॥ Adi Sankaracharya’s Guru Ashtakam Bengali Lyrics ॥
জন্মানেকশতৈঃ সদাদরয়ুজা ভক্ত্যা সমারাধিতো
ভক্তৈর্বৈদিকলক্ষণেন বিধিনা সন্তুষ্ট ঈশঃ স্বয়ম্ ।
সাক্ষাত্ শ্রীগুরুরূপমেত্য কৃপয়া দৃগ্গোচরঃ সন্ প্রভুঃ
তত্ত্বং সাধু বিবোধ্য তারয়তি তান্ সংসারদুঃখার্ণবাত্ ॥
শরীরং সুরূপং তথা বা কলত্রং
য়শশ্চারু চিত্রং ধনং মেরুতুল্যম্ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ১ ॥
কলত্রং ধনং পুত্রপৌত্রাদি সর্বং
গৃহং বান্ধবাঃ সর্বমেতদ্ধি জাতম্ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ২ ॥
ষডঙ্গাদিবেদো মুখে শাস্ত্রবিদ্যা
কবিত্বাদি গদ্যং সুপদ্যং করোতি ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৩ ॥
বিদেশেষু মান্যঃ স্বদেশেষু ধন্যঃ
সদাচারবৃত্তেষু মত্তো ন চান্যঃ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৪ ॥
ক্ষমামণ্ডলে ভূপভূপালবৃন্দৈঃ
সদা সেবিতং য়স্য পাদারবিন্দম্ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৫ ॥
য়শো মে গতং দিক্ষু দানপ্রতাপা-
জ্জগদ্বস্তু সর্বং করে য়ত্প্রসাদাত্ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৬ ॥
ন ভোগে ন য়োগে ন বা বাজিরাজৌ
ন কান্তামুখে নৈব বিত্তেষু চিত্তম্ ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৭ ॥
অরণ্যে ন বা স্বস্য গেহে ন কার্যে
ন দেহে মনো বর্ততে মে ত্বনর্ঘ্যে ।
মনশ্চেন্ন লগ্নং গুরোরঙ্ঘ্রিপদ্মে
ততঃ কিং ততঃ কিং ততঃ কিং ততঃ কিম্ ॥ ৮ ॥
গুরোরষ্টকং য়ঃ পঠেত্পুণ্যদেহী
য়তির্ভূপতির্ব্রহ্মচারী চ গেহী ।
লভেদ্বাঞ্ছিতার্থং পদং ব্রহ্মসংজ্ঞং
গুরোরুক্তবাক্যে মনো য়স্য লগ্নম্ ॥
– Chant Stotra in Other Languages –
Adi Sankaracharya’s Guru Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil