॥ Sage Valmiki Gangashtakam Odia Lyrics ॥
॥ ଗଙ୍ଗାଷ୍ଟକଂ ଶ୍ରୀଵାଲ୍ମିକିଵିରଚିତମ୍ ॥
ମାତଃ ଶୈଲସୁତା-ସପତ୍ନି ଵସୁଧା-ଶୃଙ୍ଗାରହାରାଵଲି
ସ୍ଵର୍ଗାରୋହଣ-ଵୈଜୟନ୍ତି ଭଵତୀଂ ଭାଗୀରଥୀଂ ପ୍ରାର୍ଥୟେ ।
ତ୍ଵତ୍ତୀରେ ଵସତଃ ତ୍ଵଦଂବୁ ପିବତସ୍ତ୍ଵଦ୍ଵୀଚିଷୁ ପ୍ରେଙ୍ଖତଃ
ତ୍ଵନ୍ନାମ ସ୍ମରତସ୍ତ୍ଵଦର୍ପିତଦୃଶଃ ସ୍ୟାନ୍ମେ ଶରୀରଵ୍ୟୟଃ ॥ ୧ ॥
ତ୍ଵତ୍ତୀରେ ତରୁକୋଟରାନ୍ତରଗତୋ ଗଙ୍ଗେ ଵିହଙ୍ଗୋ ପରଂ
ତ୍ଵନ୍ନୀରେ ନରକାନ୍ତକାରିଣି ଵରଂ ମତ୍ସ୍ୟୋଽଥଵା କଚ୍ଛପଃ ।
ନୈଵାନ୍ୟତ୍ର ମଦାନ୍ଧସିନ୍ଧୁରଘଟାସଂଘଟ୍ଟଘଣ୍ଟାରଣ-
ତ୍କାରସ୍ତତ୍ର ସମସ୍ତଵୈରିଵନିତା-ଲବ୍ଧସ୍ତୁତିର୍ଭୂପତିଃ ॥ ୨ ॥
ଉକ୍ଷା ପକ୍ଷୀ ତୁରଗ ଉରଗଃ କୋଽପି ଵା ଵାରଣୋ ଵାଽ-
ଵାରୀଣଃ ସ୍ୟାଂ ଜନନ-ମରଣ-କ୍ଲେଶଦୁଃଖାସହିଷ୍ଣୁଃ ।
ନ ତ୍ଵନ୍ୟତ୍ର ପ୍ରଵିରଲ-ରଣତ୍କିଙ୍କିଣୀ-କ୍ଵାଣମିତ୍ରଂ
ଵାରସ୍ତ୍ରୀଭିଶ୍ଚମରମରୁତା ଵୀଜିତୋ ଭୂମିପାଲଃ ॥ ୩ ॥
କାକୈର୍ନିଷ୍କୁଷିତଂ ଶ୍ଵଭିଃ କଵଲିତଂ ଗୋମାୟୁଭିର୍ଲୁଣ୍ଟିତଂ
ସ୍ରୋତୋଭିଶ୍ଚଲିତଂ ତଟାମ୍ବୁ-ଲୁଲିତଂ ଵୀଚୀଭିରାନ୍ଦୋଲିତମ୍ ।
ଦିଵ୍ୟସ୍ତ୍ରୀ-କର-ଚାରୁଚାମର-ମରୁତ୍ସଂଵୀଜ୍ୟମାନଃ କଦା
ଦ୍ରକ୍ଷ୍ୟେଽହଂ ପରମେଶ୍ଵରି ତ୍ରିପଥଗେ ଭାଗୀରଥୀ ସ୍ଵଂ ଵପୁଃ ॥ ୪ ॥
ଅଭିନଵ-ବିସଵଲ୍ଲୀ-ପାଦପଦ୍ମସ୍ୟ ଵିଷ୍ଣୋଃ
ମଦନ-ମଥନ-ମୌଲେର୍ମାଲତୀ-ପୁଷ୍ପମାଲା ।
ଜୟତି ଜୟପତାକା କାପ୍ୟସୌ ମୋକ୍ଷଲକ୍ଷ୍ମ୍ୟାଃ
କ୍ଷପିତ-କଲିକଲଙ୍କା ଜାହ୍ନଵୀ ନଃ ପୁନାତୁ ॥ ୫ ॥
ଏତତ୍ତାଲ-ତମାଲ-ସାଲ-ସରଲଵ୍ୟାଲୋଲ-ଵଲ୍ଲୀଲତା-
ଚ୍ଛତ୍ରଂ ସୂର୍ୟକର-ପ୍ରତାପରହିତଂ ଶଙ୍ଖେନ୍ଦୁ-କୁନ୍ଦୋଜ୍ଜ୍ଵଲମ୍ ।
ଗନ୍ଧର୍ଵାମର-ସିଦ୍ଧ-କିନ୍ନରଵଧୂ-ତୁଙ୍ଗସ୍ତନାସ୍ପାଲିତଂ
ସ୍ନାନାୟ ପ୍ରତିଵାସରଂ ଭଵତୁ ମେ ଗାଙ୍ଗଂ ଜଲଂ ନିର୍ମଲମ୍ ॥ ୬ ॥
ଗାଙ୍ଗଂ ଵାରି ମନୋହାରି ମୁରାରି-ଚରଣଚ୍ୟୁତମ୍ ।
ତ୍ରିପୁରାରି-ଶିରଶ୍ଚାରି ପାପହାରି ପୁନାତୁ ମାମ୍ ॥ ୭ ॥
ପାପାପହାରି ଦୁରିତାରି ତରଙ୍ଗଧାରି
ଶୈଲପ୍ରଚାରି ଗିରିରାଜ-ଗୁହାଵିଦାରି ।
ଝଙ୍କାରକାରି ହରିପାଦ-ରଜୋପହାରି
ଗାଙ୍ଗଂ ପୁନାତୁ ସତତଂ ଶୁଭକାରି ଵାରି ॥ ୮ ॥
ଗଙ୍ଗାଷ୍ଟକଂ ପଠତି ୟଃ ପ୍ରୟତଃ ପ୍ରଭାତେ
ଵାଲ୍ମୀକିନା ଵିରଚିତଂ ଶୁଭଦଂ ମନୁଷ୍ୟଃ ।
ପ୍ରକ୍ଷାଲ୍ୟ ଗାତ୍ର-କଲିକଲ୍ମଷ-ପଙ୍କ-ମାଶୁ
ମୋକ୍ଷଂ ଲଭେତ୍ ପତତି ନୈଵ ନରୋ ଭଵାବ୍ଧୌ ॥ ୯ ॥
॥ ଇତି ଵାଲ୍ମୀକିଵିରଚିତଂ ଗଙ୍ଗାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sage Valmiki Gangashtakam » Sanskrit » English » Bengali » Gujarati » Kannada » Malayalam » Telugu » Tamil