॥ Shastuh Dhyanashtakam Odia Lyrics ॥
ଶାସ୍ତୁଃ ଧ୍ୟାନାଷ୍ଟକଂ
ଶ୍ରୀଗଣେଶାୟ ନମଃ ।
ନମାମି ଧର୍ମଶାସ୍ତାରଂ ୟୋଗପୀଠସ୍ଥିତଂ ଵିଭୁମ୍ ।
ପ୍ରସନ୍ନଂ ନିର୍ମଲଂ ଶାନ୍ତଂ ସତ୍ୟଧର୍ମଵ୍ରତଂ ଭଜେ ॥ ୧ ॥
ଆଶ୍ୟାମକୋମଲଵିଶାଲତନୁଂ ଵିଚିତ୍ର-
ଵାସୋ ଵସାନମରୁଣୋତ୍ପଲଵାମହସ୍ତମ୍ ।
ଉତ୍ତୁଙ୍ଗରତ୍ନମୁକୁଟଂ କୁଟିଲାଗ୍ରକେଶଂ
ଶାସ୍ତାରମିଷ୍ଟଵରଦଂ ଶରଣଂ ପ୍ରପଦ୍ୟେ ॥ ୨ ॥
ହରିହରଶରୀରଜନ୍ମା ମରକତମଣିଭଙ୍ଗମେଚକଚ୍ଛାୟଃ ।
ଵିଜୟତୁ ଦେଵଃ ଶାସ୍ତା ସକଲଜଗଚ୍ଚିତ୍ତମୋହିନୀମୂର୍ତିଃ ॥ ୩ ॥
ପାର୍ଶ୍ଵସ୍ଥାପତ୍ୟଦାରଂ ଵଟଵିଟପିତଲନ୍ୟସ୍ତସିଂହାସନସ୍ଥମ୍ ।
ଶ୍ୟାମଂ କାଲାମ୍ବରଂ ଚ ଶ୍ରିତକରୟୁଗଲାଦର୍ଶଚିନ୍ତାମଣିଂ ଚ ।
ଶସ୍ତ୍ରୀ ନିସ୍ତ୍ରିଂଶବାଣାସନଵିଶିଖଧୃତଂ ରକ୍ତମାଲ୍ୟାନୁଲେପଂ
ଵନ୍ଦେ ଶାସ୍ତାରମୀଡ୍ୟଂ ଘନକୁଟିଲବୃହତ୍କୁନ୍ତଲୋଦଗ୍ରମୌଳିମ୍ ॥ ୪ ॥
ସ୍ନିଗ୍ଧାରାଲଵିସାରିକୁନ୍ତଲଭରଂ ସିଂହାସନାଧ୍ୟାସିନଂ
ସ୍ଫୂର୍ଜତ୍ପତ୍ରସୁକୢପ୍ତକୁଣ୍ଡଲମଥେଷ୍ଵିଷ୍ଵାସଭୃଦ୍ଦୋର୍ଦ୍ଵୟମ୍ ।
ନୀଲକ୍ଷୌମଵସଂ ନଵୀନଜଲଦଶ୍ୟାମଂ ପ୍ରଭାସତ୍ୟକ-
ସ୍ଵାୟତ୍ପାର୍ଶ୍ଵୟୁଗଂ ସୁରକ୍ତସକଲାକଲ୍ପଂ ସ୍ମରେଦାର୍ୟକମ୍ ॥ ୫ ॥
କୋଦଣ୍ଡଂ ସଶରଂ ଭୁଜେନ ଭୁଜଗେନ୍ଦ୍ରାଭୋଗଭାସା ଵହନ୍
ଵାମେନ କ୍ଷୁରିକାଂ ଵିପକ୍ଷଦଲନେ ପକ୍ଷେଣ ଦକ୍ଷେଣ ଚ ।
କାନ୍ତ୍ୟା ନିର୍ଜିତନୀରଦଃ ପୁରଭିଦଃ କ୍ରୀଡତ୍କିରାତାକୃତେଃ
ପୁତ୍ରୋଽସ୍ମାକମନଲ୍ପନିର୍ମଲୟଶାଃ ନିର୍ମାତୁ ଶର୍ମାନିଶମ୍ ॥ ୬ ॥
କାଳାମ୍ଭୋଦକଲାଭକୋମଲତନୁଂ ବାଲେନ୍ଦୁଚୂଡଂ ଵିଭୁଂ
ବାଲାର୍କାୟୁତରୋଚିଷଂ ଶରଲସତ୍କୋଦଣ୍ଡବାଣାନ୍ଵିତମ୍ ।
ଵୀରଶ୍ରୀରମଣଂ ରଣୋତ୍ସୁକମିଷଦ୍ରକ୍ତାମ୍ବୁଭୂଷାଞ୍ଜଲିଂ
କାଲାରାତିସୁତଂ କିରାତଵପୁଷଂ ଵନ୍ଦେ ପରଂ ଦୈଵତମ୍ ॥ ୭ ॥
ସାଧ୍ୟଂ ସ୍ଵପାର୍ଶ୍ଵେନ ଵିବୁଦ୍ଧ୍ୟ ଗାଢଂ
ନିପାତୟନ୍ତଂ ଖଲୁ ସାଧକସ୍ୟ ।
ପାଦାବ୍ଜୟୋର୍ମଣ୍ଡଧରଂ ତ୍ରିନେତ୍ରଂ
ଭଜେମ ଶାସ୍ତାରମଭୀଷ୍ଟସିଦ୍ଧ୍ୟୈ ॥ ୮ ॥
॥ ଇତି ଶାସ୍ତୁଃ ଧ୍ୟାନାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Shastuh Dhyana Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil