍ନାମାମୃତପୂରକଂ ଚ ପିବତାଂ ସଂସାରସନ୍ତାରକମ୍ ।
ପାଷାଣୋଽପି ୟଦଙିଘ୍ରପଙ୍କରଜସା ଶାପାନ୍ମୁନେର୍ମୋଚିତୋ
ହ୍ୟାର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୬ ॥
ପିତ୍ରା ଭ୍ରାତରମୁତ୍ତମାସନଗତଂ ହ୍ୟୌତ୍ତାନପାଦିର୍ଧ୍ରୁଵୋ
ଦୃଷ୍ଟ୍ଵା ତତ୍ସମମାରୁରୁକ୍ଷୁରଧିକଂ ମାତ୍ରାଽଵମାନଂ ଗତଃ ।
ୟଂ ଗତ୍ଵା ଶରଣଂ ୟଦାପ ତପସା ହେମାଦ୍ରିସିଂହାସନଂ
ହ୍ୟାର୍ତ୍ତତ୍ରାଣପରାୟଣଃ ସ ଭଗଵାନ୍ନାରାୟଣୋ ମେ ଗତିଃ ॥ ୭ ॥
ଆର୍ତ୍ତା ଵିଷଣ୍ଣାଃ ଶିଥିଲାଶ୍ଚ ଭୀତା ଘୋରେଶୁ ଚ ଵ୍ୟାଧିଶୁ ଵର୍ତମାନାଃ ।
ସଂକୀର୍ତ୍ୟ ନାରାୟଣଶବ୍ଦମାତ୍ରଂ ଵିମୁକ୍ତଦୁଃଖାଃ ସୁଖିନୋ ଭଵନ୍ତି ॥ ୮ ॥
ଇତି ଶ୍ରୀକୂରେଶସ୍ଵାମିଵିରଚିତଂ ନାରାୟଣାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Narayana Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil