॥ Rasa Gita Odia Lyrics ॥
॥ ରାସଗୀତା ॥
ନାରଦ ଉବାଚ —
ଶ୍ରୀରାଧା ମାଧବସ୍ୟାପି ରାଧାୟାଶ୍ଚାପି ମାଧବଃ ।
କରୋତି ପରମାନନ୍ଦଂ ପ୍ରେମାଲିଙ୍ଗନପୂର୍ୱକମ୍ ॥ ୧ ॥
ରାଧାସୁଖସୁଧାସିନ୍ଧୁଃ କୃଷ୍ଣଶ୍ଚୁମ୍ବତି ରାଧିକାମ୍ ।
ଶ୍ୟାମପ୍ରେମମୟୀ ରାଧା ସଦା ଚୁମ୍ବତି ମାଧବମ୍ ॥ ୨ ॥
ତ୍ରିଭଙ୍ଗଲଲିତଃ କୃଷ୍ଣୋ ମୁରଲୀଂ ପୂରୟେନ୍ମୁଦା ।
ଚାଲୟେଦ୍ରେଣୁରନ୍ଧ୍ରେଷୁ ରାଧିକା ଚ କରାଙ୍ଗୁଲୀଃ ॥ ୩ ॥
ଶ୍ରୀନାମାକର୍ଷଣଂ କୃଷ୍ଣଂ ରାଧା ଗାୟତି ସୁନ୍ଦରମ୍ ।
ଶବ୍ଦବ୍ରହ୍ମଧ୍ୱନିଂ ରାଧାଂ କୃଷ୍ଣୋ ଧାରୟତି ଧ୍ରୁବମ୍ ॥ ୪ ॥
ମୁରଲୀକଲସଙ୍ଗୀତଂ ଶ୍ରୁତ୍ୱା ମୁଗ୍ଦ୍ଧା ବ୍ରଜସ୍ତ୍ରିୟଃ ।
କଦମ୍ବମୂଲମାୟାତା ଯତ୍ରାସ୍ତି ମୁରଲୀଧରଃ ॥ ୫ ॥
ରାଧାକାନ୍ତୋ ବ୍ରଜସ୍ତ୍ରୀଭିର୍ୱେଷ୍ଟିତୋ ବ୍ରଜମୋହନଃ ।
ଶୋଭତେ ତାରକାମଧ୍ୟେ ତାରକାନାୟକୋ ଯଥା ॥ ୬ ॥
କିଶୋରୀ ସୁନ୍ଦରୀ ରାଧା କିଶୋରଃ ଶ୍ୟାମସୁନ୍ଦରଃ ।
କିଶୋର୍ୟୋ ବ୍ରଜସୁନ୍ଦର୍ୟୋ ବିହରନ୍ତି ନିରନ୍ତରମ୍ ॥ ୭ ॥
ନିତ୍ୟବୃନ୍ଦାବନେ ରାଧ୍ୟା ରାଧାକୃଷ୍ଣଶ୍ଚ ଗୋପିକାଃ ।
ମଣ୍ଡଲଂ ପୂର୍ଣରାସସ୍ୟ ଲୀଲୟା ସଂବିତଥ୍ୟତେ ॥ ୮ ॥
ରାଧୟା ସହ କୃଷ୍ଣେନ କ୍ରିୟତେ ରାସମଣ୍ଡଲମ୍ ।
କଲ୍ପିତାନେକରୂପେଣ ମାୟଯା ପରମାତ୍ମନା ॥ ୯ ॥
ମାଧବରାଧୟୋର୍ମଧ୍ୟେ ରାଧାମାଧବୟୋରପି ।
ମାଧବୋ ରାଧୟା ସାର୍ଦ୍ଧଂ ରାଜତେ ରାସମଣ୍ଡଲେ ॥ ୧୦ ॥
ଗୋପାଲବଲ୍ଲଭା ଗୋପ୍ୟୋ ରାଧିକାୟାଃ କଲାତ୍ମିକାଃ ।
କ୍ରୀଡନ୍ତି ସହ କୃଷ୍ଣେନ ରାସମଣ୍ଡଲମଣ୍ଡିତାଃ ॥ ୧୧ ॥
କୃତ୍ୱା ଚାନେକରୂପାଣି ଗୋପୀମଣ୍ଡଲସଂଶ୍ରୟଃ ।
ଗୋବିନ୍ଦୋ ରମତେ ତତ୍ର ତାସାଂ ମଧ୍ୟେ ଦ୍ୱୟୋର୍ଦ୍ୱୟୋଃ ॥ ୧୨ ॥
ପ୍ରେମସ୍ପର୍ଶମଣିଂ କୃଷ୍ଣଂ ଶ୍ଲିଷ୍ୟନ୍ତୋ ବ୍ରଜୟୋଷିତଃ ।
ଭବନ୍ତି ସର୍ୱକାଲାଢ୍ୟା ଗୋବିନ୍ଦହୃଦୟଙ୍ଗମାଃ ॥ ୧୩ ॥
ଏକୈକଗୋପିକାପାର୍ଶ୍ୱେ ହରେରେକୈକବିଗ୍ରହଃ ।
ସୁବର୍ଣଗୁଟିକାୟୋଗେ ମଧ୍ୟେ ମାରକତୋ ଯଥା ॥ ୧୪ ॥
ହେମକଲ୍ପଲତାଗୋପୀବାହୁଭିଃ କଣ୍ଠମାଲୟା ।
ତମାଲଶ୍ୟାମଲଃ କୃଷ୍ଣୋ ଘୂର୍ଣ୍ୟତେ ରାସଲୀଲୟା ॥ ୧୫ ॥
କିଙ୍କିଣୀନୂପୁରାଦୀନାଂ ଭୂଷଣାନାଂ ଚ ଭୂଷଣମ୍ ।
କୈଶୋରଂ ସଫଲଂ କୁର୍ୱନ୍ ଗୋପୀଭିଃ ସହ ମୋଦତେ ॥ ୧୬ ॥
ରାଧାକୃଷ୍ଣେତି ସଙ୍ଗୀତଂ ଗୋପ୍ୟୋ ଗାୟନ୍ତି ସୁସ୍ୱରମ୍ ।
ରାଧାକୃଷ୍ଣରୀନାତ୍ତହସ୍ତକାନୁପଦକ୍ରମୈଃ ॥ ୧୭ ॥
ଜୟ କୃଷ୍ଣ ମନୋହର ଯୋଗଧରେ ଯଦୁନନ୍ଦନ ନନ୍ଦକିଶୋର ହରେ ।
ଜୟ ରାସରସେଶ୍ୱରି ପୂର୍ଣତମେ ବରଦେ ବୃଷଭାନୁକିଶୋରି ଯମେ ॥ ୧୮ ॥
ଜୟତୀହ କଦମ୍ବତଲେ ମିଲିତଃ କଲବେଣୁସମୀରିତଗାନରତଃ ।
ସହ ରାଧିକୟା ହରିରେକମହଃ ସତତଂ ତରୁଣୀଗଣମଧ୍ୟଗତଃ ॥ ୧୯ ॥
ବୃଷଭାନୁସୁତା ପରମା ପ୍ରକୃତିଃ ପୁରୁଷୋ ବ୍ରଜରାଜସୁତପ୍ରକୃତିଃ ।
ମୁହୁର୍ନୃତ୍ୟତି ଗାୟତି ବାଦୟତେ ସହ ଗୋପିକୟା ବିପିନେ ରମତେ ॥ ୨୦ ॥
ଯମୁନାପୁଲିନେ ବୃଷଭାନୁସୁତା ନବକା-ଲଲିତାଦି ସଖୀସହିତା ।
ରମତେ ବିଧୁନା ସହ ନୃତ୍ୟବତା ଗତିଚଞ୍ଚଲକୁଣ୍ଡଲହାରବତା ॥ ୨୧ ॥
ସ୍ଫୁଟପଦ୍ମମୁଖୀ ବୃଷଭାନୁସୁତା ନବନୀତସୁକୋମଲବାହୁୟୁତା ।
ପରିରଭ୍ୟ ହରିଂ ପ୍ରିୟମାତ୍ମସୁଖଂ ପରିଚୁମ୍ବତି ଶାରଦଚନ୍ଦ୍ରମୁଖମ୍ ॥ ୨୨ ॥
ରସିକୋ ବ୍ରଜରାଜସୁତଃ ସୁରତେ ରସିକାଂ ବୃଷଭାନୁସୁତାଂ ଭଜତେ ।
ନବପଲ୍ଲବକଲ୍ପିତତଲ୍ପଗତାଂ ସୁକୁମାରମନୋଭବଭାବବଶାମ୍ ॥ ୨୩ ॥
ବସୁଦେବସୁତୋରସି ହେମଲତା ସ୍ଫୁଟପୀନପୟୋଧରଭାରବତା ।
ଶୟନଂ କୁରୁତେ ବୃଷଭାନୁସୁତା ପ୍ରଣମାମି ସଦା ବୃଷଭାନୁସୁତାମ୍ ।
ନବନୀରଦସୁନ୍ଦରନୀଲତନୁଂ ତଡିଦୁଜ୍ଜ୍ୱଲକୁଣ୍ଡଲିନୀଂ ସୁତନୁମ୍ ॥ ୨୫ ॥
ଶିଥିକଣ୍ଠଶିଖଣ୍ଡଲସନ୍ମୁକୁଟଂ କବରୀପରିବଦ୍ଧକିରୀଟଘଟାମ୍(?) ।
କମଲାଶ୍ରିତଖଞ୍ଜନନେତ୍ରୟୁଗଂ ମକରାକୃତିକୁଣ୍ଡଲଗଣ୍ଡୟୁଗମ୍ ॥ ୨୬ ॥
ପରିପୂର୍ଣମୃଗାଙ୍କସୁଚାରୁମୁଖଂ ମଣିକୁଣ୍ଡଲମଣ୍ଡିତଗଣ୍ଡୟୁଗମ୍ ।
କନକାଙ୍ଗଦଶୋଭିତବାହୁଧରଂ ମଣିକଙ୍କଣଶୋଭିତଶଙ୍ଖକରାମ୍ ॥ ୨୭ ॥
ମଣିକୌସ୍ତୁଭଭୂଷିତହାରୟୁତଂ କୁଚକୁମ୍ଭବିରାଜିତହାରଲତାମ୍ ।
ତୁଲସୀଦଲଦାମସୁଗନ୍ଧିତନୁଂ ହରିଚନ୍ଦନଚର୍ଚିତଗୌରତନୁମ୍ ॥ ୨୮ ॥
ତନୁଭୂଷିତପୀତପଟୀଜଡିତଂ ରଶନାନ୍ୱିତନୀଲନିଚୋଲୟୁତାମ୍ ।
ତରସାଞ୍ଜନଦିଗ୍ଗଜରାଜଗତିଂ କଲନୂପୁରହଂସବିଲାସଗତିମ୍ ॥ ୨୯ ॥
ରତିନାଥମନୋହରବେଶଧରଂ ନିଜନାଥମନୋହରବେଶଧରାମ୍ ।
ମଣିନିର୍ମିତପଙ୍କଜମଧ୍ୟଗତଂ ରସରାସମନୋହରମଧ୍ୟରତାମ୍ ॥ ୩୦ ॥
ମୁରଲୀମଧୁରଶ୍ରୁତିରାଗପରଂ ସ୍ୱରସପ୍ତସମନ୍ୱିତଗାନପରାମ୍ ।
ନବନାୟକବେଶକିଶୋରବୟୋ ବ୍ରଜରାଜସୁତଃ ସହ ରାଧିକୟା ॥ ୩୧ ॥
ଇତରେତରବଦ୍ଧକରଭ୍ରମଣଂ କୁରୁତେ କୁସୁମାୟୁଧକେଲିବନମ୍ ।
ଅଧିକେହିତମାଧବରାଧିକୟୋଃ ବୃତରାସପରସ୍ପରମଣ୍ଡଲୟୋଃ ॥ ୩୨ ॥
ମଣିକଙ୍କଣଶିଞ୍ଚିତତାଲବନଂ ହରତେ ସନକାଦିମୁନେର୍ମନନମ୍ ।
ବୃଷଭାନୁସୁତା ବ୍ରଜରାଜସୁତଃ କନକପ୍ରତିମା ମଣିମାରକତଃ ॥ ୩୩ ॥
ଭ୍ରମତୀହ ଯଥାବିଥି ଯନ୍ତ୍ରଗତଃ ସହୟୋଗଗତୋ ଯମିତାନ୍ତରିତଃ ।
ଉଭୟୋରୁଭୟୋରାଧୟୋର୍ଦୟିତେ ପୃଥଗନ୍ତରିତେ ବୃଷଭାନୁସୁତେ ॥ ୩୪ ॥
ବୃଷଭାନୁସୁତାଭୁଜବଦ୍ଧଗଲଃ କୁଶଲୀ ବ୍ରଜରାଜସୁତଃ ସକଲଃ ।
ଯଦୁନନ୍ଦନୟୋର୍ଭୁଜବଦ୍ଧଗଲା ବୃଷଭାନୁସୁତା ରୁଚିରା ସକଲା ॥ ୩୫ ॥
ବୃଷଭାନୁସୁତା ବ୍ରଜରାଜସୁତଃ ବ୍ରଜରାଜସୁତୋ ବୃଷଭାନୁସୁତା ।
କେଲିକଦମ୍ବତଲେ ବନମାଲୀ ନୃତ୍ୟତି ଚଞ୍ଚଲଚନ୍ଦ୍ରକମୌଲୀ ॥ ୩୬ ॥
ରାଧିକୟା ସହ ରାସବିଲାସୀ ଗୋପବଧୂପ୍ରିୟଗୋକୁଲବାସୀ ।
କ୍ରୀଡତି ରାଧିକୟା ସହ କୃଷ୍ଣଃ ଶ୍ରୀମୁଖଚନ୍ଦ୍ରସୁଧାରସତୃଷ୍ଣଃ ॥ ୩୭ ॥
ନର୍ତକଖଞ୍ଜନଲୋଚନଲୋଲଃ କୁଣ୍ଡଲମଣ୍ଡିତଚାରୁକପୋଲଃ ।
କୁଞ୍ଜଗୃହେ କୁସୁମୋତ୍ତମତଲ୍ପେ ସୂର୍ୟସୁତାଜଲବାୟୁସୁକଲ୍ପେ ॥ ୩୮ ॥
କେଶବ ଆଦିରସଂ ପ୍ରତିଶେତେ ରାଧିକୟା ସହ ଚନ୍ଦ୍ରସୁଶୀତେ ।
ରାସରସେ ସୁବିରାଜିତରାଧା ଚନ୍ଦନଚର୍ଚିତପଙ୍କଜଗନ୍ଧା ॥ ୩୯ ॥
ମାଧବସଙ୍ଗମବର୍ଧିତରଙ୍ଗା ପୂର୍ଣମନୋରଥମନ୍ମଥସଙ୍ଗା ।
ଶୋଭନକୋମଲଦିବ୍ୟଶରୀରା କୃଷ୍ଣବପୁଃପରିମାଣକିଶୋରା ॥ ୪୦ ॥
ଭାବମୟୀ ବୃଷଭାନୁକିଶୋରୀ କାଞ୍ଚନଚମ୍ପକକୁଙ୍କୁମଗୌରୀ ।
ରାଧୟୋରାଧୟୋର୍ମଧ୍ୟତୋ ମଧ୍ୟତୋ ମାଧବୋ ମାଧବୋ ମଣ୍ଡଲେ ଶୋଭତେ ॥ ୪୧ ॥
ରାଧିକା ରାଧିକା ମାଧବଂ ଚୁମ୍ବତି ମାଧବୋ ମାଧବୋ ରାଧିକାଂ ଶ୍ଲିଷ୍ୟତି ।
ରାଧିକା ରାଧିକା ମାଧବଂ ଗାୟତି ମାଧତୋ ରାଧିକାଂ ବେଣୁନା ଗାୟତି ॥ ୪୨ ॥
କଲ୍ପିତେ ମଣ୍ଡଲେ ରାଜତେ ରାଧିକା ମାଧବପ୍ରେମସନ୍ଦୋହସଂରାଧିକା ।
ରାଧିକାଂ ରାଧିକାଂ ଚାନ୍ତରେଣାନ୍ତରଃ ମାଧବଂ ମାଧବଂ ଚାନ୍ତରେଣାନ୍ତରା ।
ମାଧବୋ ମାଧବୋ ରାଧିକା ରାଧିକା ରାଧିକା ରାଧିକା ମାଧବୋ ମାଧବଃ ॥ ୪୩ ॥
ବାସାବତାରବିସ୍ତାରଂ ବଂଶୀବାଦନସୁନ୍ଦରମ୍ ।
ରତିକାମମଦାକ୍ରାନ୍ତଂ ରାଧାକୃଷ୍ଣଂ ଭଜାମ୍ୟହମ୍ ॥ ୪୪ ॥
ଭ୍ରମନ୍ତଂ ରାସଚକ୍ରେଣ ନୃତ୍ୟନ୍ତଂ ତାଲଶିଞ୍ଜିତୈଃ ।
ଗୋପୀଭିଃ ସହ ଗାୟନ୍ତଂ ରାଧାକୃଷ୍ଣଂ ଭଜାମ୍ୟହମ୍ ॥ ୪୫ ॥
ରାସମଣ୍ଡଲମଧ୍ୟସ୍ଥଂ ପ୍ରଫୁଲ୍ଲବଦନାମ୍ବୁଜମ୍ ।
ଅନନ୍ୟହୃଦୟାସକ୍ତଂ ରାଧାକୃଷ୍ଣଂ ଭଜାମ୍ୟହମ୍ ॥ ୪୬ ॥
ବିଦ୍ୟୁଦ୍ଗୌରଂ ଘନଶ୍ୟାମଂ ପ୍ରେମାଲିଙ୍ଗନତତ୍ପରମ୍ ।
ପରସ୍ପରକମର୍ଦ୍ଧାଙ୍ଗଂ ରାଧାକୃଷ୍ଣଂ ଭଜାମ୍ୟହମ୍ ॥ ୪୭ ॥
ରାଧିକାରୂପିଣଂ କୃଷ୍ଣଂ ରାଧିକାଂ କୃଷ୍ଣରୂପିଣୀମ୍ ।
ରାସୟୋଗାନୁସାରେଣ ରାଧାକୃଷ୍ଣଂ ଭଜାମ୍ୟହମ୍ ॥ ୪୮ ॥
ପୁଷ୍ପିତେ ମାଧବୀକୁଞ୍ଜେ ପୁଷ୍ପତଲ୍ପୋପରିସ୍ଥିତମ୍ ।
ବିପରୀତରତାସକ୍ତଂ ରାଧାକୃଷ୍ଣଂ ଭଜାମ୍ୟହମ୍ ॥ ୪୯ ॥
ରାସକ୍ରିଡାପରିଶ୍ରାନ୍ତଂ ମଧୁପାନପରାୟଣମ୍ ।
ତାମ୍ବୂଲପୂର୍ଣବକ୍ତ୍ରେନ୍ଦୁଂ ରାଧାକୃଷ୍ଣଂ ଭଜାମ୍ୟହମ୍ ॥ ୫୦ ॥
ରାସୋଲ୍ଲାସକଲାପୂର୍ଣଂ ଗୋପୀମଣ୍ଡଲମଣ୍ଡିତମ୍ ।
ଶ୍ରୀମାଧବଂ ରାଧିକାଖ୍ୟଂ ପୂର୍ଣଚନ୍ଦ୍ରମୁପାସ୍ମହେ ॥ ୫୧ ॥
ଚତୁର୍ୱର୍ଗଫଲଂ ତ୍ୟକ୍ତ୍ୱା ଶ୍ରୀବୃନ୍ଦାବନମଧ୍ୟତଃ ।
ଶ୍ରୀରାଧା-ଶ୍ରୀପାଦପଦ୍ମଂ ପ୍ରାର୍ଥୟେ ଜନ୍ମଜନ୍ମନି ॥ ୫୨ ॥
ରାଧାକୃଷ୍ଣସୁଧାସିନ୍ଧୁରାସଗଙ୍ଗାଙ୍ଗସଙ୍ଗମେ ।
ଅବଗାହ୍ୟ ମନୋହଂସୋ ବିହରେଚ୍ଚ ଯାଥାସୁଖମ୍ ॥ ୫୩ ॥
ରାସଗୀତାଂ ପଠେଦ୍ୟସ୍ତୁ ଶୃଣୁୟଦ୍ୱାପି ଯୋ ନରଃ ।
ବାଞ୍ଚାସିଦ୍ଧିର୍ଭବେତ୍ତସ୍ୟ ଭକ୍ତିଃ ସ୍ୟାତ୍ ପ୍ରେମଲକ୍ଷଣା ॥ ୫୪ ॥
ଲକ୍ଷ୍ମୀସ୍ତସ୍ୟ ବସେଦ୍ଗେହେ ମୁଖେ ଭାତି ସରସ୍ୱତୀ ।
ଧର୍ମାର୍ଥକାମକୈବଲ୍ୟଂ ଲଭତେ ସତ୍ୟମେବ ସଃ ॥ ୫୫ ॥
ସମାପ୍ତେୟଂ ରାସଗୀତା ।
– Chant Stotra in Other Languages –
Rasa Gita in Sanskrit – English – Bengali – Gujarati – Kannada – Malayalam – Odia – Telugu – Tamil