॥ Sri Bhogapuresha Ashtakam Odia Lyrics ॥
॥ ଶ୍ରୀଭୋଗାପୁରେଶାଷ୍ଟକମ୍ ॥
ଶ୍ରୀମଦ୍ଭୋଗାପୁରେଶୋ ଭଵତୁ ଭଵଗୁରୁର୍ଭୂତୟେ ମେ ଦୟାଲୁଃ
ଜ୍ଞାନଂ ଭକ୍ତିଂ ଵିରକ୍ତିଂ ପ୍ରଦିତ ଶମଦମାଦ୍ୟଙ୍ଗଜାତଂ ସୁଖାୟ ।
ସ୍ତୋତୁଂ ଵାଽଽରାଧିତୁଂ ତ୍ଵାଂ ନ ଚ ମମ ସୁମତିଃ କଲ୍ୟଦୀନେନ୍ଦ୍ରିୟେଶୈଃ
ସନ୍ମାର୍ଗାଦ୍ଭ୍ରାନ୍ତିତୋଽୟଂ ପୁରୁଗୁଣ ଦୟୟା ପାହି ଭୋଗାପୁରେଶ ॥ ୧ ॥
ମୂଢୋଽହଂ ଜ୍ଞାନହୀନସ୍ତଵ ପଦୟୁଗଲେ ଭକ୍ତିହୀନୋ ଦୁରାତ୍ମା-
ଥାପି ତ୍ଵାମେଵ ଜାନେ ଗୁରୁଵର ଵଚସା ସ୍ଵାମିନଂ ନାପରଂ ଵା ।
ତସ୍ମାଦସ୍ମତ୍କୃତାଗଃ କ୍ଷମୟ କୁରୁ କୃପାଂ ସତ୍ତ୍ଵସିନ୍ଧୋ ହନୂମନ୍
ଦାସ୍ୟଂ ମେ ଦେହି ନିତ୍ୟଂ ଦଶରଥତନୟପ୍ରୀତ ଭୋଗାପୁରେଶ ॥ ୨ ॥
ତ୍ଵଦ୍ଧୃତ୍ପଦ୍ମାନ୍ତରଙ୍ଗେ ସକଲଗୁଣଗଣାଲଙ୍କୃତାଙ୍ଗୋ ଵିଦୋଷଃ
ସ୍ଵାମୀ ଵେଦାନ୍ତଵେଦ୍ୟୋ ମମ ମନସି ତଥା ଵର୍ତତାଂ ଶ୍ରୀମନୋଜ୍ଞଃ ।
ଶ୍ରୀମଦ୍ଭୋଗାପୁରେଶାନିଲତନୟ ହିତଂ ମାମକଂ ଵେତ୍ସି ସର୍ଵଂ
କିଂ ମେ ଵିଜ୍ଞାପନୀୟଂ ସକଲମପି ସଦା ଜାନତଃ ପୂର୍ଣଶକ୍ତେଃ ॥ ୩ ॥
ରକ୍ଷଃପୁତ୍ରପ୍ରଣାଶୋ ଜଲନିଧିତରଣଂ ଦ୍ରୋଣଗିର୍ୟାହୃତିଶ୍ଚେ-
ତ୍ୟାଦ୍ୟଂ ଦୁଃସାଧ୍ୟକର୍ମ ତ୍ଵୟି କୃତଵତି ମେ ସଂଶୟଂ ୟାତି ଚେତଃ ।
ୟଦ୍ୟସ୍ମନ୍ମାନସସ୍ଥପ୍ରବଲତରମହାକାମମୁଖ୍ୟାରିନାଶୋ
ଭୂୟାଚ୍ଛୀଘ୍ରଂ ତ୍ଵୟାୟଂ ସକଲମପି ବଲଂ ଵେଦ୍ମି ତେ ସତ୍ୟମେଵ ॥ ୪ ॥
ସର୍ଵାତ୍ମପ୍ରେରକେଶାଦ୍ଭୁତବଲନିଖିଲପ୍ରାଣିଵୃନ୍ଦପ୍ରଵିଷ୍ଟା-
ନେକୈ ରୂପୈ ରମେଶଂ ପରିଚରସି ହରେ ଵେତ୍ତି କସ୍ତେ ମହତ୍ତ୍ଵମ୍ ।
ଵତ୍ସାନୁକ୍ରୋଶଦୃଷ୍ଟିର୍ଭଵତୁ ମୟି ଚିରଂ ସଂସୃତିଵ୍ୟାଧିରୁଗ୍ଣେ
ଶ୍ରୀମଦ୍ଭୋଗାପୁରେଶାଭୟଦ ଵିରତିଵିଜ୍ଞାନଭକ୍ତ୍ୟାଦିପୂର୍ଣ ॥ ୫ ॥
ଭଗ୍ନେ ବିମ୍ବେ କଦାଚିତ୍ ପୁନରପି ଗୁରୁସତ୍ପାଣିଲବ୍ଧପ୍ରତିଷ୍ଠଃ
ସାନ୍ନିଧ୍ୟଂ ଵ୍ୟଞ୍ଜିତୁଂ ୟୋ ନିହିତଦ୍ୟୁତିମହାଦୀପତପ୍ତୋ ଵ୍ୟତାନୀତ୍ ।
ସର୍ଵତ୍ରାଦ୍ଧା ପତଙ୍ଗାନ୍ ମୁହୁରଥ ସୁଜନୈଃ ପ୍ରାର୍ଥିତଃ ସଞ୍ଜହାର
ଶ୍ରୀମଦ୍ଭୋଗାପୁରେଶଂ ତମଖିଲଫଲଦଂ ସମ୍ଭଜେ ପୂର୍ଵଜ୍ୟେଷ୍ଠମ୍ ॥ ୬ ॥
ଦୁର୍ବୁଦ୍ଧିଂ ଦୁର୍ଵିକାରଂ ହର ହର ହନୁମନ୍ ପାପଜାଲଂ ମଦୀୟଂ
ତ୍ଵତ୍ସେଵୈକୋପୟୁକ୍ତାଂ ଶ୍ରିୟମପି ଦିଶ ମେ ୟୋଗ୍ୟତାଂ ନାତିଲଙ୍ଘ୍ୟ ।
ଭୂୟୋ ଵୃଦ୍ଧିର୍ୟଥା ସ୍ୟାତ୍ତଵ ପଦୟୁଗଲଦ୍ଵନ୍ଦ୍ଵଭକ୍ତେରଜସ୍ରଂ
ନର୍ତେ ତ୍ଵାଂ ମେ ଗତିଃ ସ୍ୟାଦିତି ଧୃତମନସା ପାଲୟ ସ୍ଵପ୍ରପନ୍ନମ୍ ॥ ୭ ॥
ଇଷ୍ଟାନିଷ୍ଟାପ୍ତିନାଶପ୍ରକଟିତନିଜସଦ୍ଭକ୍ତିଵର୍ଗାତ୍ମଶକ୍ତିଃ
ସ୍ଵସ୍ଵାନ୍ତଧ୍ୟାତସୀତାରମଣସୁଚରଣୋ ମୁକ୍ତିଵିଘ୍ନେଭସିଂହଃ ।
ସ୍ମୃତ୍ୟାଶେଷାଘହର୍ତାଭିଲଷିତଫଲଦଃ ଶେଷରୁଦ୍ରାଦିଵନ୍ଦ୍ୟଃ
ପାୟାଦ୍ଭୋଗାପୁରେଶଶ୍ଚରଣସୁରଶିରୋରତ୍ନମସ୍ମାନ୍ ସୁଦୀନାନ୍ ॥ ୮ ॥
ଶ୍ରୀମଦ୍ଭୋଗାପୁରେଶସ୍ତୁତିମିତି କୃତଵାନ୍ ଭକ୍ତିପୂତାନ୍ତରାତ୍ମା
ପ୍ରାଣଶ୍ଲୋକାଷ୍ଟକେନ ତ୍ରିଦଶମୁନିସମାଦିଷ୍ଟମନ୍ତ୍ରାଙ୍ଗଜନ୍ମା ।
ୟସ୍ତାଂ ଭକ୍ତ୍ୟା ସମେତଃ ଶୁଚିରିହ ପଠତେ ନିତ୍ୟମସ୍ୟାଖିଲେଷ୍ଟଂ
ଦତ୍ଵାନିଷ୍ଟଂ ଚ ହନ୍ତି ପ୍ରଥିତସୁମହିମା ପ୍ରାଣିଵୃନ୍ଦପ୍ରଣେତା ॥ ୯ ॥
ଇତି ଶ୍ରୀଭୋଗାପୁରେଶାଷ୍ଟକମ୍ ।
– Chant Stotra in Other Languages –
Sri Bhogapuresha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil