॥ Ramanathashtakam Odia Lyrics ॥
॥ ରାମନାଥାଷ୍ଟକମ୍ ॥
ଗଜାଜିନଂ ଶୂଲକପାଲପାଣିନଂ
ଜଟାଧରଂ ଚନ୍ଦ୍ରକଲାଵତଂସମ୍ ।
ଉମାପତିଂ କାଲକାଲମ୍ ତ୍ରିନେତ୍ରଂ
ଶ୍ରୀରାମନାଥଂ ଶିରସା ନମାମି ॥ ୧ ॥
ସମସ୍ତପାପକ୍ଷୟଦିଵ୍ୟନାମଂ
ପ୍ରପନ୍ନସଂସାରଗତୌଷଧଂ ତ୍ଵମ୍ ।
ନାମାଜ୍ଜନାଭୀଷ୍ଟଵରପ୍ରଦଂ ଚ
ଶ୍ରୀରାମନାଥଂ ଶିରସା ନମାମି ॥ ୨ ॥
ସାମ୍ବଂ ପ୍ରଵାଲେନ୍ଦୁଶିଲାସମାଭଂ
ଶମ୍ଭୁଂ ଜଟାଽଲଙ୍କୃତଚନ୍ଦ୍ରମୌଲିମ୍ ।
ଦିକ୍ପୂତଵାସୋଵସନଂ ଵରେଣ୍ୟଂ
ଶ୍ରୀରାମନାଥଂ ଶିରସା ନମାମି ॥ ୩ ॥
ପୁରତ୍ରୟଧ୍ଵଂସନତୀଵ୍ରବାଣଂ
କାମାଙ୍ଗସଂହାରକପାଲନେତ୍ରମ୍ ।
ସନ୍ଦର୍ଶନାତ୍ତ୍ଵତ୍ସ୍ଥଲମସ୍ତପାପଂ
ଶ୍ରୀରାମନାଥଂ ଶିରସା ନମାମି ॥ ୪ ॥
ଭଵାନ୍ଧକରୋଗ୍ରଗଭସ୍ତିମନ୍ତଂ
ସଂସରକାନ୍ତାରମହାଦଵାଗ୍ନିମ୍ ।
ମନୋରଥଃପୂରଣକାଲମେଘଂ
ଶ୍ରୀରାମନାଥଂ ଶିରସା ନମାମି ॥ ୫ ॥
ସିତାଂଶୁଵକ୍ତ୍ରଂ ସ୍ମିତଚନ୍ଦ୍ରିକାଭଂ
କପାଲମାଲୋଡୁଗଣପ୍ରଚାରମ୍ ।
ଋତଧ୍ଵଜଂ ଵ୍ୟୋମତନୁଂ ମହାନ୍ତଂ
ଶ୍ରୀରାମନାଥଂ ଶିରସା ନମାମି ॥ ୬ ॥
ସୁରାସୁରୈର୍ଜ୍ୟେଷ୍ଠସୁରେନ୍ଦ୍ରଵନ୍ଦ୍ୟଂ
ସୁରାସୁରୋଦ୍ଭାସୁରଭୂସୁରାଦ୍ୟମ୍ ।
ସୁରାପଗାଶୋଭିତଶେଖରଂ ତଂ
ଶ୍ରୀରାମନାଥଂ ଶିରସା ନମାମି ॥ ୭ ॥
ସେତୋର୍ମଧ୍ୟେ ପର୍ଵତାଗ୍ରେ ପଵିତ୍ରେ
ଗୌର୍ୟା ସାକଂ ଭ୍ରାଜମାନଂ ମହେଶମ୍ ।
ଜ୍ୟୋତିସ୍ଵରୂପଂ ଚନ୍ଦ୍ରସୁର୍ୟାଗ୍ନିନେତ୍ରଂ
ଶ୍ରୀରାମନାଥଂ ଶିରସା ନମାମି ॥ ୮ ॥
ରାମେଣୈଵଂ ସଂସ୍ତୁତୋ ରାମନାଥଃ
ପ୍ରାଦୁର୍ଭୂତୋ ଲିଙ୍ଗମଧ୍ୟାଦ୍ଭଵାନ୍ୟା ।
ଦୃଷ୍ଟ୍ଵା ରୁଦ୍ରଂ ରାଘଵଃ ପୂର୍ଣକାମଃ
ନତ୍ଵା ସ୍ତୁତ୍ଵା ପ୍ରାର୍ଥୟାମାସ ଶମ୍ଭୁମ୍ ॥ ୯ ॥
ଇତି ରାମନାଥାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Vishnu Stotram » Ramanatha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil