॥ Shrrigala Geetaa Bengali Lyrics ॥
॥ শৃগালগীতা ॥
ভীষ্মেণ যুধিষ্ঠিরম্প্রতি ইতরনিপেধপূর্বকং প্রজ্ঞায়াঃ
সুখসাধনতায়াং প্রমাণতয়া সৃগালকাশ্যপসংবাদানুবাদঃ ॥ ১ ॥
যুধিষ্ঠির উবাচ । ০
বান্ধবাঃ কর্ম বিত্তং বা প্রজ্ঞা বেহ পিতামহ ।
নরস্য কা প্রতিষ্ঠা স্যাদেতৎপৃষ্টো বদস্ব মে ॥ ১ ॥
ভীষ্ম উবাচ । ২
প্রজ্ঞা প্রতিষ্ঠা ভূতানাং প্রজ্ঞা লাভঃ পরো মতঃ ।
প্রজ্ঞা নিঃশ্রেয়সী লোকে প্রজ্ঞা স্বর্গো মতঃ সতাম্ ॥ ২ ॥
প্রজ্ঞয়া প্রাপিতার্থো হি বলিরৈশ্বর্যসঙ্ক্ষয়ে ।
প্রহ্লাদো নমুচির্মঙ্কিস্তস্যাঃ কিং বিদ্যতে পরম্ ॥ ৩ ॥
অত্রাপ্যুদাহরন্তীমমিতিহাসং পুরাতনম্ ।
ইন্দ্রকাশ্যপসংবাদং তন্নিবোধ যুধিষ্ঠির ॥ ৪ ॥
বৈশ্যঃ কশ্চিদৃষিসুতং কাশ্যপং সংশিতব্রতম্ ।
রথেন পাতয়ামাস শ্রীমান্দৃপ্তস্তপস্বিনম্ ॥ ৫ ॥
আর্তঃ স পতিতঃ ক্রুদ্ধস্ত্যক্ত্বাঽঽত্মানমথাব্রবীৎ ।
মরিষ্যাম্যধনস্যেহ জীবিতার্থো ন বিদ্যতে ॥ ৬ ॥
তথা মুমূর্ষমাসীনমকূজন্তমচেতসম্ ।
ইন্দ্রঃ সৃগালরূপেণ বভাষে ক্ষুব্ধমানসম্ ॥ ৭ ॥
মনুষ্যযোনিমিচ্ছন্তি সর্বভূতানি সর্বশঃ ।
মনুষ্যৎবে চ বিপ্রৎবং সর্ব এবাভিনন্দতি ॥ ৮ ॥
মনুষ্যো ব্রাহ্মণশ্চাসি শ্রোত্রিয়শ্চাসি কাশ্যপ ।
সুদুর্লভমবাপ্যৈতন্ন দোষান্মর্তুমর্হসি ॥ ৯ ॥
সর্বে লাভাঃ সাভিমানা ইতি সত্যবতী শ্রুতিঃ ।
সন্তোষণীয়রূপোঽসি লোভাদ্যদভিমন্যসে ॥ ১০ ॥
অহো সিদ্ধার্থতা তেষাং যেষাং সন্তীহ পাণয়ঃ ।
[অতীব স্পৃহয়ে তেষাং যেষাং সন্তীহ পাণয়ঃ ॥] ১১ ॥
পাণিমদ্ভ্যঃ স্পৃহাঽস্মাকং যথা তব ধনস্য বৈ ।
ন পাণিলাভাদধিকো লাভঃ কশ্চন বিদ্যতে ॥ ১২ ॥
অপাণিৎবাদ্বয়ং ব্রহ্মন্কণ্টকং নোদ্ধরামহে ।
জন্তূনুচ্চাবচানঙ্গে দশতো ন কষাম বা ॥ ১৩ ॥
অথ যেষাং পুনঃ পাণী দেবদত্তৌ দশাঙ্গুলী ।
উদ্ধরন্তি কৃমীনঙ্গাদ্দশতো নিকষন্তি চ ॥ ১৪ ॥
বর্ষাহিমাতপানাং চ পরিত্রাণানি কুর্বতে ।
চেলমন্নং সুখং শয়্যাং নিবাতং চোপভুঞ্জতে ॥ ১৫ ॥
অধিষ্ঠায় চ গাং লোকে ভুঞ্জতে বাহয়ন্তি চ ।
উপায়ৈর্বহুভিশ্চৈব বশ্যানাত্মনি কুর্বতে ॥ ১৬ ॥
যে খল্বজিহ্বাঃ কৃপণা অল্পপ্রাণা অপাণয়ঃ ।
সহন্তে তানি দুঃখানি দিষ্ট্যা ৎবং ন তথা মুনে ॥ ১৭ ॥
দিষ্ট্যা ৎবং ন শৃগালো বৈ ন কৃমির্ন চ মূষকঃ ।
ন সর্পো ন চ মণ্ডূকো ন চান্যঃ পাপয়োনিজঃ ॥ ১৮ ॥
এতাবতাঽপি লাভেন তোষ্টুমর্হসি কাশ্যপ ।
কিং পুনর্যোসি সৎবানাং সর্বেষাং ব্রাহ্মণোত্তমঃ ॥ ১৯ ॥
ইমে মাং কৃময়োঽদন্তি যেষামুদ্ধরণায় বৈ ।
নাস্তি শক্তিরপাণিৎবাৎপশ্যাবস্থামিমাং মম ॥ ২০ ॥
অকার্যমিতি চৈবেমং নাত্মানং সন্ত্যজাম্যহম্ ।
নাতঃ পাপীয়সীং যোনিং পতেয়মপরামিতি ॥ ২১ ॥
মধ্যে বৈ পাপয়োনীনাং সৃগালীয়ামহং গতঃ ।
পাপীয়স্যো বহুতরা ইতোঽন্যাঃ পাপয়োনয়ঃ ॥ ২২ ॥
জাত্যৈবৈকে সুখিতরাঃ সন্ত্যন্যে ভৃশদুঃখিতাঃ ।
নৈকান্তং সুখমেবেহ ক্বচিৎপশ্যামি কস্যচিৎ ॥ ২৩ ॥
মনুষ্যা হ্যাঢ্যতাং প্রাপ্য রাজ্যমিচ্ছন্ত্যনন্তরম্ ।
রাজ্যাদ্দেবৎবমিচ্ছন্তি দেবৎবাদিন্দ্রতামপি ॥ ২৪ ॥
ভবেস্ত্বং যদ্যপি ৎবাঢ্যো ন রাজা ন চ দৈবতম্ ।
দেবৎবং প্রাপ্য চেন্দ্রৎবং নৈব তুষ্যেস্তথা সতি ॥ ২৫ ॥
ন তৃপ্তিঃ প্রিয়লাভেঽস্তি তৃষ্ণা নাদ্ভিঃ প্রশাম্যতি ।
সম্প্রজ্বলতি সা ভূয়ঃ সমিদ্ভিরিব পাবকঃ ॥ ২৬ ॥
অস্ত্যেব ৎবয়ি শোকোঽপি হর্ষশ্চাপি তথা ৎবয়ি ।
সুখদুঃখে তথা চোভে তত্র কা পরিদেবনা ॥ ২৭ ॥
পরিচ্ছিদ্যৈব কামানাং সর্বেষাং চৈব কর্মণাম্ ।
মূলং বুদ্ধীন্দ্রিয়গ্রামং শকুন্তানিব পঞ্জরে ॥ ২৮ ॥
ন দ্বিতীয়স্য শিরসশ্ছেদনং বিদ্যতে ক্বচিৎ ।
ন চ পাণেস্তৃতীয়স্য যন্নাস্তি ন ততো ভয়ম্ ॥ ২৯ ॥
ন খল্বপ্যরসজ্ঞস্য কামঃ ক্বচন জায়তে ।
সংস্পর্শাদ্দর্শনাদ্বাপি শ্রবণাদ্বাপি জায়তে ॥ ৩০ ॥
ন ৎবং স্মরসি বারুণ্যা লট্বাকানাং চ পক্ষিণাম্ ।
তাভ্যাং চাভ্যধিকো ভক্ষ্যো ন কশ্চিদ্বিদ্যতে ক্বচিৎ ॥ ৩১ ॥
যানি চান্যানি ভূতেষু ভক্ষ্যভোজ্যানি কাশ্যপ ।
যেষামভুক্তপূর্বাণি তেষামস্মৃতিরেব তে ॥ ৩২ ॥
অপ্রাশনমসংস্পর্শমসন্দর্শনমেব চ ।
পুরুষস্যৈষ নিয়মো মন্যে শ্রেয়ো ন সংশয়ঃ ॥ ৩৩ ॥
পাণিমন্তো বলবন্তো ধনবন্তো ন সংশয়ঃ ।
মনুষ্যা মানুষৈরেব দাসৎবমুপপাদিতাঃ ॥ ৩৪ ॥
বধবন্ধপরিক্লেশৈঃ ক্লিশ্যন্তে চ পুনঃ পুনঃ ।
তে খল্বপি রমন্তে চ মোদন্তে চ হসন্তি চ ॥ ৩৫ ॥
অপরে বাহুবলিনঃ কৃতবিদ্যা মনস্বিনঃ ।
জুগুপ্সিতাং চ কৃপণাং পাপবৃত্তিমুপাসতে ॥ ৩৬ ॥
উৎসহন্তে চ তে বৃত্তিমন্যামপ্যুপসেবিতুম্ ।
স্বকর্মণা তু নিয়তং ভবিতব্যং তু তত্তথা ॥ ৩৭ ॥
ন পুল্কসো ন চণ্ডাল আত্মানং ত্যক্তুমিচ্ছতি ।
তয়া তুষ্টঃ স্বয়া যোন্যা মায়াং পশ্যস্ব যাদৃশীম্ ॥ ৩৮ ॥
দৃষ্ট্বা কুণীন্পক্ষহতান্মনুষ্যানাময়াবিনঃ ।
সুসম্পূর্ণঃ স্বয়া যোন্যা লব্ধলাভোসি কাশ্যপ ॥ ৩৯ ॥
যদি ব্রাহ্মণদেহস্তে নিরাতঙ্কো নিরাময়ঃ ।
অঙ্গানি চ সমগ্রাণি ন চ লোকেষু ধিক্কৃতঃ ॥ ৪০ ॥
ন কেনচিৎপ্রবাদেন সত্যেনৈবাপহারিণা ।
ধর্মায়োত্তিষ্ঠ বিপ্রর্ষে নাত্মানং ত্যক্তুমর্হসি ॥ ৪১ ॥
যদি ব্রহ্মঞ্শৃণোষ্যেতচ্ছ্রদ্দধাসি চ মে বচঃ ।
বেদোক্তস্যৈব ধর্মস্য ফলং মুখ্যমবাপ্স্যসি ॥ ৪২ ॥
স্বাধ্যায়মগ্নিসংস্কারমপ্রমত্তোঽনুপালয় ।
সত্যং দমং চ দানং চ স্পর্ধিষ্ঠা মা চ কেনচিৎ ॥ ৪৩ ॥
যে কেচন স্বধ্যযনাঃ প্রাপ্তা যজনয়াজনম্ ।
কথং তে চানুশোচেয়ুর্ধ্যায়েয়ুর্বাঽপ্যশোভনম্ ॥ ৪৪ ॥
ইচ্ছন্তস্তে বিহারায় সুখং মহদবাপ্নুয়ুঃ ।
যেঽনুজাতাঃ সুনক্ষত্রে সুতিথৌ সুমুহূর্তকে ।
যজ্ঞদানপ্রজেহায়াং যতন্তে শক্তিপূর্বকম্ ॥ ৪৫ ॥
নক্ষত্রেষ্বাসুরেষ্বন্যে দুস্তিথৌ দুর্মুহূর্তজাঃ ।
সম্পতন্ত্যাসুরীং যোনিং যজ্ঞপ্রসববর্জিতাঃ ॥ ৪৬ ॥
অহমাসং পণ্ডিতকো হৈতুকো বেদনিন্দকঃ ।
আন্বীক্ষিকীং তর্কবিদ্যামনুরক্তো নিরর্থিকাম্ ॥ ৪৭ ॥
হেতুবাদান্প্রবদিতা বক্তা সংসৎসু হেতুমৎ ।
আক্রোষ্টা চাতিবক্তা চ ব্রহ্মবাক্যেষু চ দ্বিজান্ ॥ ৪৮ ॥
নাস্তিকঃ সর্বশঙ্কী চ মূর্খঃ পণ্ডিতমানিকঃ ।
তস্যেয়ং ফলনির্বৃত্তিঃ সৃগালৎবং মম দ্বিজ ॥ ৪৯ ॥
অপি জাতু তথা তৎস্যাদহোরাত্রশতৈরপি ।
যদহং মানুষীং যোনিং সৃগালঃ প্রাপ্নুয়াং পুনঃ ॥ ৫০ ॥
সন্তুষ্টশ্চাপ্রমত্তশ্চ যজ্ঞদানতপোরতঃ ।
জ্ঞেয়ং জ্ঞাতা ভবেয়ং বৈ বর্জ্যং বর্জয়িতা তথা ॥ ৫১ ॥
ভীষ্ম উবাচ । ৫২
ততঃ স মুনিরুত্থায় কাশ্যপস্তমুবাচ হ ।
অহো বতামি কুশলো বুদ্ধিমাংশ্চেতি বিস্মিতঃ ॥ ৫২ ॥
সমবৈক্ষত তং বিপ্রো জ্ঞানদীর্ঘেণ চক্ষুষা ।
দদর্শ চৈনং দেবানাং দেবমিন্দ্রং শচীপতিম্ ॥ ৫৩ ॥
ততঃ সম্পূজয়ামাস কাশ্যপো হরিবাহনম্ ।
অনুজ্ঞাতস্তু তেনাথ প্রবিবেশ স্বমালয়ম্ ॥ ॥ ৫৪ ॥
ইতি শ্রীমন্মহাভারতে শান্তিপর্বণি মোক্ষধর্মপর্বণি
অষ্টসপ্তত্যধিকশততমোঽধ্যায়ঃ ॥ ১৭৮ ॥
Mahabharata – Shanti Parva – Chapter Footnotes
৫ রথেন রথঘাতেন । বৈশ্যঃ কশ্চিদৃষিং দান্তং ইতি
ট। পাঠঃ ॥
৬ আত্মানং ধৈর্যং ত্যক্ত্বা ॥
৭ অকূজন্তং মূর্চ্ছয়া নিঃশব্দম্ ॥
৯ শ্রোত্রিয়োঽধীতদেবঃ । দোষাৎ মৌঢ্যাৎ ॥
১০ যৎসন্তোষণীয়ং রূপং ৎবং স্বস্যাঽভিমন্যসেঽবমন্যসে ॥
১৩ ন কষাম ন নাশয়াম্। ১২-১৭৮-১৪ নিকষন্তি কণ্ডূয়নেন। ।
১৬ অধিষ্ঠায়াধ্যাস্য । গাং পৃথিবীম্। বলীবর্দাদি বা। আত্মনি
আত্মভোগনিমিত্তম্ ॥
১৭ অল্পপ্রাণা অল্পবলাঃ ॥
২০ অদন্তি দশন্তি ॥
২৩ একে দেবাদ্যাঃ । অন্যে পশ্বাদ্যাঃ ॥
২৫ যদি কদাচিদ্ভবেস্তথাপি ন তুষ্যেরিতি যোজ্যম্ ॥
২৮ কামাদীনাং মূলং বুদ্ধীন্দ্রিয়গ্রামং শকুন্তানিব
শরীরপঞ্চরে পরিচ্ছিদ্য নিরুধ্য স্থিতস্য ভয়ং নাস্তীত্যুত্তরেণ
সম্বন্ধঃ ॥
৩১ বারুণ্যা মদ্যস্য লট্বাখ্যপক্ষিমাসস্য চ । কর্মণি
ষষ্ঠ্যৌ। ৎবং ন স্মরসি ব্রাহ্মণৎবেন তব তদ্রসগ্রহাভাবাৎ ॥
৩২ যেষাং যান্যভুক্তপূর্বাণি ॥
৩৮ অসন্তুষ্টঃ স্বয়া বৃত্ত্যা মায়াং প্রেক্ষস্ব যাদৃশীন্ । ইতি
টড়।থ। পাঠঃ ॥
৩৯ পক্ষহতানর্ধাঙ্গবাতাদিনা নষ্টান্ । আময়াবিনোরোগাক্রান্তান্ ॥
৪১ প্রবাদেন কলঙ্কেন । অপহারিণা জাবিভ্রংশকরেণ ॥
৪৫ বিহারায় যথোচিতেন যজ্ঞাদিনা বিহর্তুম্ ॥
৪৮ পণ্ডিতকঃ কুৎসিতঃ পণ্ডিতঃ হেতুমদেব বক্তা ন শ্রুতিমৎ
। আক্রোষ্টাপরুষবাক্ ॥
৪৯ সর্বশঙ্কী স্বর্গাদৃষ্টাদিসদ্ভাবেঽপি শঙ্কাবান্ ॥
৫৪ হরিবাহনমিন্দ্রম্ ॥
– Chant Stotra in Other Languages –
shrrigala Gita in Sanskrit – English – Bengali – Gujarati – Kannada – Malayalam – Odia – Telugu – Tamil