॥ Satya Vratokta Damodara Stotram Odia Lyrics ॥
॥ ସତ୍ୟଵ୍ରତୋକ୍ତଦାମୋଦରସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ॥
ସିନ୍ଧୁଦେଶୋଦ୍ଭଵୋ ଵିପ୍ରୋ ନାମ୍ନା ସତ୍ୟଵ୍ରତଃ ସୁଧୀଃ ।
ଵିରକ୍ତ ଇନ୍ଦ୍ରିୟାର୍ଥେଭ୍ୟସ୍ତ୍ୟକ୍ତ୍ଵା ପୁତ୍ରଗୃହାଦିକମ୍ ॥ ୧ ॥
ଵୃନ୍ଦାଵନେ ସ୍ଥିତଃ କୃଷ୍ଣମାରିରାଧ ଦିଵାନିଶମ୍ ।
ନିଃସ୍ଵଃ ସତ୍ୟଵ୍ରତୋ ଵିପ୍ରୋ ନିର୍ଜନେଽଵ୍ୟଗ୍ରମାନସଃ ॥ ୨ ॥
କାର୍ତିକେ ପୂଜୟାମାସ ପ୍ରୀତ୍ୟା ଦାମୋଦରଂ ନୃପ ।
ତୃତୀୟେଽହ୍ନି ସକୃଦ୍ଭୁଙ୍କ୍ତେ ପତ୍ରଂ ମୂଲଂ ଫଲଂ ତଥା ॥ ୩ ॥
ପୂଜୟିତ୍ଵା ହରିଂ ସ୍ତୌତି ପ୍ରୀତ୍ୟା ଦାମୋଦରାଭିଧମ୍ ॥ ୪ ॥
ସତ୍ୟଵ୍ରତ ଉଵାଚ ।
ନମାମୀଶ୍ଵରଂ ସଚ୍ଚିଦାନନ୍ଦରୂପଂ ଲସତ୍କୁଣ୍ଡଲଂ ଗୋକୁଲେ ଭ୍ରାଜମାନମ୍ ।
ୟଶୋଦାଭିୟୋଲୂଖଲେ ଧାଵମାନଂ ପରାମୃଷ୍ଟମତ୍ୟନ୍ତତୋ ଦୂତଗୋପ୍ୟା ॥ ୫ ॥
ରୁଦନ୍ତଂ ମୁହୁର୍ନେତ୍ରୟୁଗ୍ମଂ ମୃଜନ୍ତଂ କରାମ୍ଭୋଜୟୁଗ୍ମେନ ସାତଙ୍କନେତ୍ରମ୍ ।
ମୁହୁଃଶ୍ଵାସକଂ ପତ୍ରିରେଖାଙ୍କକଣ୍ଠଂ ସ୍ଥିତଂ ନୌମି ଦାମୋଦରଂ ଭକ୍ତଵନ୍ଦ୍ୟମ୍ ॥ ୬ ॥
ଵରଂ ଦେଵ ଦେହୀଶ ମୋକ୍ଷାଵଧିଂ ଵା ନ ଚାନ୍ୟଂ ଵୃଣେଽହଂ ଵରେଶାଦପୀହ ।
ଇଦଂ ତେ ଵପୁର୍ନାଥ ଗୋପାଲବାଲଂ ସଦା ମେ ମନସ୍ୟାଵିରାସ୍ତାଂ କିମନ୍ୟୈଃ ॥ ୭ ॥
ଇଦଂ ତେ ମୁଖାମ୍ଭୋଜମତ୍ୟନ୍ତନୀଲୈର୍ଵୃତଂ କୁନ୍ତଲୈଃ ସ୍ନିଗ୍ଧଵକ୍ତ୍ରୈଶ୍ଚ ଗୋପ୍ୟା ।
ମୁହୁଶ୍ଚୁମ୍ବିତଂ ବିମ୍ବରକ୍ତାଧରଂ ମେ ମନସ୍ୟାଵିରାସ୍ତାମଲଂ ଲକ୍ଷଲାଭୈଃ ॥ ୮ ॥
ନମୋ ଦେଵ ଦାମୋଦରାନନ୍ତ ଵିଷ୍ଣୋ ପ୍ରସୀଦ ପ୍ରଭୋ ଦୁଃଖଜାଲାବ୍ଧିମଗ୍ନମ୍ ।
କୃପାଦୃଷ୍ଟିଵୃଷ୍ଟ୍ୟାଽତିଦୀନଂ ଚ ରକ୍ଷ ଗୃହାଣେଶ ମାମଜ୍ଞମେଵାକ୍ଷିଦୃଶ୍ୟମ୍ ॥ ୯ ॥
କୁବେରାତ୍ମଜୌ ଵୃକ୍ଷମୂର୍ତୀ ଚ ୟଦ୍ଵତ୍ଵୟା ମୋଚିତୌ ଭକ୍ତିଭାଜୌ କୃତୌ ଚ ।
ତଥା ପ୍ରେମଭକ୍ତିଂ ସ୍ଵକାଂ ମେ ପ୍ରୟଚ୍ଛ ନ ମୋକ୍ଷେଽଽଗ୍ରହୋ ମେଽସ୍ତି ଦାମୋଦରେହ ॥ ୧୦ ॥
ନମସ୍ତେ ସୁଦାମ୍ନେ ସ୍ଫୁରଦ୍ଦୀପ୍ତଧାମ୍ନେ ତଥୋରସ୍ଥଵିଶ୍ଵସ୍ୟ ଧାମ୍ନେ ନମସ୍ତେ ।
ନମୋ ରାଧିକାୟୈ ତ୍ଵଦୀୟପ୍ରିୟାୟୈ ନମୋଽନନ୍ତଲୀଲାୟ ଦେଵାୟ ତୁଭ୍ୟମ୍ ॥ ୧୧ ॥
ନାରଦ ଉଵାଚ ।
ସତ୍ୟଵ୍ରତଦ୍ଵିଜସ୍ତୋତ୍ରଂ ଶ୍ରୁତ୍ଵା ଦାମୋଦରୋ ହରିଃ ।
ଵିଦ୍ୟୁଲ୍ଲୀଲାଚମତ୍କାରୋ ହୃଦୟେ ଶନକୈରଭୂତ୍ ॥ ୧୨ ॥
ଇତି ଶ୍ରୀସତ୍ୟଵ୍ରତକୃତଦାମୋଦରସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Satya Vratokta Damodara Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil