॥ Putra Geetaa Bengali Lyrics ॥
॥ পুত্রগীতা ॥
ভীষ্মেণ যুধিষ্ঠিরম্প্রতি কালস্য দ্রুততরপাতিতয় সদ্যঃ সাধনস্য
সম্পাদনীয়ৎবে প্রমাণতয়া পিতৃপুত্রসংবাদানুবাদঃ ॥ ১ ॥
যুধিষ্ঠির উবাচ । ০
অতিক্রামতি কালেঽস্মিন্সর্বভূতক্ষয়াবহে ।
কিং শ্রেয়ঃ প্রতিপদ্যেত তন্মে ব্রূহি পিতামহ ॥ ১ ॥
ভীষ্ম উবাচ । ২
অত্রাপ্যুদাহরন্তীমমিতিহাসং পুরাতনম্ ।
পিতুঃ পুত্রেণ সংবাদং তং নিবোধ যুধিষ্ঠির ॥ ২ ॥
দ্বিজাতেঃ কস্যচিৎপার্থ স্বাধ্যায়নিরতস্য বৈ ।
বভূব পুত্রো মেধাবী মেধাবীনাম নামতঃ ॥ ৩ ॥
সোঽব্রবীৎপিতরং পুত্রঃ স্বাধ্যায়করণে রতম্ ।
মোক্ষধর্মার্থকুশলো লোকতন্ত্রবিচক্ষণঃ ॥ ৪ ॥
পুত্র উবাচ । ৫
ধীরঃ কিংস্বিত্তাত কুর্যাৎপ্রজানন্
ক্ষিপ্রং হ্যায়ুর্ভ্রশ্যতে মানবানাম্ ।
পিতস্তদাচক্ষ্ব যথার্থয়োগং
মমানুপূর্ব্যা যেন ধর্মং চরেয়ম্ ॥ ৫ ॥
পিতোবাচ। ৬
বেদানধীত্য ব্রহ্মচর্যেণ পুত্র
পুত্রানিচ্ছেৎপাবনার্থং পিতৃণাম্ ।
অগ্নীনাধায় বিধিবচ্চেষ্টয়জ্ঞো
বনং প্রবিশ্যাথ মুনির্বুভূষেৎ ॥ ৬ ॥
পুত্র উবাচ । ৭
এবমভ্যাহতে লোকে সমন্তাৎপরিবারিতে ।
অমোঘাসু পতন্তীষু কিং ধীর ইব ভাষসে ॥ ৭ ॥
পিতোবাচ। ৮
কথমভ্যাহতো লোকঃ কেন বা পরিবারিতঃ ।
অমোঘাঃ কাঃ পতন্তীহ কিন্নু ভীষয়সীব মাম্ ॥ ৮ ॥
পুত্র উবাচ । ৯
মৃত্যুনাভ্যাহতো লোকো জরয়া পরিবারিতঃ ।
অহোরাত্রাঃ পতন্ত্যেতে ননু কস্মান্ন বুধ্যসে ।
অমোঘা রাত্রয়শ্চাপি নিত্যমায়ান্তি যান্তি চ ॥ ৯ ॥
পিতোবাচ। ১০
যথাঽহমেতজ্জানামি ন মৃত্যুস্তিষ্ঠতীতি হ ।
সোঽহং কথং প্রতীক্ষিষ্যে জালেনেবাবৃতশ্চরন্ ॥ ১০ ॥
পুত্র উবাচ । ১১
রাত্র্যাংরাত্র্যাং ব্যতীতায়ামায়ুরল্পতরং যদা ।
তদৈব বন্ধ্যং দিবসমিতি বিন্দ্যাদ্বিচক্ষণঃ ॥ ১১ ॥
গাধোদকে মৎস্য ইব সুখং বিন্দেত কস্তদা ।
অনবাপ্তেষু কামেষু মৃত্যুরভ্যোতি মানবম্ ॥ ১২ ॥
পুষ্পাণীব বিচিন্বন্তমন্যত্র গতমানসম্ ।
বৃকীবোরণমাসাদ্য মৃত্যুরাদায় গচ্ছতি ॥ ১৩ ॥
অদ্যৈব কুরু যচ্ছ্রেয়ো মা ৎবাং কালোঽত্যগাদয়ম্ ।
অকৃতেষ্বেব কার্যেষু মৃত্যুর্বৈ সম্প্রকর্ষতি ॥ ১৪ ॥
শ্বঃ কার্যমদ্য কুর্বীত পূর্বাহ্ণে চাপরাহ্ণিকম্ ।
নহি প্রতীক্ষতে মৃত্যুঃ কৃতমস্য ন বা কৃতম্ ॥ ১৫ ॥
কো হি জানাতি কস্যাদ্য মৃত্যুকালো ভবিষ্যতি ।
যুবৈব ধর্মশীলঃ স্যাদনিত্যং খলু জীবিতম্ ।
কৃতে ধর্মে ভবেৎকীর্তিরিহ প্রেত্য চ বৈ সুখম্ ॥ ১৬ ॥
মোহেন হি সমাবিষ্টঃ পুত্রদারার্থমুদ্যতঃ ।
কৃৎবা কার্যমকার্যং বা পুষ্টিমেষাং প্রয়চ্ছতি ॥ ১৭ ॥
তং পুত্রপশুসম্পন্নং ব্যাসক্তমনসং নরম্ ।
সুপ্তং ব্যাঘ্রো মৃগমিব মৃত্যুরাদায় গচ্ছতি ॥ ১৮ ॥
সঞ্চিন্বানকমেবৈনং কামানামবিতৃপ্তকম্ ।
ব্যাঘ্রঃ পশুমিবাদায় মৃত্যুরাদায় গচ্ছতি ॥ ১৯ ॥
ইদং কৃতমিদং কার্যমিদমন্যৎকৃতাকৃতম্ ।
এবমীহাসুখাসক্তং কৃতান্তঃ কুরুতে বশে ॥ ২০ ॥
কৃতানাং ফলমপ্রাপ্তং কর্মণাং কর্মসংজ্ঞিতম্ ।
ক্ষেত্রাপণগৃহাসক্তং মৃত্যুরাদায় গচ্ছতি ॥ ২১ ॥
দুর্বলং বলবন্তং চ শূরং ভীরুং জডং কবিম্ ।
অপ্রাপ্তং সর্বকামার্থান্মৃত্যুরাদায় গচ্ছতি ॥ ২২ ॥
নৃত্যুর্জরা চ ব্যাধিশ্চ দুঃখং চানেককারণম্ ।
অনুষক্তং যদা দেহে কিং স্বস্থ ইব তিষ্ঠসি ॥ ২৩ ॥
জাতমেবান্তকোঽন্তায় জরা চান্বেতি দেহিনম্ ।
অনুষক্তা দ্বয়েনৈতে ভাবাঃ স্থাবরজঙ্গমাঃ ॥ ২৪ ॥
অত্যোর্বা মুখমেতদ্বৈ যা গ্রামে বসতো রতিঃ ।
বানামেষ বৈ গোষ্ঠো যদরণ্যমিতি শ্রুতিঃ ॥ ২৫ ॥
তেবন্ধনী রজ্জুরেষা যা গ্রামে বসতো রবি ।
ছেত্ত্বেতা সুকৃতো যান্তি নৈনাং ছিন্দন্তি দুষ্কৃতঃ ॥ ২৬ ॥
হিংসয়তি যো জন্তূন্মনোবাক্কায়হেতুভিঃ ।
জীবিতার্থাপনয়নৈঃ প্রাণিভির্ন স হিংস্যতে ॥ ২৭ ॥
ন মৃত্যুসেনামায়ান্তীং জাতু কশ্চিৎপ্রবাধতে ।
ঋতে সত্যমসত্ত্যাজ্যং সত্যে হ্যমৃতমাশ্রিতম্ ॥ ২৮ ॥
তস্মাৎসত্যব্রতাচারঃ সত্যযোগপরায়ণঃ ।
সত্যাগমঃ সদা দান্তঃ সত্যেনৈবান্তকং জয়েৎ ॥ ২৯ ॥
অমৃতং চৈব মৃত্যুশ্চ দ্বয়ং দেহে প্রতিষ্ঠিতম্ ।
মৃত্যুরাপদ্যতে মোহাৎসত্যেনাপদ্যতেঽমৃতম্ ॥ ৩০ ॥
সোঽহং হ্যহিংস্রঃ সত্যার্থী কামক্রোধবহিষ্কৃতঃ ।
সমদুঃখসুখঃ ক্ষেমী মৃত্যুংহাস্যাম্যমর্ত্যবৎ ॥ ৩১ ॥
শান্তিয়জ্ঞরতো দান্তো ব্রহ্ময়জ্ঞে স্থিতো মুনিঃ ।
বাঙ্ভনঃ কর্ময়জ্ঞশ্চ ভবিষ্যাম্যুদগায়নে ॥ ৩২ ॥
পশুয়জ্ঞৈঃ কথং হিংস্রৈর্মাদৃশো চষ্টুমর্হতি ।
অন্তবদ্ভিরিব প্রাজ্ঞঃ ক্ষেত্রয়জ্ঞৈঃ পিশাচবৎ ॥ ৩৩ ॥
যস্য বাঙ্ভনসী স্যাতাং সম্যক্প্রণিহিতে সদা ।
তপস্ত্যাগশ্চ সত্যং চ স বৈ সর্বমবাপ্নুয়াৎ ॥ ৩৪ ॥
নাস্তি বিদ্যাসমং চক্ষুর্নাস্তি সত্যসমং তপঃ ।
নাস্তি রাগসমন্দুঃখং নাস্তি ত্যাগসমং সুখম্ ॥ ৩৫ ॥
আত্মন্যেবাত্মনা জাত আত্মনিষ্ঠোঽপ্রজোপি বা ।
আত্মন্যেব ভবিষ্যামি ন মাং তারয়তি প্রজা ॥ ৩৬ ॥
নৈতাদৃশং ব্রাহ্মণস্যাস্তি বিত্তং
যথৈকতা সমতা সত্যতা চ ।
শীলং স্থিতির্দণ্ডনিধানমার্জবং
ততস্ততশ্চোপরভঃ ক্রিয়াভ্যঃ ॥ ৩৭ ॥
কিং তে ধনৈর্বান্ধবৈর্বাপি কিং তে
কিং তে দারৈর্ব্রাহ্মণ যো মরিষ্যসি ।
আত্মানমন্বিচ্ছ গুহাং প্রবিষ্টং
পিতামহাস্তে ক্ব গতাঃ পিতা চ ॥ ৩৮ ॥
ভীষ্ম উবাচ । ৩৯
পুত্রস্যৈতদ্বচঃ শ্রুৎবা যথাঽকার্ষীৎপিতা নৃপ ।
তথা ৎবমপি বর্তস্ব সত্যধর্মপরায়ণঃ ॥ ৩৯ ॥
ইতি শ্রীমন্মহাভারতে শান্তিপর্বণি মোক্ষধর্মপর্বণি
চতুঃসপ্তত্যধিকশততমোঽধ্যায়ঃ ॥ ১৭৪ ॥
Mahabharata – Shanti Parva – Chapter Footnotes
৪ মোক্ষধর্মাণামর্থেষু কুশলঃ ॥
৫ যথার্থয়োগং ফলসম্বন্ধমনতিক্রম্য তাত
কুর্যাচ্ছুভার্থী ইতি ড।থ।পাঠঃ । তাত কুর্যাৎপ্রজাসু ইতি ট। পাঠঃ ॥
৭ অমোধাস্বায়ুর্হরণেন সফলাসু রাত্রিষু ॥
১১ বন্ধ্যং নিষ্ফলম্ ॥
১২ যদা মৃত্যুরভ্যেতি তদা কঃ সুখং বিন্দেতেতি সম্বন্ধঃ ॥
১৩ পুষ্পাণি কাম্যকর্মফলানি মেষীণামার্তবানি বা । আর্তবং বিনা
পশূনাং স্ত্রীসঙ্গে প্রবৃত্ত্যদর্শনাৎ। বিচিন্বন্তং শাস্ত্রদৃষ্ট্যা
আঘ্রাণেন চ। উরণং মেষম্ ॥
১৭ এষাং পুত্রাদীনাম্ ॥
১৯ সঞ্চিন্বানকং কুৎসিতং সঞ্চিন্বানং সঙ্গ্রহীতারম্ ॥
২০ কার্যং কর্তুমিষ্টম্ । কৃতাকৃতমর্ধকৃতম্ ॥
ঈহা তৃষ্ণা ॥
২১ কর্মসংজ্ঞিতং বণিগিত্যাদি কর্মানুরূপসংজ্ঞাবন্তম্ ॥
২৪ দ্বয়েনান্তকজরাখ্যেন ॥
২৫ গ্রামে খ্যাদিসঙ্ঘে রতিরাসক্তিরেব মৃত্যোর্মুখং
ন তু বাসমাত্রম্ । গোষ্ঠমিব গোষ্ঠং বাসস্থানাম্। অরণ্যং
বিবিক্তদেশঃ। গৃহং ত্যক্ত্বৈকান্তে ধ্যানপরো ভবেদিত্যর্থঃ ॥
২৬ যান্তি মুক্তিমিতি শেষঃ ॥
২৭ ন হিংসয়তি হিংসাং ন কারয়তি ন করোতি চেত্যর্থঃ । হেতুঃ
শ্রাদ্ধাদিনিমিত্তং তৈঃ জীবিতমর্থাংশ্চাপনয়ন্তি তৈর্হিস্নস্তেনাদিভিঃ ॥
২৮ মৃত্যুসেনাং জরাব্যাধিরূপাং সত্যে ব্রহ্মজ্ঞানে অমৃতং
কৈবল্যম্ ॥
২৯ সত্যব্রতাচারঃ সত্যং ব্রহ্মজ্ঞানে তদর্থং ব্রতং
বেদান্তশ্রবণাদি তদাচারস্তদনুষ্ঠাতা । সত্যযোগপরায়ণঃ
ব্রহ্মধ্যানপরায়ণঃ। সত্যঃ প্রমাণভূত আগমো গুরুবে দবাক্যং যস্য
স সত্যাগমঃ শ্রদ্ধাবান্ ॥
৩২ শান্তিয়জ্ঞ ইন্দ্রিয়নিগ্রহঃ । ব্রহ্ময়জ্ঞো
নিত্যমুপনিষদর্থচিন্তনম্। বাগ্যজ্ঞঃ জপঃ। মনোয়জ্ঞঃ
ধ্যানং। কর্ময়জ্ঞঃ স্রানশৌচগুরুশুশ্রূষাদ্যাবশ্যক
ধর্মানুষ্ঠানম্। উদগায়নে দেবয়ানপথনিমিত্তম্। দৈর্ঘ্যমার্ষম্ ॥
৩৩ অন্তবদ্ভিরনিত্যফলৈঃ । ক্ষেত্রয়জ্ঞৈঃ শরীরনাশনৈঃ ॥
৩৬ আত্মনি পরমাত্মনি প্রলয়ে স্থিত ইতি শেষঃ । আত্মনা
সৃষ্টিকালে জাতঃ ॥
৩৭ একতা একপ্রকারতা শীলং শ্লাঘনীয়ং বৃত্তম্
। দণ্ডনিধানং বাঙ্ভনঃ কায়ৌর্হিসাত্যাগঃ ॥
– Chant Stotra in Other Languages –
Putra Gita in Sanskrit – English – Bengali – Gujarati – Kannada – Malayalam – Odia – Telugu – Tamil