॥ Sri Bhairav Ashtakam 2 Bengali Lyrics ॥
॥ শ্রীভৈরবাষ্টকম্ ২ ॥
॥ শ্রীগণেশায় নমঃ ॥
॥ শ্রীউমামহেশ্বরাভ্যাং নমঃ ॥
॥ শ্রীগুরবে নমঃ ॥
॥ শ্রীভৈরবায় নমঃ ॥
শ্রীভৈরবো রুদ্রমহেশ্বরো য়ো মহামহাকাল অধীশ্বরোঽথ ।
য়ো জীবনাথোঽত্র বিরাজমানঃ শ্রীভৈরবং তং শরণং প্রপদ্যে ॥ ১ ॥
পদ্মাসনাসীনমপূর্বরূপং মহেন্দ্রচর্মোপরি শোভমানম্ ।
গদাঽব্জ পাশান্বিত চক্রচিহ্নং শ্রীভৈরবং তং শরণং প্রপদ্যে ॥ ২ ॥
য়ো রক্তগোরশ্চ চতুর্ভুজশ্চ পুরঃ স্থিতোদ্ভাসিত পানপাত্রঃ ।
ভুজঙ্গভূয়োঽমিতবিক্রমো য়ঃ শ্রীভৈরবং তং শরণং প্রপদ্যে ॥ ৩ ॥
রুদ্রাক্ষমালা কলিকাঙ্গরূপং ত্রিপুণ্ড্রয়ুক্তং শশিভাল শুভ্রম্ ।
জটাধরং শ্বানবরং মহান্তং শ্রীভৈরবং তং শরণং প্রপদ্যে ॥ ৪ ॥
য়ো দেবদেবোঽস্তি পরঃ পবিত্রঃ ভুক্তিঞ্চ মুক্তিং চ দদাতি নিত্যম্ ।
য়োঽনন্তরূপঃ সুখদো জনানাং শ্রীভৈরবং তং শরণং প্রপদ্যে ॥ ৫ ॥
য়ো বিন্দুনাথোঽখিলনাদনাথঃ শ্রীভৈরবীচক্রপনাগনাথঃ ।
মহাদ্ভূতো ভূতপতিঃ পরেশঃ শ্রীভৈরবং তং শরণং প্রপদ্যে ॥ ৬ ॥
য়ে য়োগিনো ধ্যানপরা নিতান্তং স্বান্তঃস্থমীশং জগদীশ্বরং বৈ ।
পশ্যন্তি পারং ভবসাগরস্য শ্রীভৈরবং তং শরণং প্রপদ্যে ॥ ৭ ॥
ধর্মধ্বজং শঙ্কররূপমেকং শরণ্যমিত্থং ভুবনেষু সিদ্ধম্ ।
দ্বিজেন্দ্রপূজ্যং বিমলং ত্রিনেত্রং শ্রীভৈরবং তং শরণং প্রপদ্যে ॥ ৮ ॥
ভৈরবাষ্টকমেতদ্ য়ঃ শ্রদ্ধা ভক্তি সমন্বিতঃ ।
সায়ং প্রাতঃ পঠেন্নিত্যং স য়শস্বী সুখী ভবেত্ ॥ ৯ ॥
॥ শ্রীগার্গ্যমুনিবিরচিতং ভৈরবাষ্টকং সম্পূর্ণম্ ॥
– Chant Stotra in Other Languages –
Lord Shiva Slokam » Sri Bhairav Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil