॥ Sri Dinabandhvashtakam Bengali Lyrics ॥
॥ শ্রীদীনবন্ধ্বষ্টকম্ ॥
য়স্মাদিদং জগদুদেতি চতুর্মুখাদ্যং য়স্মিন্নবস্থিতমশেষমশেষমূলে ।
য়ত্রোপয়াতি বিলয়ং চ সমস্তমন্তে দৃগ্গোচরো ভবতু মেঽদ্য স দীনবন্ধুঃ ॥ ১ ॥
চক্রং সহস্রকরচারু করারবিন্দে গুর্বী গদা দরবরশ্চ বিভাতি য়স্য ।
পক্ষীন্দ্রপৃষ্ঠপরিরোপিতপাদপদ্মো দৃগ্গোচরো ভবতু মেঽদ্য স দীনবন্ধুঃ ॥ ২ ॥
য়েনোদ্ধৃতা বসুমতী সলিলে নিমগ্না নগ্না চ পাণ্ডববধূঃ স্থগিতা দুকূলৈঃ ।
সম্মোচিতো জলচরস্য মুখাদ্গজেন্দ্রো দৃগ্গোচরো ভবতু মেঽদ্য স দীনবন্ধুঃ ॥ ৩ ॥
য়স্যার্দ্রদৃষ্টিবশতস্তু সুরাঃ সমৃদ্ধিম্ কোপেক্ষণেন দনুজা বিলয়ং ব্রজন্তি ।
ভীতাশ্চরন্তি চ য়তোঽর্কয়মানিলাদ্যাঃ দৃগ্গোচরো ভবতু মেঽদ্য স দীনবন্ধুঃ ॥ ৪ ॥
গায়ন্তি সামকুশলা য়মজং মখেষু ধ্যায়ন্তি ধীরমতয়ো য়তয়ো বিবিক্তে ।
পশ্যন্তি য়োগিপুরুষাঃ পুরুষং শরীরে দৃগ্গোচরো ভবতু মেঽদ্য স দীনবন্ধুঃ ॥ ৫ ॥
আকাররূপগুণয়োগবিবর্জিতোঽপি ভক্তানুকম্পননিমিত্তগৃহীতমূর্তিঃ ।
য়ঃ সর্বগোঽপি কৃতশেষশরীরশয়্যো দৃগ্গোচরো ভবতু মেঽদ্য স দীনবন্ধুঃ ॥ ৬ ॥
য়স্যাঙ্ঘ্রিপঙ্কজমনিদ্রমুনীন্দ্রবৃন্দৈ- রারাধ্যতে ভবদবানলদাহশান্ত্যৈ ।
সর্বাপরাধমবিচিন্ত্য মমাখিলাত্মা দৃগ্গোচরো ভবতু মেঽদ্য স দীনবন্ধুঃ ॥ ৭ ॥
য়ন্নামকীর্তনপরঃ শ্বপচোঽপি নূনং হিত্বাখিলং কলিমলং ভুবনং পুনাতি ।
দগ্ধ্বা মমাঘমখিলং করুণেক্ষণেন দৃগ্গোচরো ভবতু মেঽদ্য স দীনবন্ধুঃ ॥ ৮ ॥
দীনবন্ধ্বষ্টকং পুণ্যং ব্রহ্মানন্দেন ভাষিতম্ ।
য়ঃ পঠেত্ প্রয়তো নিত্যং তস্য বিষ্ণুঃ প্রসীদতি ॥ ৯ ॥
ইতি শ্রীপরমহংসস্বামিব্রহ্মানন্দবিরচিতং শ্রীদীনবন্ধ্বষ্টকং সম্পূর্ণম্॥
– Chant Stotra in Other Languages –
Sri Dinabandhvashtakam Lyrics in Sanskrit » English » Gujarati » Kannada » Malayalam » Odia » Telugu » Tamil