॥ Prapattyashtakam Bengali Lyrics ॥
॥ প্রপত্ত্যষ্টকম্ ॥
আবর্তপুর্যাং জনিতং প্রপদ্যে পাণ্ড্যেশদেশে বিহৃতং প্রপদ্যে ।
শোণাচলপ্রস্থচরং প্রপদ্যে ভিক্ষুং তপঃক্লেশসহং প্রপদ্যে ॥ ১ ॥
আব্রহ্মকীটান্তসমং প্রপদ্যে জিতারিষড্বর্গমহং প্রপদ্যে ।
সর্বজ্ঞতাসারভৃতং প্রপদ্যে নিস্সীমকারুণ্যনিধিং প্রপদ্যে ॥ ২ ॥
অস্মাত্প্রপঞ্চাদধিকং প্রপদ্যে বিশ্বাধিকোক্তের্বিষয়ং প্রপদ্যে ।
কালগ্রহগ্রাহভয়াপনুত্যৈ কৃতান্তশিক্ষাকৃতিনং প্রপদ্যে ॥ ৩ ॥
বিনেতুমার্তিং বিষয়াধ্বজন্যাং বিজ্ঞানমূর্তিং দধতং প্রপদ্যে ।
কন্দর্পদর্পজ্বরবারণায় কামারিলীলাবতারং প্রপদ্যে ॥ ৪ ॥
আজন্মবর্ণিব্রতিনং প্রপদ্যে কুণ্ডীভৃতং দণ্ডধরং প্রপদ্যে ।
ব্রহ্মাসনধ্যানরতং প্রপদ্যে ব্রহ্মাত্মভূয়ং য়তিনং প্রপদ্যে ॥ ৫ ॥
হরং প্রপদ্যে বিজরং প্রপদ্যে স্বতন্ত্রতায়াঃ সদনং প্রপদ্যে ।
অমেয়সামর্থ্যবহং প্রপদ্যে বিশুদ্ধবিজ্ঞানিবরং প্রপদ্যে ॥ ৬ ॥
দৌর্ভাগ্য তাপত্রয় কর্ম মোহ সন্তাপহন্তারমহং প্রপদ্যে ।
য়থার্থসঙ্কল্পমপেতপাপমবাপ্ত কামং বিশুচং প্রপদ্যে ॥ ৭ ॥
মনঃ প্রসাদং ভজতাং দদানং মুগ্ধস্মিতোল্লাসিমুখং প্রপদ্যে ।
ব্যথামশেষাং ব্যপনীয় মোদপ্রদেন নাম্না রমণং প্রপদ্যে ॥ ৮ ॥
শিবং প্রপদ্যে শিবদং প্রপদ্যে গুরুং প্রপদ্যে গুণিনং প্রপদ্যে ।
মদীয়হৃত্পদ্মজুষং প্রপদ্যে শরণ্যমীশং শরণং প্রপদ্যে ॥ ৯ ॥
প্রপত্তিং রমণস্যৈতাং তন্বতাং তত্ত্বদর্শিনঃ
তত্ক্রতুন্যায়রসিকাঃ তত্তাদৃশফলাপ্তয়ে ॥ ১০ ॥
॥ ইতি শ্রীজগদীশ শাস্ত্রী বিরচিতং প্রপত্ত্যষ্টকম্ সম্পূর্ণম্ ॥
– Chant Stotra in Other Languages –
Prapattyashtakam Eight Verses of Surrender Lyrics in Sanskrit » English » Gujarati » Kannada » Malayalam » Odia » Telugu » Tamil