॥ Shruti Geetaa 2 Bengali Lyrics ॥
॥ শ্রুতিগীতা ২ ॥
প্রাকৃতাঃ শ্রুতয়ঃ সর্বা ভগবন্তমধোক্ষজম্ ।
স্তুবন্তি দোষনাশায় তত্রাবিষ্টো ভবেদ্যথা ॥ ১ ॥
সত্যো হরিঃ সমস্তেষু ভ্রমভাতেষ্বপি স্থিরঃ ।
অতঃ সন্তঃ সমস্তার্থে কৃষ্ণমেব বিজানতে ॥ ২ ॥
কথানন্ত্যোক্তিহৃদয়াঃ সাধনানি ন কুর্বতে ।
সাক্ষাত্তে পাদসংশ্লিষ্টাস্তে কিং বাচ্যা মহাশয়াঃ ॥ ৩ ॥
কৃষ্ণ এব সদা সেব্যো নির্ণীতঃ পঞ্চধা বুধৈঃ ।
শরীরদঃ প্রেরকশ্চ সুখদঃ শেষসৎপদঃ ॥ ৪ ॥
কর্মরূপং হরিং কেচিৎসেবন্তে যোগরূপিণম্ ।
তেভ্যোঽপ্যক্ষররূপস্য সেবকাঃ সম্মতাঃ সতাম্ ॥ ৫ ॥
সর্বত্র ভগবাংস্তুত্যঃ সর্বদোষবিবর্জিতঃ ।
ক্রীডার্থমনুকুর্বন্হি সর্বত্রৈব বিরাজতে ॥ ৬ ॥
গুপ্তানন্দা যতো জীবা নিরানন্দং জগদ্যতঃ ।
পূর্ণানন্দো হরিস্তস্মাঞ্জীবৈঃ সেব্যঃ সুখার্থিভিঃ ॥ ৭ ॥
কৃষ্ণে হরৌ ভগবতি পরমানন্দসাগরঃ ।
বর্ততে নাত্র সন্দেহঃ কথা তত্র নিয়ামিকা ॥ ৮ ॥
অসৎসঙ্গো ন কর্তব্যো ভক্তিমার্গস্য বাধকঃ ।
দেহে হ্যনুগুণে কৃষ্ণে নেন্দ্রিয়াণাং প্রিয়ং চরেৎ ॥ ৯ ॥
সর্ব এব হরের্ভক্তাস্তুল্যা যান্মন্যতে হরিঃ ।
অতঃ কৃষ্ণো যথাত্মীয়ান্মন্যতে ভজনং তথা ॥ ১০ ॥
জ্ঞানমার্গো ভ্রান্তিমূলমতঃ কৃষ্ণং ভজেদ্বুধঃ ।
প্রবর্তকং জ্ঞানকাণ্ডং চিত্তশুদ্ধ্যৈ যতো ভবেৎ ॥ ১১ ॥
ভ্রান্তিমূলতয়া সর্বসময়ানাময়ুক্তিতঃ ।
ন তদ্বিরোধাৎকৃষ্ণাখ্যং পরং ব্রহ্ম ত্যজেদ্বুধঃ ॥ ১২ ॥
জীবানাং ব্রহ্মরূপৎবাদ্দোষা অপি চ মানসাঃ ।
জগচ্চ সকলং ব্রহ্য ততো দোষঃ কথং হরৌ ॥ ১৩ ॥
সর্বথা সর্বতঃ শুদ্ধা ভক্তা এব ন চাপরে ।
অতঃ শুদ্ধিমভীপ্সদ্ভিস্সেব্যা ভক্তা ন চাপরে ॥ ১৪ ॥
সুবর্ণপ্রতিমাবাসৌ সর্বানন্দময়োঽধিরাট্ ।
সর্বসেব্যো নিয়ন্তা চ নির্দুষ্টঃ সর্বথৈব হি ॥ ১৫ ॥
সর্বভাববিনির্মুক্তঃ পূর্ণঃ ক্রোডার্থমুদ্গতঃ ।
নিমিত্তং তং সমাশ্রিত্য জায়ন্তে জীবরাশয়ঃ ॥ ১৬ ॥
নিয়ন্তা জীবসঙ্ঘস্য হরিস্তেনাণবো মতাঃ ।
জীবা ন ব্যাপকাঃ ক্বাপি চিন্ময়া জ্ঞানিনো মতাঃ ॥ ১৭ ॥
নামরূপপ্রপঞ্চং হি দেবতির্যঙ্নরাত্মকম্ ।
কৃষ্ণাদেব সমুদ্ভূতং লীনং তত্রৈব তন্ময়ম্ ॥ ১৮ ॥
নৄণাং দুর্গতিমালোক্য যে সেবন্তে দৃঢব্রতাঃ ।
কৃষ্ণং তদ্ভ্রুকুটিঃ কালো ন তান্হন্তি কদাচন ॥ ১৯ ॥
অদান্তে মনসি জ্ঞানয়োগার্থং ন যতেদ্বুধঃ ।
গুরুসেবাপরো ভূৎবা ভক্তিমেব সদাভ্যসেৎ ॥ ২০ ॥
সর্বলোকোপকারার্থং কৃষ্ণেন সহিতাস্তু তে ।
পরিভ্রমন্তি লোকানাং নিস্তারায় মহাশয়াঃ ॥ ২১ ॥
পুত্রাদীন্সম্পরিত্যজ্য কৃষ্ণঃ সেব্যো ন তৈঃ সহ ।
তৎসুখং ভগবান্দাতা তে তু ক্লিষ্টেঽতিদুঃখদাঃ ॥ ২২ ॥
পরিভ্রমংস্তীর্থনিষ্ঠো গুরুলব্ধহরিস্মৃতিঃ ।
ন সেবেত গৃহান্ দুষ্টান্ সদ্ধর্মাত্যন্তনাশকান্ ॥ ২৩ ॥
সদ্বুদ্ধ্যা সর্বথা সদ্ভির্ন সেব্যমখিলং জগৎ ।
ভ্রান্ত্যা সদ্বুদ্ধিরত্রেতি সন্তং কৃষ্ণং ভজেদ্বুধঃ ॥ ২৪ ॥
খপুষ্পাদিসমৎবাদ্ধি মিথ্যাভূতং জগদ্যতঃ ।
অধিষ্ঠানাচ্চ সদ্ভানং তং কৃষ্ণং নিয়তং ভজেৎ ॥ ২৫ ॥
কালাদিতৃণপর্যন্তা ন সেব্যা মুক্তিমিচ্ছতা ।
দোষত্যাজনশক্তো হি সেব্যো দাতা গণস্য চ ॥ ২৬ ॥
জীবেষু ভগবানাত্মা সঞ্চ্ছন্নস্তেন তত্র ন ।
ভজনং সর্বথা কার্যং ততোঽন্যত্রৈব পূজয়েৎ ॥ ২৭ ॥
সুখসেবাপরো যস্তু সদানন্দং হরিং ভজেৎ ।
অন্যথা সুখমপ্রেপ্সুঃ সর্বথা দুঃখমাপ্নুয়াৎ ॥ ২৮ ॥
কৃষ্ণানন্দঃ পরানন্দো নান্যানন্দস্তথাবিধঃ ।
বেদা অপি ন তচ্ছক্তাঃ প্রতিপাদয়িতুং স্বতঃ ॥ ২৯ ॥
ইত্যেব শ্রুতিগীতায়াঃ সঙ্ক্ষেপেণ নিরূপিতঃ ।
অর্থরাশিসমুদ্রো হি যথাঙ্গুল্যা নিরূপ্যতে ॥ ৩০ ॥
ইতি শ্রীবল্লভাচার্যবিরচিতা শ্রুতিগীতা সম্পূর্ণা ।
– Chant Stotra in Other Languages –
Shruti Gita 2 in Sanskrit – English – Bengali – Gujarati – Kannada – Malayalam – Odia – Telugu – Tamil