॥ Shrimad Geeta Saar from Agni Purana 381 Odia Lyrics ॥
॥ ଶ୍ରୀମଦ୍ ଗୀତାସାରଃ ଅଗ୍ନିପୁରାଣାନ୍ତର୍ଗତଃ ॥
ଅଗ୍ନିରୁବାଚ —
ଗୀତାସାରଂ ପ୍ରବକ୍ଷ୍ୟାମି ସର୍ୱଗୀତୋତ୍ତମୋତ୍ତମମ୍ ।
କୃଷ୍ଣୋଽର୍ଜୁନାୟ ଯମାହ ପୁରା ବୈ ଭୁକ୍ତିମୁକ୍ତିଦମ୍ ॥ ୩୮୧.୧ ॥
ଶ୍ରୀଭଗବାନୁବାଚ —
ଗତାସୁରଗତାସୁର୍ୱା ନ ଶୋଚ୍ୟୋ ଦେହବାନଜଃ ।
ଆତ୍ମାଽଜରୋଽମରୋଽଭେଦ୍ୟସ୍ତସ୍ମାଚ୍ଛୋକାଦିକଂ ତ୍ୟଜେତ୍ ॥ ୩୮୧.୨ ॥
ଧ୍ୟାୟତୋ ବିଷୟାନ୍ ପୁଂସଃ ସଙ୍ଗସ୍ତେଷୂପଜାୟତେ ।
ସଙ୍ଗାତ୍ କାମସ୍ତତଃ କ୍ରୋଧଃ କ୍ରୋଧାତ୍ସମ୍ମୋହ ଏବ ଚ ॥ ୩୮୧.୩ ॥
ସମ୍ମୋହାତ୍ ସ୍ମୃତିବିଭ୍ରଂଶୋ ବୁଦ୍ଧିନାଶାତ୍ ପ୍ରଣଶ୍ୟତି ।
ଦୁଃସଙ୍ଗହାନିଃ ସତ୍ସଙ୍ଗାନ୍ମୋକ୍ଷକାମୀ ଚ କାମନୁତ୍ ॥ ୩୮୧.୪ ॥
କାମତ୍ୟାଗାଦାତ୍ମନିଷ୍ଠଃ ସ୍ଥିରପ୍ରଜ୍ଞସ୍ତଦୋଚ୍ୟତେ ।
ଯା ନିଶା ସର୍ୱଭୂତାନାଂ ତସ୍ୟାଂ ଜାଗର୍ତି ସଂୟମୀ ॥ ୩୮୧.୫ ॥
ଯସ୍ୟାଂ ଜାଗ୍ରତି ଭୂତାନି ସା ନିଶା ପଶ୍ୟତୋ ମୁନେଃ ।
ଆତ୍ମନ୍ୟେବ ଚ ସନ୍ତୁଷ୍ଟସ୍ତସ୍ୟ କାର୍ୟଂ ନ ବିଦ୍ୟତେ ॥ ୩୮୧.୬ ॥
ନୈବ ତସ୍ୟ କୃତେନାର୍ଥୋ ନାକୃତେନେହ କଶ୍ଚନ ।
ତତ୍ତ୍ୱବିତ୍ତୁ ମହାବାହୋ ଗୁଣକର୍ମବିଭାଗୟୋଃ ॥ ୩୮୧.୭ ॥
ଗୁଣା ଗୁଣେଷୁ ବର୍ତନ୍ତେ ଇତି ମତ୍ୱା ନ ସଜ୍ଜତେ ।
ସର୍ୱଂ ଜ୍ଞାନପ୍ଲବେନୈବ ବୃଜିନଂ ସନ୍ତରିଷ୍ୟତି ॥ ୩୮୧.୮ ॥
ଜ୍ଞାନାଗ୍ନିଃ ସର୍ୱକର୍ମାଣି ଭସ୍ମସାତ୍ କୁରୁତେଽର୍ଜୁନ ।
ବ୍ରହ୍ମଣ୍ୟାଧାୟ କର୍ମାଣି ସଙ୍ଗଂ ତ୍ୟକ୍ତ୍ୱା କରୋତି ଯଃ ॥ ୩୮୧.୯ ॥
ଲିପ୍ୟତେ ନ ସ ପାପେନ ପଦ୍ମପତ୍ରମିବାମ୍ଭସା ।
ସର୍ୱଭୂତେଷୁ ଚାତ୍ମାନାଂ ସର୍ୱଭୂତାନି ଚାତ୍ମନି ॥ ୩୮୧.୧୧ ॥
ଈକ୍ଷତେ ଯୋଗୟୁକ୍ତାତ୍ମା ସର୍ୱତ୍ର ସମଦର୍ଶନଃ ।
ଶୁଚୀନାଂ ଶ୍ରୀମତାଂ ଗେହେ ଯୋଗଭ୍ରଷ୍ଟୋଽଭିଜାୟତେ ॥ ୩୮୧.୧୧ ॥
ନ ହି କଲ୍ୟାଣକୃତ୍ କଶ୍ଚିଦ୍ଦୁର୍ଗତିଂ ତାତ ଗଚ୍ଛତି ।
ଦୈବୀ ହ୍ୟେଷା ଗୁଣମୟୀ ମମ ମାୟା ଦୁରତ୍ୟଯା ॥ ୩୮୧.୧୨ ॥
ମାମେବ ଯେ ପ୍ରପଦ୍ୟନ୍ତେ ମାୟାମେତାଂ ତରନ୍ତି ତେ ।
ଆର୍ତୋ ଜିଜ୍ଞାସୁରର୍ଥାର୍ଥୀ ଜ୍ଞାନୀ ଚ ଭରତର୍ଷଭ ॥ ୩୮୧.୧୩ ॥
ଚତୁର୍ୱିଧା ଭଜନ୍ତେ ମାଂ ଜ୍ଞାନୀ ଚୈକତ୍ୱମାସ୍ଥିତଃ ।
ଅକ୍ଷରଂ ବ୍ରହ୍ମ ପରମଂ ସ୍ୱଭାବୋଽଧ୍ୟାତ୍ମମୁଚ୍ୟତେ ॥ ୩୮୧.୧୪ ॥
ଭୂତଭାବୋଦ୍ଭବକରୋ ବିସର୍ଗଃ କର୍ମସଂଜ୍ଞିତଃ ।
ଅଧିଭୂତଂ କ୍ଷରୋ ଭାବଃ ପୁରୁଷଶ୍ଚାଧିଦୈବତମ୍ ॥ ୩୮୧.୧୫ ॥
ଅଧିୟଜ୍ଞୋଽହମେବାତ୍ର ଦେହେ ଦେହଭୃତାଂ ବର ।
ଅନ୍ତକାଲେ ସ୍ମରନ୍ମାଞ୍ଚ ମଦ୍ଭାବଂ ଯାତ୍ୟସଂଶୟଃ ॥ ୩୮୧.୧୬ ॥
ଯଂ ଯଂ ଭାବଂ ସ୍ମରନ୍ନନ୍ତେ ତ୍ୟଜେଦ୍ଦେହଂ ତମାପ୍ନୁୟାତ୍ ।
ପ୍ରାଣଂ ନ୍ୟସ୍ୟ ଭ୍ରୁବୋର୍ମଧ୍ୟେ ଅନ୍ତେ ପ୍ରାପ୍ନୋତି ମତ୍ପରମ୍ ॥ ୩୮୧.୧୭ ॥
ଓମିତ୍ୟେକାକ୍ଷରଂ ବ୍ରହ୍ମ ବଦନ୍ ଦେହଂ ତ୍ୟଜନ୍ ତଥା ।
ବ୍ରହ୍ମାଦିସ୍ତମ୍ଭପର୍ୟନ୍ତାଃ ସର୍ୱେ ମମ ବିଭୂତୟଃ ॥ ୩୮୧.୧୮ ॥
ଶ୍ରୀମନ୍ତଶ୍ଚୋର୍ଜିତାଃ ସର୍ୱେ ମମାଂଶାଃ ପ୍ରାଣିନଃ ସ୍ମୃତାଃ ।
ଅହମେକୋ ବିଶ୍ୱରୁପ ଇତି ଜ୍ଞାତ୍ୱା ବିମୁଚ୍ୟତେ ॥ ୩୮୧.୧୯ ॥
କ୍ଷେତ୍ରଂ ଶରୀରଂ ଯୋ ବେତ୍ତି କ୍ଷେତ୍ରଜ୍ଞଃ ସ ପ୍ରକୀର୍ତିତଃ ।
କ୍ଷେତ୍ରକ୍ଷେତ୍ରଜ୍ଞୟୋର୍ଜ୍ଞାନଂ ଯତ୍ତଜ୍ଜ୍ଞାନଂ ମତଂ ମମ ॥ ୩୮୧.୨୧ ॥
ମହାଭୂତାନ୍ୟହଙ୍ଗାରୋ ବୁଦ୍ଧିରବ୍ୟକ୍ତମେବ ଚ ।
ଇନ୍ଦ୍ରିୟାଣି ଦଶୌକଞ୍ଚ ପଞ୍ଚ ଚେନ୍ଦ୍ରିୟଗୋଚରାଃ ॥ ୩୮୧.୨୧ ॥
ଇଚ୍ଛା ଦ୍ୱେଷଃ ସୁଖଂ ଦୁଃଖଂ ସଙ୍ଘାତଶ୍ଚେତନା ଧୃତିଃ ।
ଏତତ୍କ୍ଷେତ୍ରଂ ସମାସେନ ସବିକାରମୁଦାହୃତମ୍ ॥ ୩୮୧.୨୨ ॥
ଅମାନିତ୍ୱମଦମ୍ଭିତ୍ୱମହିସା କ୍ଷାନ୍ତିରାର୍ଜବମ୍ ।
ଆଚାର୍ୟୋପାସନଂ ଶୌଚଂ ସ୍ଥୈର୍ୟମାତ୍ମବିନିଗ୍ରହଃ ॥ ୩୮୧.୨୩ ॥
ଇନ୍ଦ୍ରିୟାର୍ଥେଷୁ ବୈରାଗ୍ୟମନହଙ୍କାର ଏବ ଚ ।
ଜନ୍ମମୃତ୍ୟୁଜରାବ୍ୟାଧିଦୁଃଖଦୋଷାନୁଦର୍ଶନମ୍ ॥ ୩୮୧.୨୪ ॥
ଆସକ୍ତିରନଭିଷ୍ୱଙ୍ଗଃ ପୁତ୍ରଦାରଗୃହାଦିଷୁ ।
ନିତ୍ୟଞ୍ଚ ସମଚିତ୍ତତ୍ତ୍ୱମିଷ୍ଟାନିଷ୍ଟୋପପତ୍ତିଷୁ ॥ ୩୮୧.୨୫ ॥
ମୟି ଚାନନ୍ୟଯୋଗେନ ଭକ୍ତିରବ୍ୟଭିଚାରିଣୀ ।
ବିବିକ୍ତଦେଶସେବିତ୍ୱମରତିର୍ଜନସଂସଦି ॥ ୩୮୧.୨୬ ॥
ଅଧ୍ୟାତ୍ମଜ୍ଞାନନିଷ୍ଠତ୍ୱନ୍ ତତ୍ତ୍ୱଜ୍ଞାନାନୁଦର୍ଶନମ୍ ।
ଏତଜ୍ଜ୍ଞାନମିତି ପ୍ରୋକ୍ତମଜ୍ଞାନଂ ଯଦତୋଽନ୍ୟଥା ॥ ୩୮୧.୨୭ ॥
ଜ୍ଞେୟଂ ଯତ୍ତତ୍ ପ୍ରବକ୍ଷ୍ୟାମି ଯତ୍ ଜ୍ଞାତ୍ୱାଽମୃତମଶ୍ନୁତେ ।
ଅନାଦି ପରମଂ ବ୍ରହ୍ମ ସତ୍ତ୍ୱଂ ନାମ ତଦୁଚ୍ୟତେ ॥ ୩୮୧.୨୮ ॥
ସର୍ୱତଃ ପାଣିପାଦାଂ ତତ୍ ସର୍ୱତୋଽକ୍ଷିଶିରୋମୁଖମ୍ ।
ସର୍ୱତଃ ଶ୍ରୁତିମଲ୍ଲୋକେ ସର୍ୱମାବୃତ୍ୟ ତିଷ୍ଠତି ॥ ୩୮୧.୨୯ ॥
ସର୍ୱେନ୍ଦ୍ରିୟଗୁଣାଭାସଂ ସର୍ୱେନ୍ଦିୟବିବର୍ଜିତମ୍ ।
ଅସକ୍ତଂ ସର୍ୱଭୃଚ୍ଚୈବ ନିର୍ଗୁଣଂ ଗୁଣଭୋକ୍ତୃ ଚ ॥ ୩୮୧.୩୧ ॥
ବହିରନ୍ତଶ୍ଚ ଭୂତାନାମଚରଞ୍ଚରମେବ ଚ ।
ସୂକ୍ଷମତ୍ୱାତ୍ତଦବିଜ୍ଞେୟଂ ଦୂରସ୍ଥଞ୍ଚାନ୍ତିକେଽପି ଯତ୍ ॥ ୩୮୧.୩୧ ॥
ଅବିଭକ୍ତଞ୍ଚ ଭୂତେଷୁ ବିଭକ୍ତମିବ ଚ ସ୍ଥିତମ୍ ।
ଭୂତଭର୍ତୃ ଚ ବିଜ୍ଞେୟଂ ଗ୍ରସିଷ୍ଣୁ ପ୍ରଭବିଷ୍ଣୁ ଚ ॥ ୩୮୧.୩୨ ॥
ଜ୍ୟୋତିଷାମପି ତଜ୍ଜୟୋତିସ୍ତମସଃ ପରମୁଚ୍ୟତେ ।
ଜ୍ଞାନଂ ଜ୍ଞେୟଂ ଜ୍ଞାନଗମ୍ୟଂ ହୃଦି ସର୍ୱସ୍ୟ ଘିଷ୍ଠିତମ୍ ॥ ୩୮୧.୩୩ ॥
ଧ୍ୟାନେନାତ୍ମନି ପଶ୍ୟନ୍ତି କେଚିଦାତ୍ମାନମାତ୍ମନା ।
ଅନ୍ୟେ ସାଙ୍ଖ୍ୟେନ ଯୋଗେନ କର୍ମୟୋଗେନ ଚାପରେ ॥ ୩୮୧.୩୪ ॥
ଅନ୍ୟେ ତ୍ୱେବମଜାନନ୍ତୋ ଶ୍ରୁତ୍ୱାନ୍ୟେଭ୍ୟ ଉପାସତେ ।
ତେଽପି ଚାଶୁ ତରନ୍ତ୍ୟେବ ମୃତ୍ୟୁଂ ଶ୍ରୁତିପରାୟଣାଃ ॥ ୩୮୧.୩୫ ॥ BG 13.25 ଚାତିତର
ସତ୍ତ୍ୱାତ୍ସଞ୍ଜାୟତେ ଜ୍ଞାନଂ ରଜସୋ ଲୋଭ ଏବ ଚ ।
ପ୍ରମାଦମୋହୌ ତମସୋ ଭବତୋଽଜ୍ଞାନମେବ ଚ ॥ ୩୮୧.୩୬ ॥
ଗୁଣା ବର୍ତନ୍ତ ଇତ୍ୟେବ ଯୋଽବତିଷ୍ଠତି ନେଙ୍ଗତେ ।
ମାନାବମାନମିତ୍ରାରିତୁଲ୍ୟସ୍ତ୍ୟାଗୀ ସ ନିର୍ଗୁଣଃ ॥ ୩୮୧.୩୭ ॥
ଊର୍ଧ୍ୱମୂଲମଧଃଶାଖମଶ୍ୱତ୍ଥଂ ପ୍ରାହୁରବ୍ୟଯମ୍ ।
ଛନ୍ଦାଂସି ଯସ୍ୟ ପର୍ଣାନି ଯସ୍ତଂ ବେଦ ସ ବେଦବିତ୍ ॥ ୩୮୧.୩୮ ॥
ଦ୍ୱୌ ଭୂତସର୍ଗୌ ଲୋକେଽସ୍ମିନ୍ ଦୈବ ଆସୁର ଏବ ଚ ।
ଅହିଂସାଦିଃ କ୍ଷମା ଚୈବ ଦୈବୀସମ୍ପତ୍ତିତୋ ନୃଣାମ୍ ॥ ୩୮୧.୩୯ ॥
ନ ଶୌଚଂ ନାପି ବାଚାରୋ ହ୍ୟାସୁରୀସମ୍ପଦୋଦ୍ଭବଃ ।
ନରକତ୍ୱାତ୍ କ୍ରୋଧଲୋଭକାମସ୍ତସ୍ମାତ୍ତ୍ରୟଂ ତ୍ୟଜେତ୍ ॥ ୩୮୧.୪୧ ॥
ଯଜ୍ଞସ୍ତପସ୍ତଥା ଦାନଂ ସତ୍ତ୍ୱାଦ୍ୟୈସ୍ତ୍ରିବିଧଂ ସ୍ମୃତମ୍ ।
ଆୟୁଃ ସତ୍ତ୍ୱବଲାରୋଗ୍ୟସୁଖାୟାନ୍ନନ୍ତୁ ସାତ୍ତ୍ୱିକମ୍ ॥ ୩୮୧.୪୧ ॥
ଦୁଃଖଶୋକାମୟାୟାନ୍ନଂ ତୀକ୍ଷ୍ଣରୂକ୍ଷନ୍ତୁ ରାଜସମ୍ ।
ଅମେଧ୍ୟୋଚ୍ଛିଷ୍ଟପୂତ୍ୟନ୍ନଂ ତାମସଂ ନୀରସାଦିକମ୍ ॥ ୩୮୧.୪୨ ॥
ଯଷ୍ଟବ୍ୟୋ ବିଧିନା ଯଜ୍ଞୋ ନିଷ୍କାମାୟ ସ ସାତ୍ତ୍ୱିକଃ ।
ଯଜ୍ଞଃ ଫଲାୟ ଦମ୍ଭାତ୍ମୀ ରାଜସସ୍ତାମସଃ କ୍ରତୁଃ ॥ ୩୮୧.୪୩ ॥ var ଦମ୍ଭାର୍ଥଂ
ଶ୍ରଦ୍ଧାମନ୍ତ୍ରାଦିବିଧ୍ୟୁକ୍ତଂ ତପଃ ଶାରୀରମୁଚ୍ୟତେ ।
ଦେବାଦିପୂଜାଽହିଂସାଦି ବାଙ୍ମୟଂ ତପ ଉଚ୍ୟତେ ॥ ୩୮୧.୪୪ ॥
ଅନୁଦ୍ୱେଗକରଂ ବାକ୍ୟଂ ସତ୍ୟଂ ସ୍ୱାଧ୍ୟାୟସଜ୍ଜପଃ ।
ମାନସଂ ଚିତ୍ତସଂଶୁଦ୍ଧେର୍ମୌନମାତ୍ମବିନିଗ୍ରହଃ ॥ ୩୮୧.୪୫ ॥
ସାତ୍ତ୍ୱିକଞ୍ଚ ତପୋଽକାମଂ ଫଲାଦ୍ୟର୍ଥନ୍ତୁ ରାଜସମ୍ ।
ତାମସଂ ପରପୀଡାୟୈ ସାତ୍ତ୍ୱିକଂ ଦାନମୁଚ୍ୟତେ ॥ ୩୮୧.୪୬ ॥
ଦେଶାଦୌ ଚୈବ ଦାତବ୍ୟମୁପକାରାୟ ରାଜସମ୍ ।
ଅଦେଶାଦାବବଜ୍ଞାତଂ ତାମସଂ ଦାନମୀରିତମ୍ ॥ ୩୮୧.୪୭ ॥
ଓଂତତ୍ସଦିତି ନିର୍ଦେଶୋ ବ୍ରହ୍ମଣସ୍ତ୍ରିବିଧଃ ସ୍ମୃତଃ ।
ଯଜ୍ଞଦାନାଦିକଂ କର୍ମ ଭୁକ୍ତିମୁକ୍ତିପ୍ରଦଂ ନୃଣାମ୍ ॥ ୩୮୧.୪୮ ॥
ଅନିଷ୍ଟମିଷ୍ଟଂ ମିଶ୍ରଞ୍ଚ ତ୍ରିବିଂଧଂ କର୍ମଣଃ ଫଲମ୍ ।
ଭବତ୍ୟତ୍ୟାଗିନାଂ ପ୍ରେତ୍ୟ ନ ତୁ ସନ୍ନ୍ୟାସିନାଂ କ୍ୱଚିତ୍ ॥ ୩୮୧.୪୯ ॥
ତାମସଃ କର୍ମସଂୟୋଗାତ୍ ମୋହାତ୍କ୍ଲେଶଭୟାଦିକାତ୍ ।
ରାଜସଃ ସାତ୍ତ୍ୱିକୋଽକାମାତ୍ ପଞ୍ଚୈତେ କର୍ମହେତବଃ ॥ ୩୮୧.୫୧ ॥
ଅଧିଷ୍ଠାନଂ ତଥା କର୍ତା କରଣଞ୍ଚ ପୃଥଗ୍ୱିଧମ୍ ।
ତ୍ରିବିଧାଶ୍ଚ ପୃଥକ୍ ଚେଷ୍ଟା ଦୈବଞ୍ଚୈବାତ୍ର ପଞ୍ଚମମ୍ ॥ ୩୮୧.୫୧ ॥
ଏକଂ ଜ୍ଞାନଂ ସାତ୍ତ୍ୱିକଂ ସ୍ୟାତ୍ ପୃଥଗ୍ ଜ୍ଞାନନ୍ତୁ ରାଜସମ୍ ।
ଅତତ୍ତ୍ୱାର୍ଥନ୍ତାମସଂ ସ୍ୟାତ୍ କର୍ମାକାମାୟ ସାତ୍ତ୍ୱିକମ୍ ॥ ୩୮୧.୫୨ ॥
କାମାୟ ରାଜସଂ କର୍ମ ମୋହାତ୍ କର୍ମ ତୁ ତାମସମ୍ ।
ସିଦ୍ଧ୍ୟସିଦ୍ଧ୍ୟୋଃ ସମଃ କର୍ତା ସାତ୍ତ୍ୱିକୋ ରାଜସୋଽତ୍ୟପି ॥ ୩୮୧.୫୩ ॥
ଶଠୋଽଲସସ୍ତାମସଃ ସ୍ୟାତ୍ କାର୍ୟାଦିଧୀଶ୍ଚ ସାତ୍ତ୍ୱିକୀ ।
କାର୍ୟାର୍ଥଂ ସା ରାଜସୀ ସ୍ୟାଦ୍ୱିପରୀତା ତୁ ତାମସୀ ॥ ୩୮୧.୫୪ ॥
ମନୋଧୃତିଃ ସାତ୍ତ୍ୱିକୀ ସ୍ୟାତ୍ ପ୍ରୀତିକାମେତି ରାଜସୀ ।
ତାମସୀ ତୁ ପ୍ରଶୋକାଦୌ ସୁଖଂ ସତ୍ତ୍ୱାତ୍ତଦନ୍ତଗମ୍ ॥ ୩୮୧.୫୫ ॥
ସୁଖଂ ତଦ୍ରାଜସଞ୍ଚାଗ୍ରେ ଅନ୍ତେ ଦୁଃଖନ୍ତୁ ତାମସମ୍ ।
ଅତଃ ପ୍ରବୃତ୍ତିର୍ଭୂତାନାଂ ଯେନ ସର୍ୱମିଦନ୍ତତମ୍ ॥ ୩୮୧.୫୬ ॥
ସ୍ୱକର୍ମଣା ତମଭ୍ୟର୍ଚ୍ୟ ବିଷ୍ଣୁଂ ସିଦ୍ଧିଞ୍ଚ ବିନ୍ଦତି ।
କର୍ମଣା ମନସା ବାଚା ସର୍ୱାବସ୍ଥାସୁ ସର୍ୱଦା ॥ ୩୮୧.୫୭ ॥
ବ୍ରହ୍ମାଦିସ୍ତମ୍ଭପର୍ୟନ୍ତଂ ଜଗଦ୍ୱିଷ୍ଣୁଞ୍ଚ ବେତ୍ତି ଯଃ ।
ସିଦ୍ଧିମାପ୍ନୋତି ଭଗବଦ୍ଭକ୍ତୋ ଭାଗବତୋ ଧ୍ରୁବମ୍ ॥ ୩୮୧.୫୮ ॥
ଇତ୍ୟାଦିମହାପୁରାଣେ ଆଗ୍ନେୟେ ଗୀତାସାରୋ ନାମୈକାଶୀତ୍ୟଧିକତ୍ରିଶତତମୋଽଧ୍ୟାୟଃ ॥
– Chant Stotra in Other Languages –
Shrimad Gitasara from Agni Purana 381 in Sanskrit – English – Bengali – Gujarati – Kannada – Malayalam – Odia – Telugu – Tamil