॥ Narmada Ashtakam Odia Lyrics ॥
॥ ନର୍ମଦାଷ୍ଟକମ୍ ॥
ଶ୍ରୀନର୍ମଦେ ସକଲ-ଦୁଃଖହରେ ପଵିତ୍ରେ
ଈଶାନ-ନନ୍ଦିନି କୃପାକରି ଦେଵି ଧନ୍ୟେ ।
ରେଵେ ଗିରୀନ୍ଦ୍ର-ତନୟାତନୟେ ଵଦାନ୍ୟେ
ଧର୍ମାନୁରାଗ-ରସିକେ ସତତଂ ନମସ୍ତେ ॥ ୧ ॥
ଵିନ୍ଧ୍ୟାଦ୍ରିମେକଲସୁତେ ଵିଦିତପ୍ରଭାଵେ
ଶାନ୍ତେ ପ୍ରଶାନ୍ତଜନ-ସେଵିତପାଦପଦ୍ମେ ।
ଭକ୍ତାର୍ତିହାରିଣି ମନୋହର-ଦିଵ୍ୟଧାରେ
ସୋମୋଦ୍ଭଵେ ମୟି ନିଧେହି କୃପାକଟାକ୍ଷମ୍ ॥ ୨ ॥
ଆମେକଲାଦପର-ସିନ୍ଧୁ-ତରଙ୍ଗମାଲା
ୟାଵଦ୍ ବୃହଦ୍ -ଵିମଲ -ଵାରି-ଵିଶାଲଧାରା ।
ସର୍ଵତ୍ର ଧାର୍ମିକଜନାଽଽପ୍ଲୁତତୀର୍ଥଦେଶା
ଶ୍ରୀନର୍ମଦା ଦିଶତୁ ମେ ନିଜଭକ୍ତିମୀଶା ॥ ୩ ॥
ସର୍ଵାଃ ଶିଲା ୟଦନୁଷଙ୍ଗମଵାପ୍ୟ ଲୋଲା
ଵିଶ୍ଵେଶରୂପମଧିଗମ୍ୟ ଚମତ୍କୃତାଙ୍ଗାଃ ।
ପୂଜ୍ୟା ଭଵନ୍ତି ଜଗତାଂ ସ-ସୁରାଽସୁରାଣାଂ
ତସ୍ୟୈ ନମୋଽସ୍ତୁ ସତତଂ ଗିରିଶାଙ୍ଗଜାୟୈ ॥ ୪ ॥
ୟସ୍ୟାସ୍ତଟୀମୁଭୟତଃ କୃତସନ୍ନିଵେଶା
ଦେଶାଃ ସମୀର-ଜଲବିନ୍ଦୁ-କୃତାଭିଷେକାଃ ।
ସୋତ୍କଣ୍ଠ-ଦେଵଗଣ-ଵର୍ଣିତପୁଣ୍ୟମାଲାଃ
ଶ୍ରୀଭାରତସ୍ୟ ଗୁଣଗୌରଵମୁଦ୍ଗୃଣନ୍ତି ॥ ୫ ॥
ସ୍ଵାସ୍ଥ୍ୟାୟ ସର୍ଵଵିଧୟେ ଧନ-ଧାନ୍ୟ-ସିଧ୍ୟୈ
ଵୃଦ୍ଧିପ୍ରଭାଵନିଧୟେ ଜନଜାଗରାୟୈ ।
ଦିଵ୍ୟାଵବୋଧଵିଭଵାୟ ମହେଶ୍ଵରାୟୈ
ଭୂୟୋ ନମୋଽସ୍ତୁ ଵରମଞ୍ଜୁଲମଙ୍ଗଲାୟୈ ॥ ୬ ॥
କଲ୍ୟାଣ-ମଙ୍ଗଲ-ସମୁଜ୍ଜ୍ଵଲ-ମଞ୍ଜୁଲାୟୈ
ପୀୟୂଷସାର-ସରସୀରୁହ-ରାଜହଂସ୍ୟୈ ।
ମନ୍ଦାକିନୀ-କନକ-ନୀରଜ-ପୂଜିତାୟୈ
ସ୍ତୋତ୍ରାର୍ଚନାନ୍ୟମର-କଣ୍ଟକ-କନ୍ୟକାୟୈ ॥ ୭ ॥
ଶ୍ୟାମାଂ ମୁଗ୍ଧସୁଧା-ମୟୂରଵଦନାଂ ରତ୍ନୋଜ୍ଜଵଲାଲଙ୍କୃତିଂ
ରାମାଂ ଫୁଲ୍ଲ-ସହସ୍ରପତ୍ରନୟନାଂ ହାସୋଲ୍ଲସନ୍ତୀଂ ଶିଵାମ୍ ।
ଵାମାଂ ବାହୁଵିଶାଲ-ଵଲ୍ଲିଵଲୟା-ଲୋଲାଙ୍ଗୁଲୀପଲ୍ଲଵାଂ
ଲାଲିତ୍ୟୋଲ୍ଲସିତାଲକାଵଲିକଲାଂ ଶ୍ରୀନର୍ମଦାଂ ଭାଵୟେ ॥ ୮ ॥
ଶ୍ରୀନର୍ମଦାଙ୍ଘ୍ରି-ସରସୀରୁହ-ରାଜହଂସୀ
ସ୍ତୋତ୍ରାଷ୍ଟକାଵଲିରିୟଂ କଲଗୀତଵଂଶୀ ।
ସଂଵାଦ୍ୟତେଽନୁଦିନମେକସମାଂ ଭଜଦ୍ଭି-
ର୍ୟୈସ୍ତେ ଭଵନ୍ତି ଜଗଦମ୍ବିକୟାଽନୁକମ୍ପ୍ୟାଃ ॥ ୯ ॥
କାଶୀପୀଠାଧିନାଥେନ ଶଙ୍କରାଚାର୍ୟଭିକ୍ଷୁଣା ।
କୃତା ମହେଶ୍ଵରାନନ୍ଦ-ସ୍ଵାମିନାଽଽସ୍ତାଂ ସତାଂ ମୁଦେ ॥ ୧୦ ॥
ଇତି କାଶୀପୀଠାଧୀଶ୍ଵର-ଜଗଦ୍ଗୁରୁ-ଶଙ୍କରାଚାର୍ୟ-ସ୍ଵାମି-
ଶ୍ରୀମହେଶ୍ଵରାନନ୍ଦ-ସରସ୍ଵତୀ-ଵିରଚିତଂ ନର୍ମଦାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Narmada Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil