॥ Rishabha Geetaa Bengali Lyrics ॥
॥ ঋষভগীতা ॥ (Mahabharata Shantiparva)
অধ্যায়ঃ ১২৪
য্
ইমে জনা নরশ্রেষ্ঠ প্রশংসন্তি সদা ভুবি ।
ধর্মস্য শীলমেবাদৌ ততো মে সংশয়ো মহান্ ॥ ১ ॥
যদি তচ্ছক্যমস্মাভির্জ্ঞাতুং ধর্মভৃতাং বর ।
শ্রোতুমিচ্ছামি তৎসর্বং যথৈতদুপলভ্যতে ॥ ২ ॥
কথং নু প্রাপ্যতে শীলং শ্রোতুমিচ্ছামি ভারত ।
কিং লক্ষণং চ তৎপ্রোক্তং ব্রূহি মে বদতাং বর ॥ ৩ ॥
ভ্
পুরা দুর্যোধনেনেহ ধৃতরাষ্ট্রায় মানদ ।
আখ্যাতং তপ্যমানেন শ্রিয়ং দৃষ্ট্বা তথাগতাম্ ॥ ৪ ॥
ইন্দ্রপ্রস্থে মহারাজ তব স ভ্রাতৃকস্য হ ।
সভায়াং চাবহসনং তৎসর্বং শৃণু ভারত ॥ ৫ ॥
ভবতস্তাং সভাং দৃষ্ট্বা সমৃদ্ধিং চাপ্যনুত্তমাম্ ।
দুর্যোধনস্তদাসীনঃ সর্বং পিত্রে ন্যবেদয়ৎ ॥ ৬ ॥
শ্রুৎবা চ ধৃতরাষ্ট্রোঽপি দুর্যোধন বচস্তদা ।
অব্রবীৎকর্ণ সহিতং দুর্যোধনমিদং বচঃ ॥ ৭ ॥
কিমর্থং তপ্যসে পুত্র শ্রোতুমিচ্ছামি তত্ত্বতঃ ।
শ্রুৎবা ৎবামনুনেষ্যামি যদি সম্যগ্ভবিষ্যসি ॥ ৮ ॥
যথা ৎবং মহদৈশ্বর্যং প্রাপ্তঃ পরপুরঞ্জয় ।
কিঙ্করা ভ্রাতরঃ সর্বে মিত্রাঃ সম্বন্ধিনস্তথা ॥ ৯ ॥
আচ্ছাদয়সি প্রাবারানশ্নাসি পিশিতৌদনম্ ।
আজানেয়া বহন্তি ৎবাং কস্মাচ্ছোচসি পুত্রক ॥ ১০ ॥
দ্
দশ তানি সহস্রাণি স্নাতকানাং মহাত্মনাম্ ।
ভুঞ্জতে রুক্মপাত্রীষু যুধিষ্ঠির নিবেশনে ॥ ১১ ॥
দৃষ্ট্বা চ তাং সভাং দিব্যাং দিব্যপুষ্পফলান্বিতাম্ ।
অশ্বাংস্তিত্তির কল্মাষান্রত্নানি বিবিধানি চ ॥ ১২ ॥
দৃষ্ট্বা তাং পাণ্ডবেয়ানামৃদ্ধিমিন্দ্রোপমাং শুভাম্ ।
অমিত্রাণাং সুমহতীমনুশোচামি মানদ ॥ ১৩ ॥
ধ্
যদীচ্ছসি শ্রিয়ং তাত যাদৃশীং তাং যুধিষ্ঠিরে ।
বিশিষ্টাং বা নরব্যাঘ্র শীলবান্ভব পুত্রক ॥ ১৪ ॥
শীলেন হি ত্রয়ো লোকাঃ শক্যা জেতুং ন সংশয়ঃ ।
ন হি কিং চিদসাধ্যং বৈ লোকে শীলবতাং ভবেৎ ॥ ১৫ ॥
একরাত্রেণ মান্ধাতা ত্র্যহেণ জনমেজয়ঃ ।
সপ্তরাত্রেণ নাভাগঃ পৃথিবীং প্রতিপেদিবান্ ॥ ১৬ ॥
এতে হি পার্থিবাঃ সর্বে শীলবন্তো দমান্বিতাঃ ।
অতস্তেষাং গুণক্রীতা বসুধা স্বয়মাগমৎ ॥ ১৭ ॥
অত্রাপ্যুদাহরন্তীমমিতিহাসং পুরাতনম্ ।
নারদেন পুরা প্রোক্তং শীলমাশ্রিত্য ভারত ॥ ১৮ ॥
প্রহ্রাদেন হৃতং রাজ্যং মহেন্দ্রস্য মহাত্মনঃ ।
শীলমাশ্রিত্য দৈত্যেন ত্রৈলোক্যং চ বশীকৃতম্ ॥ ১৯ ॥
ততো বৃহস্পতিং শক্রঃ প্রাঞ্জলিঃ সমুপস্থিতঃ ।
উবাচ চ মহাপ্রাজ্ঞঃ শ্রেয় ইচ্ছামি বেদিতুম্ ॥ ২০ ॥
ততো বৃহস্পতিস্তস্মৈ জ্ঞানং নৈঃশ্রেয়সং পরম্ ।
কথয়ামাস ভগবান্দেবেন্দ্রায় কুরূদ্বহ ॥ ২১ ॥
এতাবচ্ছ্রেয় ইত্যেব বৃহস্পতিরভাষত ।
ইন্দ্রস্তু ভূয়ঃ পপ্রচ্ছ ক্ব বিশেষো ভবেদিতি ॥ ২২ ॥
ব্
বিশেষোঽস্তি মহাংস্তাত ভার্গবস্য মহাত্মনঃ ।
তত্রাগময় ভদ্রং তে ভূয় এব পুরন্দর ॥ ২৩ ॥
ধ্
আত্মনস্তু ততঃ শ্রেয়ো ভার্গবাৎসুমহায়শাঃ ।
জ্ঞানমাগময়ৎপ্রীত্যা পুনঃ স পরমদ্যুতিঃ ॥ ২৪ ॥
তেনাপি সমনুজ্ঞাতো ভাগবেণ মহাত্মনা ।
শ্রেয়োঽস্তীতি পুনর্ভূয়ঃ শুক্রমাহ শতক্রতুঃ ॥ ২৫ ॥
ভার্গবস্ত্বাহ ধর্মজ্ঞঃ প্রহ্রাদস্য মহাত্মনঃ ।
জ্ঞানমস্তি বিশেষেণ ততো হৃষ্টশ্ চ সোঽভবৎ ॥ ২৬ ॥
স ততো ব্রাহ্মণো ভূৎবা প্রহ্রাদং পাকশাসনঃ ।
সৃৎবা প্রোবাচ মেধাবী শ্রেয় ইচ্ছামি বেদিতুম্ ॥ ২৭ ॥
প্রহ্রাদস্ত্বব্রবীদ্বিপ্রং ক্ষণো নাস্তি দ্বিজর্ষভ ।
ত্রৈলোক্যরাজ্যে সক্তস্য ততো নোপদিশামি তে ॥ ২৮ ॥
ব্রাহ্মণস্ত্বব্রবীদ্বাক্যং কস্মিন্কালে ক্ষণো ভবেৎ ।
ততোপদিষ্টমিচ্ছামি যদ্যৎকার্যান্তরং ভবেৎ ॥ ২৯ ॥
ততঃ প্রীতোঽভবদ্রাজা প্রহ্রাদো ব্রহ্মবাদিনে ।
তথেত্যুক্ত্বা শুভে কালে জ্ঞানতত্ত্বং দদৌ তদা ॥ ৩০ ॥
ব্রাহ্মণোঽপি যথান্যায়ং গুরুবৃত্তিমনুত্তমাম্ ।
চকার সর্বভাবেন যদ্বৎস মনসেচ্ছতি ॥ ৩১ ॥
পৃষ্ঠশ্চ তেন বহুশঃ প্রাপ্তং কথমরিন্দম ।
ত্রৈলোক্যরাজ্যং ধর্মজ্ঞ কারণং তদ্ব্রবীহি মে ॥ ৩২ ॥
প্
নাসূয়ামি দ্বিজশ্রেষ্ঠ রাজাস্মীতি কদা চন ।
কব্যানি বদতাং তাত সংয়চ্ছামি বহামি চ ॥ ৩৩ ॥
তে বিস্রব্ধাঃ প্রভাষন্তে সংয়চ্ছন্তি চ মাং সদা ।
তে মা কব্য পদে সক্তং শুশ্রূষুমনসূয়কম্ ॥ ৩৪ ॥
ধর্মাত্মানং জিতক্রোধং সংয়তং সংয়তেন্দ্রিয়ম্ ।
সমাচিন্বন্তি শাস্তারঃ ক্ষৌদ্রং মধ্বিব মক্ষিকাঃ ॥ ৩৫ ॥
সোঽহং বাগগ্রপিষ্টানাং রসানামবলেহিতা ।
স্বজাত্যানধিতিষ্ঠামি নক্ষত্রাণীব চন্দ্রমাঃ ॥ ৩৬ ॥
এতৎপৃথিব্যামমৃতমেতচ্চক্ষুরনুত্তমম্ ।
যদ্ব্রাহ্মণ মুখে কব্যমেতচ্ছ্রুৎবা প্রবর্ততে ॥ ৩৭ ॥
ধ্
এতাবচ্ছ্রেয় ইত্যাহ প্রহ্রাদো ব্রহ্মবাদিনম্ ।
শুশ্রূষিতস্তেন তদা দৈত্যেন্দ্রো বাক্যমব্রবীৎ ॥ ৩৮ ॥
যথাবদ্গুরুবৃত্ত্যা তে প্রীতোঽস্মি দ্বিজসত্তম ।
বরং বৃণীষ্ব ভদ্রং তে প্রদাতাস্মি ন সংশয়ঃ ॥ ৩৯ ॥
কৃতমিত্যেব দৈত্যেন্দ্রমুবাচ স চ বৈ দ্বিজঃ ।
প্রহ্রাদস্ত্বব্রবীৎপ্রীতো গৃহ্যতাং বর ইত্যুত ॥ ৪০ ॥
ব্র্
যদি রাজন্প্রসন্নস্ত্বং মম চেচ্ছসি চেদ্ধিতম্ ।
ভবতঃ শীলমিচ্ছামি প্রাপ্তুমেষ বরো মম ॥ ৪১ ॥
ধ্
ততঃ প্রীতশ্চ দৈত্যেন্দ্রো ভয়ং চাস্যাভবন্মহৎ ।
বরে প্রদিষ্টে বিপ্রেণ নাল্পতেজায়মিত্যুত ॥ ৪২ ॥
এবমস্ত্বিতি তং প্রাহ প্রহ্রাদো বিস্মিতস্তদা ।
উপাকৃত্য তু বিপ্রায় বরং দুঃখান্বিতোঽভবৎ ॥ ৪৩ ॥
দত্তে বরে গতে বিপ্রে চিন্তাসীন্মহতী ততঃ ।
প্রহ্রাদস্য মহারাজ নিশ্চয়ং ন চ জগ্মিবান্ ॥ ৪৪ ॥
তস্য চিন্তয়তস্তাত ছায়া ভূতং মহাদ্যুতে ।
তেজো বিগ্রহবত্তাত শরীরমজহাত্তদা ॥ ৪৫ ॥
তমপৃচ্ছন্মহাকায়ং প্রহ্রাদঃ কো ভবানিতি ।
প্রত্যাহ ননু শীলোঽস্মি ত্যক্তো গচ্ছাম্যহং ৎবয়া ॥ ৪৬ ॥
তস্মিন্দ্বিজ বরে রাজন্বৎস্যাম্যহমনিন্দিতম্ ।
যোঽসৌ শিষ্যৎবমাগম্য ৎবয়ি নিত্যং সমাহিতঃ ।
ইত্যুক্ত্বান্তর্হিতং তদ্বৈ শক্রং চান্ববিশৎপ্রভো ॥ ৪৭ ॥
তস্মিংস্তেজসি যাতে তু তাদৃগ্রূপস্ততোঽপরঃ ।
শরীরান্নিঃসৃতস্তস্য কো ভবানিতি চাব্রবীৎ ॥ ৪৮ ॥
ধর্মং প্রহ্রাদ মাং বিদ্ধি যত্রাসৌ দ্বিজসত্তমঃ ।
তত্র যাস্যামি দৈত্যেন্দ্র যতঃ শীলং ততো হ্যহম্ ॥ ৪৯ ॥
ততোঽপরো মহারাজ প্রজ্বজন্নিব তেজসা ।
শরীরান্নিঃসৃতস্তস্য প্রহ্রাদস্য মহাত্মনঃ ॥ ৫০ ॥
কো ভবানিতি পৃষ্টশ্চ তমাহ স মহাদ্যুতিঃ ।
সত্যমস্ম্যসুরেন্দ্রাগ্র্য যাস্যেঽহং ধর্মমন্বিহ ॥ ৫১ ॥
তস্মিন্ননুগতে ধর্মং পুরুষে পুরুষোঽপরঃ ।
নিশ্চক্রাম ততস্তস্মাৎপৃষ্ঠশ্চাহ মহাত্মনা ।
বৃত্তং প্রহ্রাদ মাং বিদ্ধি যতঃ সত্যং ততো হ্যহম্ ॥ ৫২ ॥
তস্মিন্গতে মহাশ্বেতঃ শরীরাত্তস্য নির্যযৌ ।
পৃষ্টশ্চাহ বলং বিদ্ধি যতো বৃত্তমহং ততঃ ।
ইত্যুক্ত্বা চ যয়ৌ তত্র যতো বৃত্তং নরাধিপ ॥ ৫৩ ॥
ততঃ প্রভাময়ী দেবী শরীরাত্তস্য নির্যযৌ ।
তামপৃচ্ছৎস দৈত্যেন্দ্রঃ সা শ্রীরিত্যেবমব্রবীৎ ॥ ৫৪ ॥
উষিতাস্মি সুখং বীর ৎবয়ি সত্যপরাক্রমে ।
ৎবয়া ত্যক্তা গমিষ্যামি বলং যত্র ততো হ্যহম্ ॥ ৫৫ ॥
ততো ভয়ং প্রাদুরাসীৎপ্রহ্রাদস্য মহাত্মনঃ ।
অপৃচ্ছত চ তাং ভূয়ঃ ক্ব যাসি কমলালয়ে ॥ ৫৬ ॥
ৎবং হি সত্যব্রতা দেবী লোকস্য পরমেশ্বরী ।
কশ্চাসৌ ব্রাহ্মণশ্রেষ্ঠস্তত্ত্বমিচ্ছামি বেদিতুম্ ॥ ৫৭ ॥
জ়্রী
স শক্রো ব্রহ্ম চারী চ যস্ত্বয়া চোপশিক্ষিতঃ ।
ত্রৈলোক্যে তে যদৈশ্বর্যং তত্তেনাপহৃতং প্রভো ॥ ৫৮ ॥
শীলেন হি ৎবয়া লোকাঃ সর্বে ধর্মজ্ঞ নির্জিতাঃ ।
তদ্বিজ্ঞায় মহেন্দ্রেণ তব শীলং হৃতং প্রভো ॥ ৫৯ ॥
ধর্মঃ সত্যং তথা বৃত্তং বলং চৈব তথা হ্যহম্ ।
শীলমূলা মহাপ্রাজ্ঞ সদা নাস্ত্যত্র সংশয়ঃ ॥ ৬০ ॥
ভ্
এবমুক্ত্বা গতা তু শ্রীস্তে চ সর্বে যুধিষ্ঠির ।
দুর্যোধনস্তু পিতরং ভূয় এবাব্রবীদিদম্ ॥ ৬১ ॥
শীলস্য তত্ত্বমিচ্ছামি বেত্তুং কৌরবনন্দন ।
প্রাপ্যতে চ যথা শীলং তমুপায়ং বদস্ব মে ॥ ৬২ ॥
ধ্
সোপায়ং পূর্বমুদ্দিষ্টং প্রহ্রাদেন মহাত্মনা ।
সঙ্ক্ষেপতস্তু শীলস্য শৃণু প্রাপ্তিং নরাধিপ ॥ ৬৩ ॥
অদ্রোহঃ সর্বভূতেষু কর্মণা মনসা গিরা ।
অনুগ্রহশ্চ দানং চ শীলমেতৎপ্রশস্যতে ॥ ৬৪ ॥
যদন্যেষাং হিতং ন স্যাদাত্মনঃ কর্ম পৌরুষম্ ।
অপত্রপেত বা যেন ন তৎকুর্যাৎকথং চন ॥ ৬৫ ॥
তত্তু কর্ম তথা কুর্যাদ্যেন শ্লাঘেত সংসদি ।
এতচ্ছীলং সমাসেন কথিতং কুরুসত্তম ॥ ৬৬ ॥
যদ্যপ্যশীলা নৃপতে প্রাপ্নুবন্তি ক্ব চিচ্ছ্রিয়ম্ ।
ন ভুঞ্জতে চিরং তাত স মূলাশ্ চ পতন্তি তে ॥ ৬৭ ॥
এতদ্বিদিৎবা তত্ত্বেন শীলবান্ভব পুত্রক ।
যদীচ্ছসি শ্রিয়ং তাত সুবিশিষ্টাং যুধিষ্ঠিরাৎ ॥ ৬৮ ॥
ভ্
এতৎকথিতবান্পুত্রে ধৃতরাষ্ট্রো নরাধিপ ।
এতৎকুরুষ্ব কৌন্তেয় ততঃ প্রাপ্স্যসি তৎফলম্ ॥ ৬৯ ॥
অধ্যায়ঃ ১২৫
য্
শীলং প্রধানং পুরুষে কথিতং তে পিতামহ ।
কথমাশা সমুৎপন্না যা চ সা তদ্বদস্ব মে ॥ ১ ॥
সংশয়ো মে মহানেষ সমুৎপন্নঃ পিতামহ ।
ছেত্তা চ তস্য নান্যোঽস্তি ৎবত্তঃ পরপুরঞ্জয় ॥ ২ ॥
পিতামহাশা মহতী মমাসীদ্ধি সুয়োধনে ।
প্রাপ্তে যুদ্ধে তু যদ্যুক্তং তৎকর্তায়মিতি প্রভো ॥ ৩ ॥
সর্বস্যাশা সুমহতী পুরুষস্যোপজায়তে ।
তস্যাং বিহন্যমানায়াং দুঃখো মৃত্যুরসংশয়ম্ ॥ ৪ ॥
সোঽহং হতাশো দুর্বুদ্ধিঃ কৃতস্তেন দুরাত্মনা ।
ধার্তরাষ্ট্রেণ রাজেন্দ্র পশ্য মন্দাত্মতাং মম ॥ ৫ ॥
আশাং মহত্তরাং মন্যে পর্বতাদপি স দ্রুমাৎ ।
আকাশাদপি বা রাজন্নপ্রমেয়ৈব বা পুনঃ ॥ ৬ ॥
এষা চৈব কুরুশ্রেষ্ঠ দুর্বিচিন্ত্যা সুদুর্লভা ।
দুর্লভৎবাচ্চ পশ্যামি কিমন্যদ্দুর্লভং ততঃ ॥ ৭ ॥
ভ্
অত্র তে বর্তয়িষ্যামি যুধিষ্ঠির নিবোধ তৎ ।
ইতিহাসং সুমিত্রস্য নির্বৃত্তমৃষভস্য চ ॥ ৮ ॥
সুমিত্রো নাম রাজর্ষির্হৈহয়ো মৃগয়াং গতঃ ।
সসার স মৃগং বিদ্ধ্বা বাণেন নতপর্বণা ॥ ৯ ॥
স মৃগো বাণমাদায় যয়াবমিতবিক্রমঃ ।
স চ রাজা বলী তূর্ণং সসার মৃগমন্তিকাৎ ॥ ১০ ॥
ততো নিম্নং স্থলং চৈব স মৃগোঽদ্রবদাশুগঃ ।
মুহূর্তমেব রাজেন্দ্র সমেন স পথাগমৎ ॥ ১১ ॥
ততঃ স রাজা তারুণ্যাদৌরসেন বলেন চ ।
সসার বাণাসনভৃৎসখড্গো হংসবত্তদা ॥ ১২ ॥
তীর্ত্বা নদান্নদীংশ্চৈব পল্বলানি বনানি চ ।
অতিক্রম্যাভ্যতিক্রম্য সসারৈব বনেচরন্ ॥ ১৩ ॥
স তু কামান্মৃগো রাজন্নাসাদ্যাসাদ্য তং নৃপম্ ।
পুনরভ্যেতি জবনো জবেন মহতা ততঃ ॥ ১৪ ॥
স তস্য বাণৈর্বহুভিঃ সমভ্যস্তো বনেচরঃ ।
প্রক্রীডন্নিব রাজেন্দ্র পুনরভ্যেতি চান্তিকম্ ॥ ১৫ ॥
পুনশ্চ জবমাস্থায় জবনো মৃগয়ূথপঃ ।
অতীত্যাতীত্য রাজেন্দ্র পুনরভ্যেতি চান্তিকম্ ॥ ১৬ ॥
তস্য মর্মচ্ছিদং ঘোরং সুমিত্রোঽমিত্রকর্শনঃ ।
সমাদায় শরশ্রেষ্ঠং কার্মুকান্নিরবাসৃজৎ ॥ ১৭ ॥
ততো গব্যূতি মাত্রেণ মৃগয়ূথপ যূথপঃ ।
তস্য বান পথং ত্যক্ত্বা তস্থিবান্প্রহসন্নিব ॥ ১৮ ॥
তস্মিন্নিপতিতে বাণে ভূমৌ প্রজলিতে ততঃ ।
প্রবিবেশ মহারণ্যং মৃগো রাজাপ্যথাদ্রবৎ ॥ ১৯ ॥
প্রবিশ্য তু মহারণ্যং তাপসানামথাশ্রমম্ ।
আসসাদ ততো রাজা শ্রান্তশ্চোপাবিশৎপুনঃ ॥ ২০ ॥
তং কার্মুকধরং দৃষ্ট্বা শ্রমার্তং ক্ষুধিতং তদা ।
সমেত্য ঋষয়স্তস্মিন্পূজাং চক্রুর্যথাবিধি ॥ ২১ ॥
ঋষয়ো রাজশার্দূলমপৃচ্ছন্স্বং প্রয়োজনম্ ।
কেন ভদ্র মুখার্থেন সম্প্রাপ্তোঽসি তপোবনম্ ॥ ২২ ॥
পদাতির্বদ্ধনিস্ত্রিংশো ধন্বী বাণী নরেশ্বর ।
এতদিচ্ছাম বিজ্ঞাতুং কুতঃ প্রাপ্তোঽসি মানদ ।
কস্মিন্কুলে হি জাতস্ত্বং কিংনামাসি ব্রবীহি নঃ ॥ ২৩ ॥
ততঃ স রাজা সর্বেভ্যো দ্বিজেভ্যঃ পুরুষর্ষভ ।
আচখ্যৌ তদ্যথান্যায়ং পরিচর্যাং চ ভারত ॥ ২৪ ॥
হৈহয়ানাং কুলে জাতঃ সুমিত্রো মিত্রনন্দনঃ ।
চরামি মৃগয়ূথানি নিঘ্নন্বাণৈঃ সহস্রশঃ ।
বলেন মহতা গুপ্তঃ সামাত্যঃ সাবরোধনঃ ॥ ২৫ ॥
মৃগস্তু বিদ্ধো বাণেন ময়া সরতি শল্যবান্ ।
তং দ্রবন্তমনু প্রাপ্তো বনমেতদ্যদৃচ্ছয়া ।
ভবৎসকাশে নষ্টশ্রীর্হতাশঃ শ্রমকর্শিতঃ ॥ ২৬ ॥
কিং নু দুঃখমতোঽন্যদ্বৈ যদহং শ্রমকর্শিতঃ ।
ভবতামাশ্রমং প্রাপ্তো হতাশো নষ্টলক্ষণঃ ॥ ২৭ ॥
ন রাজ্যলক্ষণত্যাগো ন পুরস্য তপোধনাঃ ।
দুঃখং করোতি তত্তীব্রং যথাশা বিহতা মম ॥ ২৮ ॥
হিমবান্বা মহাশৈলঃ সমুদ্রো বা মহোদধিঃ ।
মহত্ত্বান্নান্বপদ্যেতাং রোদস্যোরন্তরং যথা ।
আশায়াস্তপসি শ্রেষ্ঠাস্তথা নান্তমহং গতঃ ॥ ২৯ ॥
ভবতাং বিদিতং সর্বং সর্বজ্ঞা হি তপোধনাঃ ।
ভবন্তঃ সুমহাভাগাস্তস্মাৎপ্রক্ষ্যামি সংশয়ম্ ॥ ৩০ ॥
আশাবান্পুরুষো যঃ স্যাদন্তরিক্ষমথাপি বা ।
কিং নু জ্যায়স্তরং লোকে মহত্ত্বাৎপ্রতিভাতি বঃ ।
এতদিচ্ছামি তত্ত্বেন শ্রোতুং কিমিহ দুর্লভম্ ॥ ৩১ ॥
যদি গুহ্যং তপোনিত্যা ন বো ব্রূতেহ মাচিরম্ ।
ন হি গুহ্যমতঃ শ্রোতুমিচ্ছামি দ্বিজপুঙ্গবাঃ ॥ ৩২ ॥
ভবত্তপো বিঘাতো বা যেন স্যাদ্বিরমে ততঃ ।
যদি বাস্তি কথা যোগো যোঽয়ং প্রশ্নো ময়েরিতঃ ॥ ৩৩ ॥
এতৎকারণসামগ্র্যং শ্রোতুমিচ্ছামি তত্ত্বতঃ ।
ভবন্তো হি তপোনিত্যা ব্রূয়ুরেতৎসমাহিতাঃ ॥ ৩৪ ॥
অধ্যায়ঃ ১২৬
ভ্
ততস্তেষাং সমস্তানামৃষীণামৃষিসত্তমঃ ।
ঋষভো নাম বিপ্রর্ষিঃ স্ময়ন্নিব ততোঽব্রবীৎ ॥ ১ ॥
পুরাহং রাজশার্দূল তীর্থান্যনুচরন্প্রভো ।
সমাসাদিতবান্দিব্যং নরনারায়ণাশ্রমম্ ॥ ২ ॥
যত্র সা বদরী রম্যা হ্রদো বৈহায়সস্তথা ।
যত্র চাশ্বশিরা রাজন্বেদান্পঠতি শাশ্বতান্ ॥ ৩ ॥
তস্মিন্সরসি কৃৎবাহং বিধিবত্তর্পণং পুরা ।
পিতৄণাং দেবতানাং চ ততোঽঽশ্রমমিয়াং তদা ॥ ৪ ॥
রেমাতে যত্র তৌ নিত্যং নরনারায়ণাবৃষী ।
অদূরাদাশ্রমং কং চিদ্বাসার্থমগমং ততঃ ॥ ৫ ॥
ততশ্চীরাজিনধরং কৃশমুচ্চমতীব চ ।
অদ্রাক্ষমৃষিমায়ান্তং তনুং নাম তপো নিধিম্ ॥ ৬ ॥
অন্যৈর্নরৈর্মহাবাহো বপুষাষ্ট গুণান্বিতম্ ।
কৃশতা চাপি রাজর্ষে ন দৃষ্টা তাদৃশী ক্ব চিৎ ॥ ৭ ॥
শরীরমপি রাজেন্দ্র তস্য কানিষ্ঠিকা সমম্ ।
গ্রীবা বাহূ তথা পাদৌ কেশাশ্চাদ্ভুতদর্শনাঃ ॥ ৮ ॥
শিরঃ কায়ানুরূপং চ কর্ণৌ নেতে তথৈব চ ।
তস্য বাক্চৈব চেষ্টা চ সামান্যে রাজসত্তম ॥ ৯ ॥
দৃষ্ট্বাহং তং কৃশং বিপ্রং ভীতঃ পরমদুর্মনাঃ ।
পাদৌ তস্যাভিবাদ্যাথ স্থিতঃ প্রাঞ্জলিরগ্রতঃ ॥ ১০ ॥
নিবেদ্য নামগোত্রং চ পিতরং চ নরর্ষভ ।
প্রদিষ্টে চাসনে তেন শনৈরহমুপাবিশম্ ॥ ১১ ॥
ততঃ স কথয়ামাস কথা ধর্মার্থসংহিতাঃ ।
ঋষিমধ্যে মহারাজ তত্র ধর্মভৃতাং বরঃ ॥ ১২ ॥
তস্মিংস্তু কথয়ত্যেব রাজা রাজীবলোচনঃ ।
উপায়াজ্জবনৈরশ্বৈঃ সবলঃ সাবরোধনঃ ॥ ১৩ ॥
স্মরন্পুত্রমরণ্যে বৈ নষ্টং পরমদুর্মনাঃ ।
ভূরিদ্যুম্ন পিতা ধীমান্রঘুশ্রেষ্ঠো মহায়শাঃ ॥ ১৪ ॥
ইহ দ্রক্ষ্যামি তং পুত্রং দ্রক্ষ্যামীহেতি পার্থিবঃ ।
এবমাশাকৃতো রাজংশ্চরন্বনমিদং পুরা ॥ ১৫ ॥
দুর্লভঃ স ময়া দ্রষ্টুং নূনং পরমধার্মিকঃ ।
একঃ পুত্রো মহারণ্যে নষ্ট ইত্যসকৃত্তদা ॥ ১৬ ॥
দুর্লভঃ স ময়া দ্রষ্টুমাশা চ মহতী মম ।
তয়া পরীতগাত্রোঽহং মুমূর্ষুর্নাত্র সংশয়ঃ ॥ ১৭ ॥
এতচ্ছ্রুৎবা স ভগবাংস্তনুর্মুনিবরোত্তমঃ ।
অবাক্ষিরা ধ্যানপরো মুহূর্তমিব তস্থিবান্ ॥ ১৮ ॥
তমনুধ্যান্তমালক্ষ্য রাজা পরমদুর্মনাঃ ।
উবাচ বাক্যং দীনাত্মা মন্দং মন্দমিবাসকৃৎ ॥ ১৯ ॥
দুর্লভং কিং নু বিপ্রর্ষে আশায়াশ্চৈব কিং ভবেৎ ।
ব্রবীতু ভগবানেতদ্যদি গুহ্যং ন তন্ময়ি ॥ ২০ ॥
মহর্ষির্ভগবাংস্তেন পূর্বমাসীদ্বিমানিতঃ ।
বালিশাং বুদ্ধিমাস্থায় মন্দভাগ্যতয়াত্মনঃ ॥ ২১ ॥
অর্থয়ন্কলশং রাজন্কাঞ্চনং বল্কলানি চ ।
নির্বিণ্ণঃ স তু বিপ্রর্ষির্নিরাশঃ সমপদ্যত ॥ ২২ ॥
এবমুক্ত্বাভিবাদ্যাথ তমৃষিং লোকপূজিতম্ ।
শ্রান্তো ন্যষীদদ্ধর্মাত্মা যথা ৎবং নরসত্তম ॥ ২৩ ॥
অর্ঘ্যং ততঃ সমানীয় পাদ্যং চৈব মহানৃষিঃ ।
আরণ্যকেন বিধিনা রাজ্ঞে সর্বং ন্যবেদয়ৎ ॥ ২৪ ॥
ততস্তে মুনয়ঃ সর্বে পরিবার্য নরর্ষভম্ ।
উপাবিশন্পুরস্কৃত্য সপ্তর্ষয় ইব ধ্রুবম্ ॥ ২৫ ॥
অপৃচ্ছংশ্চৈব তে তত্র রাজানমপরাজিতম্ ।
প্রয়োজনমিদং সর্বমাশ্রমস্য প্রবেশনম্ ॥ ২৬ ॥
রাজা
বীর দ্যুম্ন ইতি খ্যাতো রাজাহং দিক্ষু বিশ্রুতঃ ।
ভূরি দ্যুম্নং সুতং নষ্টমন্বেষ্টুং বনমাগতঃ ॥ ২৭ ॥
একপুত্রঃ স বিপ্রাগ্র্য বাল এব চ সোঽনঘ ।
ন দৃশ্যতে বনে চাস্মিংস্তমন্বেষ্টুং চরাম্যহম্ ॥ ২৮ ॥
র্সভ
এবমুক্তে তু বচনে রাজ্ঞা মুনিরধোমুখঃ ।
তূষ্ণীমেবাভবত্তত্র ন চ প্রত্যুক্তবান্নৃপম্ ॥ ২৯ ॥
স হি তেন পুরা বিপ্রো রাজ্ঞা নাত্যর্থ মানিতঃ ।
আশা কৃশং চ রাজেন্দ্র তপো দীর্ঘং সমাস্থিতঃ ॥ ৩০ ॥
প্রতিগ্রহমহং রাজ্ঞাং ন করিষ্যে কথং চন ।
অন্যেষাং চৈব বর্ণানামিতি কৃৎবা ধিয়ং তদা ॥ ৩১ ॥
আশা হি পুরুষং বালং লালাপয়তি তস্থুষী ।
তামহং ব্যপনেষ্যামি ইতি কৃৎবা ব্যবস্থিতঃ ॥ ৩২ ॥
র্
আশায়াঃ কিং কৃশৎবং চ কিং চেহ ভুবি দুর্লভম্ ।
ব্রবীতু ভগবানেতত্ত্বং হি ধর্মার্থদর্শিবান্ ॥ ৩৩ ॥
র্সভ
ততঃ সংস্মৃত্য তৎসর্বং স্মারয়িষ্যন্নিবাব্রবীৎ ।
রাজানং ভগবান্বিপ্রস্ততঃ কৃশ তনুস্তনুঃ ॥ ৩৪ ॥
কৃশৎবে ন সমং রাজন্নাশায়া বিদ্যতে নৃপ ।
তস্যা বৈ দুর্লভৎবাত্তু প্রার্থিতাঃ পার্থিবা ময়া ॥ ৩৫ ॥
র্
কৃশাকৃশে ময়া ব্রহ্মন্গৃহীতে বচনাত্তব ।
দুর্লভৎবং চ তস্যৈব বেদ বাক্যমিব দ্বিজ ॥ ৩৬ ॥
সংশয়স্তু মহাপ্রাজ্ঞ সঞ্জাতো হৃদয়ে মম ।
তন্মে সত্তম তত্ত্বেন বক্তুমর্হসি পৃচ্ছতঃ ॥ ৩৭ ॥
ৎবত্তঃ কৃশতরং কিং নু ব্রবীতু ভগবানিদম্ ।
যদি গুহ্যং ন তে বিপ্র লোকেঽস্মিন্কিং নু দুর্লভম্ ॥ ৩৮ ॥
ক্র্জ়াতনু
দুর্লভোঽপ্যথ বা নাস্তি যোঽর্থী ধৃতিমিবাপ্নুয়াৎ ।
সুদুর্লভতরস্তাত যোঽর্থিনং নাবমন্যতে ॥ ৩৯ ॥
সংশ্রুত্য নোপক্রিয়তে পরং শক্ত্যা যথার্হতঃ ।
সক্তা যা সর্বভূতেষু সাশা কৃশতরী ময়া ॥ ৪০ ॥
একপুত্রঃ পিতা পুত্রে নষ্টে বা প্রোষিতে তথা ।
প্রবৃত্তিং যো ন জানাতি সাশা কৃশতরী ময়া ॥ ৪১ ॥
প্রসবে চৈব নারীণাং বৃদ্ধানাং পুত্র কারিতা ।
তথা নরেন্দ্র ধনিনামাশা কৃশতরী ময়া ॥ ৪২ ॥
র্সভ
এতচ্ছ্রুৎবা ততো রাজন্স রাজা সাবরোধনঃ ।
সংস্পৃশ্য পাদৌ শিরসা নিপপাত দ্বিজর্ষভে ॥ ৪৩ ॥
রাজা
প্রসাদয়ে ৎবা ভগবন্পুত্রেণেচ্ছামি সঙ্গতিম্ ।
বৃণীষ্ব চ বরং বিপ্র যমিচ্ছসি যথাবিধি ॥ ৪৪ ॥
র্সভ
অব্রবীচ্চ হি তং বাক্যং রাজা রাজীবলোচনঃ ।
সত্যমেতদ্যথা বিপ্র ৎবয়োক্তং নাস্ত্যতো মৃষা ॥ ৪৫ ॥
ততঃ প্রহস্য ভগবাংস্তনুর্ধর্মভৃতাং বরঃ ।
পুত্রমস্যানয়ৎক্ষিপ্রং তপসা চ শ্রুতেন চ ॥ ৪৬ ॥
তং সমানায়্য পুত্রং তু তদোপালভ্য পার্থিবম্ ।
আত্মানং দর্শয়ামাস ধর্মং ধর্মভৃতাং বরঃ ॥ ৪৭ ॥
সন্দর্শয়িৎবা চাত্মানং দিব্যমদ্ভুতদর্শনম্ ।
বিপাপ্মা বিগতক্রোধশ্চচার বনমন্তিকাৎ ॥ ৪৮ ॥
এতদ্দৃষ্টং ময়া রাজংস্ততশ্চ বচনং শ্রুতম্ ।
আশামপনয়স্বাশু ততঃ কৃশতরীমিমাম্ ॥ ৪৯ ॥
ভ্
স তত্রোক্তো মহারাজ ঋষভেণ মহাত্মনা ।
সুমিত্রোঽপনয়ৎক্ষিপ্রমাশাং কৃশতরীং তদা ॥ ৫০ ॥
এবং ৎবমপি কৌন্তেয় শ্রুৎবা বাণীমিমাং মম ।
স্থিরো ভব যথা রাজন্হিমবানচলোত্তমঃ ॥ ৫১ ॥
ৎবং হি দ্রষ্টা চ শ্রোতা চ কৃচ্ছ্রেষ্বর্থকৃতেষ্বিহ ।
শ্রুৎবা মম মহারাজ ন সন্তপ্তুমিহার্হসি ॥ ৫২ ॥
॥ ইতি ঋষভগীতা সমাপ্তা ॥
– Chant Stotra in Other Languages –
Rishabha Gita in Sanskrit – English – Bengali – Gujarati – Kannada – Malayalam – Odia – Telugu – Tamil