॥ Sage Valmiki Gangashtakam Bengali Lyrics ॥
॥ গঙ্গাষ্টকং শ্রীবাল্মিকিবিরচিতম্ ॥
মাতঃ শৈলসুতা-সপত্নি বসুধা-শৃঙ্গারহারাবলি
স্বর্গারোহণ-বৈজয়ন্তি ভবতীং ভাগীরথীং প্রার্থয়ে ।
ত্বত্তীরে বসতঃ ত্বদংবু পিবতস্ত্বদ্বীচিষু প্রেঙ্খতঃ
ত্বন্নাম স্মরতস্ত্বদর্পিতদৃশঃ স্যান্মে শরীরব্যয়ঃ ॥ ১ ॥
ত্বত্তীরে তরুকোটরান্তরগতো গঙ্গে বিহঙ্গো পরং
ত্বন্নীরে নরকান্তকারিণি বরং মত্স্যোঽথবা কচ্ছপঃ ।
নৈবান্যত্র মদান্ধসিন্ধুরঘটাসংঘট্টঘণ্টারণ-
ত্কারস্তত্র সমস্তবৈরিবনিতা-লব্ধস্তুতির্ভূপতিঃ ॥ ২ ॥
উক্ষা পক্ষী তুরগ উরগঃ কোঽপি বা বারণো বাঽ-
বারীণঃ স্যাং জনন-মরণ-ক্লেশদুঃখাসহিষ্ণুঃ ।
ন ত্বন্যত্র প্রবিরল-রণত্কিঙ্কিণী-ক্বাণমিত্রং
বারস্ত্রীভিশ্চমরমরুতা বীজিতো ভূমিপালঃ ॥ ৩ ॥
কাকৈর্নিষ্কুষিতং শ্বভিঃ কবলিতং গোমায়ুভির্লুণ্টিতং
স্রোতোভিশ্চলিতং তটাম্বু-লুলিতং বীচীভিরান্দোলিতম্ ।
দিব্যস্ত্রী-কর-চারুচামর-মরুত্সংবীজ্যমানঃ কদা
দ্রক্ষ্যেঽহং পরমেশ্বরি ত্রিপথগে ভাগীরথী স্বং বপুঃ ॥ ৪ ॥
অভিনব-বিসবল্লী-পাদপদ্মস্য বিষ্ণোঃ
মদন-মথন-মৌলের্মালতী-পুষ্পমালা ।
জয়তি জয়পতাকা কাপ্যসৌ মোক্ষলক্ষ্ম্যাঃ
ক্ষপিত-কলিকলঙ্কা জাহ্নবী নঃ পুনাতু ॥ ৫ ॥
এতত্তাল-তমাল-সাল-সরলব্যালোল-বল্লীলতা-
চ্ছত্রং সূর্যকর-প্রতাপরহিতং শঙ্খেন্দু-কুন্দোজ্জ্বলম্ ।
গন্ধর্বামর-সিদ্ধ-কিন্নরবধূ-তুঙ্গস্তনাস্পালিতং
স্নানায় প্রতিবাসরং ভবতু মে গাঙ্গং জলং নির্মলম্ ॥ ৬ ॥
গাঙ্গং বারি মনোহারি মুরারি-চরণচ্যুতম্ ।
ত্রিপুরারি-শিরশ্চারি পাপহারি পুনাতু মাম্ ॥ ৭ ॥
পাপাপহারি দুরিতারি তরঙ্গধারি
শৈলপ্রচারি গিরিরাজ-গুহাবিদারি ।
ঝঙ্কারকারি হরিপাদ-রজোপহারি
গাঙ্গং পুনাতু সততং শুভকারি বারি ॥ ৮ ॥
গঙ্গাষ্টকং পঠতি য়ঃ প্রয়তঃ প্রভাতে
বাল্মীকিনা বিরচিতং শুভদং মনুষ্যঃ ।
প্রক্ষাল্য গাত্র-কলিকল্মষ-পঙ্ক-মাশু
মোক্ষং লভেত্ পততি নৈব নরো ভবাব্ধৌ ॥ ৯ ॥
॥ ইতি বাল্মীকিবিরচিতং গঙ্গাষ্টকং সম্পূর্ণম্ ॥
– Chant Stotra in Other Languages –
Sage Valmiki Gangashtakam » Sanskrit » English » Gujarati » Kannada » Malayalam » Odia » Telugu » Tamil