॥ Punyodaya Prashasti Ashtakam Bengali Lyrics ॥
॥ পুণ্যোদয়প্রশস্ত্যষ্টকম্ ॥
পুণ্যমূর্তিঃ পুণ্যচেতাঃ পুণ্যধীঃ পুণ্যবাঙ্মহাঃ ।
পুণ্যকর্মা পুণ্যশর্মা শ্রীপুণ্যবিজয়ো মুনিঃ ॥ ১ ॥
নিসর্গবত্সলো ধীরো বিশালহৃদয়স্তথা ।
পরোপকারপ্রবণো নম্নসৌম্যস্বভাবভাক্ ॥ ২ ॥
উদাত্তচিন্তনো দীপ্রপ্রজ্ঞো বাচংয়মস্তথা ।
নির্ভীকঃ সত্যসামর্থ্যপ্রভাপ্রসৃমরোদয়ঃ ॥ ৩ ॥
জৈন-বৈদিক-বৌদ্ধানাং শাস্ত্রেষু সুবিশারদঃ ।
সম্মাননীয়ো বিদুষাং বিদ্যাসংস্থেব জঙ্গমা ॥ ৪ ॥
য়দীয়ো ব্যবসায়শ্চ মুখ্যরূপেণ বর্ততে ।
শ্রেষ্ঠপদ্ধতিতঃ প্রাচ্যশাস্ত্রাণাং পরিশোধনম্ ॥ ৫ ॥
বহুপ্রাচীনশাস্ত্রাঢ্যভাণ্ডাগারাবলোকনম্ ।
কৃত্বা শ্রমেণ য়োঽকার্ষীত্ তেষামুদ্ধারমুত্তমম্ ॥ ৬ ॥
মহামেধাবিনা য়েন প্রাচীনা বহুগৌরবাঃ ।
গ্রন্থাঃ সম্পাদিতাঃ সন্তি বিদ্বদান্দকারিণঃ ॥ ৭ ॥
বিদ্যাসঙ্গপরায়ণো মুনিপদালঙ্কারভূতক্রিয়ঃ
শ্রেষ্ঠাচারবিচারপূতবিকসদ্বৈদুষ্যনিষ্পাদিতম্ ।
ভব্যশ্লোকমনল্পধামমহিমা বিভ্রন্মহাসাত্ত্বিকো
জীয়াদ্ বিশ্বজনায় পুণ্যবিজয়ঃ পুণ্যপ্রকাশং দিশন্ ॥ ৮ ॥
ইতি মুনি ন্যায়বিজয়বিরচিতং পুণ্যোদয়প্রশস্ত্যষ্টকম্ সমাপ্তম্ ।
– Chant Stotra in Other Languages –
Punyodaya Prashasti Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil