॥ Sri Dinabandhvashtakam Odia Lyrics ॥
॥ ଶ୍ରୀଦୀନବନ୍ଧ୍ଵଷ୍ଟକମ୍ ॥
ୟସ୍ମାଦିଦଂ ଜଗଦୁଦେତି ଚତୁର୍ମୁଖାଦ୍ୟଂ ୟସ୍ମିନ୍ନଵସ୍ଥିତମଶେଷମଶେଷମୂଲେ ।
ୟତ୍ରୋପୟାତି ଵିଲୟଂ ଚ ସମସ୍ତମନ୍ତେ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୧ ॥
ଚକ୍ରଂ ସହସ୍ରକରଚାରୁ କରାରଵିନ୍ଦେ ଗୁର୍ଵୀ ଗଦା ଦରଵରଶ୍ଚ ଵିଭାତି ୟସ୍ୟ ।
ପକ୍ଷୀନ୍ଦ୍ରପୃଷ୍ଠପରିରୋପିତପାଦପଦ୍ମୋ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୨ ॥
ୟେନୋଦ୍ଧୃତା ଵସୁମତୀ ସଲିଲେ ନିମଗ୍ନା ନଗ୍ନା ଚ ପାଣ୍ଡଵଵଧୂଃ ସ୍ଥଗିତା ଦୁକୂଲୈଃ ।
ସମ୍ମୋଚିତୋ ଜଲଚରସ୍ୟ ମୁଖାଦ୍ଗଜେନ୍ଦ୍ରୋ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୩ ॥
ୟସ୍ୟାର୍ଦ୍ରଦୃଷ୍ଟିଵଶତସ୍ତୁ ସୁରାଃ ସମୃଦ୍ଧିମ୍ କୋପେକ୍ଷଣେନ ଦନୁଜା ଵିଲୟଂ ଵ୍ରଜନ୍ତି ।
ଭୀତାଶ୍ଚରନ୍ତି ଚ ୟତୋଽର୍କୟମାନିଲାଦ୍ୟାଃ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୪ ॥
ଗାୟନ୍ତି ସାମକୁଶଲା ୟମଜଂ ମଖେଷୁ ଧ୍ୟାୟନ୍ତି ଧୀରମତୟୋ ୟତୟୋ ଵିଵିକ୍ତେ ।
ପଶ୍ୟନ୍ତି ୟୋଗିପୁରୁଷାଃ ପୁରୁଷଂ ଶରୀରେ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୫ ॥
ଆକାରରୂପଗୁଣୟୋଗଵିଵର୍ଜିତୋଽପି ଭକ୍ତାନୁକମ୍ପନନିମିତ୍ତଗୃହୀତମୂର୍ତିଃ ।
ୟଃ ସର୍ଵଗୋଽପି କୃତଶେଷଶରୀରଶୟ୍ୟୋ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୬ ॥
ୟସ୍ୟାଙ୍ଘ୍ରିପଙ୍କଜମନିଦ୍ରମୁନୀନ୍ଦ୍ରଵୃନ୍ଦୈ- ରାରାଧ୍ୟତେ ଭଵଦଵାନଲଦାହଶାନ୍ତ୍ୟୈ ।
ସର୍ଵାପରାଧମଵିଚିନ୍ତ୍ୟ ମମାଖିଲାତ୍ମା ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୭ ॥
ୟନ୍ନାମକୀର୍ତନପରଃ ଶ୍ଵପଚୋଽପି ନୂନଂ ହିତ୍ଵାଖିଲଂ କଲିମଲଂ ଭୁଵନଂ ପୁନାତି ।
ଦଗ୍ଧ୍ଵା ମମାଘମଖିଲଂ କରୁଣେକ୍ଷଣେନ ଦୃଗ୍ଗୋଚରୋ ଭଵତୁ ମେଽଦ୍ୟ ସ ଦୀନବନ୍ଧୁଃ ॥ ୮ ॥
ଦୀନବନ୍ଧ୍ଵଷ୍ଟକଂ ପୁଣ୍ୟଂ ବ୍ରହ୍ମାନନ୍ଦେନ ଭାଷିତମ୍ ।
ୟଃ ପଠେତ୍ ପ୍ରୟତୋ ନିତ୍ୟଂ ତସ୍ୟ ଵିଷ୍ଣୁଃ ପ୍ରସୀଦତି ॥ ୯ ॥
ଇତି ଶ୍ରୀପରମହଂସସ୍ଵାମିବ୍ରହ୍ମାନନ୍ଦଵିରଚିତଂ ଶ୍ରୀଦୀନବନ୍ଧ୍ଵଷ୍ଟକଂ ସମ୍ପୂର୍ଣମ୍॥
– Chant Stotra in Other Languages –
Sri Dinabandhvashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil