॥ Sri Bhramaramba Ashtakam Odia Lyrics ॥
॥ ଭ୍ରମରାମ୍ବାଷ୍ଟକମ୍ ଅଥଵା ଶ୍ରୀମାତୃସ୍ତଵଃ ॥
ଚାଞ୍ଚଲ୍ୟାରୁଣଲୋଚନାଞ୍ଚିତକୃପାଚନ୍ଦ୍ରାର୍କଚୂଡାମଣିଂ
ଚାରୁସ୍ମେରମୁଖାଂ ଚରାଚରଜଗତ୍ସଂରକ୍ଷଣୀଂ ତତ୍ପଦାମ୍ ।
ଚଞ୍ଚ୍ଚମ୍ପକନାସିକାଗ୍ରଵିଲସନ୍ମୁକ୍ତାମଣୀରଞ୍ଜିତାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୧ ॥
କସ୍ତୂରୀତିଲକାଞ୍ଚିତେନ୍ଦୁଵିଲସତ୍ପ୍ରୋଦ୍ଭାସିଫାଲସ୍ଥଲୀଂ
କର୍ପୂରଦ୍ରାଵମିକ୍ଷଚୂର୍ଣଖଦିରାମୋଦୋଲ୍ଲସଦ୍ଵୀଟିକାମ୍ ।
ଲୋଲାପାଙ୍ଗତରଙ୍ଗିତୈରଧିକୃପାସାରୈର୍ନତାନନ୍ଦିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୨ ॥
ରାଜନ୍ମତ୍ତମରାଲମନ୍ଦଗମନାଂ ରାଜୀଵପତ୍ରେକ୍ଷଣାଂ
ରାଜୀଵପ୍ରଭଵାଦିଦେଵମକୁଟୈ ରାଜତ୍ପଦାମ୍ଭୋରୁହାମ୍ ।
ରାଜୀଵାୟତମନ୍ଦମଣ୍ଡିତକୁଚାଂ ରାଜାଧିରାଜେଶ୍ଵରୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୩ ॥
ଷଟ୍ତାରାଂ ଗଣଦୀପିକାଂ ଶିଵସତୀଂ ଷଡ୍ଵୈରିଵର୍ଗାପହାଂ
ଷଟ୍ଚକ୍ରାନ୍ତରସଂସ୍ଥିତାଂ ଵରସୁଧାଂ ଷଡ୍ୟୋଗିନୀଵେଷ୍ଟିତାମ୍ ।
ଷଟ୍ଚକ୍ରାଞ୍ଚିତପାଦୁକାଞ୍ଚିତପଦାଂ ଷଡ୍ଭାଵଗାଂ ଷୋଡଶୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୪ ॥
ଶ୍ରୀନାଥାଦୃତପାଲିତାତ୍ରିଭୁଵନାଂ ଶ୍ରିଚକ୍ରସଂଚାରିଣୀଂ
ଜ୍ଞାନାସକ୍ତମନୋଜୟୌଵନଲସଦ୍ଗନ୍ଧର୍ଵକନ୍ୟାଦୃତାମ୍ ।
ଦୀନାନାମାତିଵେଲଭାଗ୍ୟଜନନୀଂ ଦିଵ୍ୟାମ୍ବରାଲଂକୃତାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୫ ॥
ଲାଵଣ୍ୟାଧିକଭୂଷିତାଙ୍ଗଲତିକାଂ ଲାକ୍ଷାଲସଦ୍ରାଗିଣୀଂ
ସେଵାୟାତସମସ୍ତଦେଵଵନିତାଂ ସୀମନ୍ତଭୂଷାନ୍ଵିତାମ୍ ।
ଭାଵୋଲ୍ଲାସଵଶୀକୃତପ୍ରିୟତମାଂ ଭଣ୍ଡାସୁରଚ୍ଛେଦିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୬ ॥
ଧନ୍ୟାଂ ସୋମଵିଭାଵନୀୟଚରିତାଂ ଧାରାଧରଶ୍ୟାମଲାଂ
ମୁନ୍ୟାରାଧନମେଧିନୀଂ ସୁମଵତାଂ ମୁକ୍ତିପ୍ରଦାନଵ୍ରତାମ୍ ।
କନ୍ୟାପୂଜନପୁପ୍ରସନ୍ନହୃଦୟାଂ କାଞ୍ଚୀଲସନ୍ମଧ୍ୟମାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୭ ॥
କର୍ପୂରାଗରୁକୁଙ୍କୁମାଙ୍କିତକୁଚାଂ କର୍ପୂରଵର୍ଣସ୍ଥିତାଂ
କୃଷ୍ଟୋତ୍କୃଷ୍ଟସୁକୃଷ୍ଟକର୍ମଦହନାଂ କାମେଶ୍ଵରୀଂ କାମିନୀମ୍ ।
କାମାକ୍ଷୀଂ କରୁଣାରସାର୍ଦ୍ରହୃଦୟାଂ କଲ୍ପାନ୍ତରସ୍ଥାୟିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୮ ॥
ଗାୟତ୍ରୀଂ ଗରୁଡଧ୍ଵଜାଂ ଗଗନଗାଂ ଗାନ୍ଧର୍ଵଗାନପ୍ରିୟାଂ
ଗମ୍ଭୀରାଂ ଗଜଗାମିନୀଂ ଗିରିସୁତାଂ ଗନ୍ଧାକ୍ଷତାଲଂକୃତାମ୍ ।
ଗଙ୍ଗାଗୌତ୍ମଗର୍ଗସଂନୁତପଦାଂ ଗାଂ ଗୌତମୀଂ ଗୋମତୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵୟେ ॥ ୯ ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗଵତଃ କୃତୌ
ଭ୍ରମରାମ୍ବାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Goddess Durga Slokam » Sri Bhramaramba Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil