॥ Siddha Geetaa Odia Lyrics ॥
॥ ସିଦ୍ଧଗୀତା ॥
ଅସ୍ତ୍ୟସ୍ତମିତସର୍ୱାପଦୁଦ୍ୟତ୍ସମ୍ପଦୁଦାରଧୀଃ ।
ବିଦେହାନାଂ ମହୀପାଲୋ ଜନକୋ ନାମ ବୀର୍ୟବାନ୍ ॥ ୧ ॥
କଲ୍ପବୃକ୍ଷୋଽର୍ଥିସାର୍ଥାନାଂ ମିତ୍ରାଲାନାଂ ଦିବାକରଃ ।
ମାଧବୋ ବନ୍ଧୁପୁଷ୍ପାଣାଂ ସ୍ତ୍ରୀଣାଂ ମକରକେତନଃ ॥ ୨ ॥
ଦ୍ୱିଜକୈରବଶୀତାଂଶୁର୍ଦ୍ୱିଷତ୍ତିମିରଭାସ୍କରଃ ।
ସୌଜନ୍ୟରତ୍ନଜଲଧିର୍ଭୁବଂ ବିଷ୍ଣୁରିବାସ୍ଥିତଃ ॥ ୩ ॥
ପ୍ରଫୁଲ୍ଲବାଲଲତିକେ ମଞ୍ଜରୀପୁଞ୍ଜପିଞ୍ଜିରେ ।
ସ କଦାଚିନ୍ମଧୌ ମତ୍ତେ କୋକିଲାଲାପଲାସିନି ॥ ୪ ॥
ଯୟୌ କୁସୁମିତାଭୋଗଂ ସୁବିଲାସଲତାଙ୍ଗନମ୍ ।
ଲୀଲୟୋପବନଂ କାନ୍ତଂ ନନ୍ଦନଂ ବାସବୋ ଯଥା ॥ ୫ ॥
ତସ୍ମିନ୍ୱରବନେ ହୃଦ୍ୟେ କେସରୋଦ୍ଦାମମାରୁତେ ।
ଦୂରସ୍ଥାନୁଚରଃ ସାନୁକୁଞ୍ଜେଷୁ ବିଚଚାର ହ ॥ ୬ ॥
ଅଥ ଶୁଶ୍ରାବ କସ୍ମିଂଶ୍ଚିତ୍ତମାଲବନଗୁଲ୍ମକେ ।
ସିଦ୍ଧାନାମପ୍ରଦୃଶ୍ୟାନାଂ ସ୍ୱପ୍ରସଙ୍ଗାଦୁଦାହୃତାଃ ॥ ୭ ॥
ବିବିକ୍ତବାସିନାଂ ନିତ୍ୟଂ ଶୈଲକନ୍ଦରଚାରିଣାମ୍ ।
ଇମାଃ କମଲପତ୍ରାକ୍ଷ ଗୀତା ଗୀତାତ୍ମଭାବନାଃ ॥ ୮ ॥
ସିଦ୍ଧା ଊଚୁଃ ।
ଦ୍ରଷ୍ଟୁଦୃଶ୍ୟସମାୟୋଗାତ୍ପ୍ରତ୍ୟଯାନନ୍ଦନିଶ୍ଚୟଃ ।
ଯସ୍ତଂ ସ୍ୱମାତ୍ମତତ୍ତ୍ୱୋତ୍ଥଂ ନିଃସ୍ପନ୍ଦଂ ସମୁପାସ୍ମହେ ॥ ୯ ॥
ଅନ୍ୟେ ଊଚୁଃ ।
ଦ୍ରଷ୍ଟୃଦର୍ଶନଦୃଶ୍ୟାନି ତ୍ୟକ୍ତ୍ୱା ବାସନୟା ସହ ।
ଦର୍ଶନପ୍ରଥମାଭାସମାତ୍ମାନଂ ସମୁପାସ୍ମହେ ॥ ୧୦ ॥
ଅନ୍ୟେ ଊଚୁଃ ।
ଦ୍ୱୟୋର୍ମଧ୍ୟଗତଂ ନିତ୍ୟମସ୍ତିନାସ୍ତୀତି ପକ୍ଷୟୋଃ ।
ପ୍ରକାଶନଂ ପ୍ରକାଶ୍ୟାନାମାତ୍ମାନଂ ସମୁପାସ୍ମହେ ॥ ୧୧ ॥
ଅନ୍ୟେ ଊଚୁଃ ।
ଯସ୍ମିନ୍ସର୍ୱଂ ଯସ୍ୟ ସର୍ୱଂ ଯତଃ ସର୍ୱଂ ଯସ୍ମାୟିଦମ୍ ।
ଯେନ ସର୍ୱଂ ଯଦ୍ଧି ସର୍ୱଂ ତତ୍ସତ୍ୟଂ ସମୁପାସ୍ମହେ ॥ ୧୨ ॥
ଅନ୍ୟେ ଊଚୁଃ ।
ଅଶିରସ୍କଂ ହକାରାନ୍ତମଶେଷାକାରସଂସ୍ଥିତମ୍ ।
ଅଜସ୍ରମୁଚ୍ଚରନ୍ତଂ ସ୍ୱଂ ତମାତ୍ମାନମୁପାସ୍ମହେ ॥ ୧୩ ॥
ଅନ୍ୟେ ଊଚୁଃ ।
ସନ୍ତ୍ୟଜ୍ୟ ହୃଦ୍ଗୁହେଶାନଂ ଦେବମନ୍ୟଂ ପ୍ରୟାନ୍ତି ଯେ ।
ତେ ରତ୍ନମଭିବାଞ୍ଛନ୍ତି ତ୍ୟକ୍ତହସ୍ତସ୍ଥକୌସ୍ତୁଭାଃ ॥ ୧୪ ॥
ଅନ୍ୟେ ଊଚୁଃ ।
ସର୍ୱାଶାଃ କିଲ ସନ୍ତ୍ୟଜ୍ୟ ଫଲମେତଦବାପ୍ୟତେ ।
ଯେନାଶାବିଷବଲ୍ଲୀନାଂ ମୂଲମାଲା ବିଲୂୟତେ ॥ ୧୫ ॥
ଅନ୍ୟେ ଊଚୁଃ ।
ବୁଦ୍ଧ୍ୱାପ୍ୟତ୍ୟନ୍ତବୈରସ୍ୟଂ ଯଃ ପଦାର୍ଥେଷୁ ଦୁର୍ମତିଃ ।
ବଧ୍ନାତି ଭାବନାଂ ଭୂୟୋ ନରୋ ନାସୌ ସ ଗର୍ଦଭଃ ॥ ୧୬ ॥
ଅନ୍ୟେ ଊଚୁଃ ।
ଉତ୍ଥିତାନୁତ୍ଥିତାନେତାନିନ୍ଦ୍ରିୟାହୀନ୍ପୁନଃ ପୁନଃ ।
ହନ୍ୟାଦ୍ୱିବେକଦଣ୍ଡେନ ବଜ୍ରେଣେବ ହରିର୍ଗିରୀନ୍ ॥ ୧୭ ॥
ଅନ୍ୟେ ଊଚୁଃ ।
ଉପଶମସୁଖମାହରେତ୍ପବିତ୍ରଂ
ସୁଶମବତଃ ଶମମେତି ସାଧୁଚେତଃ ।
ପ୍ରଶମିତମନସଃ ସ୍ୱକେ ସ୍ୱରୂପେ
ଭବତି ସୁଖେ ସ୍ଥିତିରୁତ୍ତମା ଚିରାୟ ॥ ୧୮ ॥
ଇତ୍ୟାର୍ଷେ ଶ୍ରୀବାସିଷ୍ଠମହାରାମାୟଣେ ବାଲ୍ମିକୀୟେ ଦେବଦୂତୋକ୍ତେ
ମୋକ୍ଷୋପାୟେଷୂପଶମପ୍ରକରଣେ ସିଦ୍ଧଗୀତାନାମାଷ୍ଟମଃ ସର୍ଗଃ ॥ ୮ ॥
– Chant Stotra in Other Languages –
Siddha Gita in Sanskrit – English – Bengali – Gujarati – Kannada – Malayalam – Odia – Telugu – Tamil