॥ Sri Durga Apaduddharaka Ashtakam Bengali Lyrics ॥
॥ শ্রীদুর্গা আপদুদ্ধারাষ্টকম্ অথবা দুর্গাপদুদ্ধারস্তোত্রম্ ॥
দুর্গাপদুদ্ধারস্তবরাজঃ
নমস্তে শরণ্যে শিবে সানুকম্পে নমস্তে জগদ্ব্যাপিকে বিশ্বরূপে ।
নমস্তে জগদ্বন্দ্যপাদারবিন্দে নমস্তে জগত্তারিণি ত্রাহি দুর্গে ॥ ১ ॥
নমস্তে জগচ্চিন্ত্যমানস্বরূপে নমস্তে মহায়োগিবিজ্ঞানরূপে ।
নমস্তে নমস্তে সদানন্দ রূপে নমস্তে জগত্তারিণি ত্রাহি দুর্গে ॥ ২ ॥
অনাথস্য দীনস্য তৃষ্ণাতুরস্য ভয়ার্তস্য ভীতস্য বদ্ধস্য জন্তোঃ ।
ত্বমেকা গতির্দেবি নিস্তারকর্ত্রী নমস্তে জগত্তারিণি ত্রাহি দুর্গে ॥ ৩ ॥
অরণ্যে রণে দারুণে শুত্রুমধ্যে জলে সঙ্কটে রাজগ্রেহে প্রবাতে ।
ত্বমেকা গতির্দেবি নিস্তার হেতুর্নমস্তে জগত্তারিণি ত্রাহি দুর্গে ॥ ৪ ॥
অপারে মহদুস্তরেঽত্যন্তঘোরে বিপত্ সাগরে মজ্জতাং দেহভাজাম্ ।
ত্বমেকা গতির্দেবি নিস্তারনৌকা নমস্তে জগত্তারিণি ত্রাহি দুর্গে ॥ ৫ ॥
নমশ্চণ্ডিকে চণ্ডোর্দণ্ডলীলাসমুত্খণ্ডিতা খণ্ডলাশেষশত্রোঃ ।
ত্বমেকা গতির্বিঘ্নসন্দোহহর্ত্রী নমস্তে জগত্তারিণি ত্রাহি দুর্গে ॥ ৬ ॥
ত্বমেকা সদারাধিতা সত্যবাদিন্যনেকাখিলা ক্রোধনা ক্রোধনিষ্ঠা ।
ইডা পিঙ্গলা ত্বং সুষুম্না চ নাডী নমস্তে জগত্তারিণি ত্রাহি দুর্গে ॥ ৭ ॥
নমো দেবি দুর্গে শিবে ভীমনাদে সদাসর্বসিদ্ধিপ্রদাতৃস্বরূপে ।
বিভূতিঃ সতাং কালরাত্রিস্বরূপে নমস্তে জগত্তারিণি ত্রাহি দুর্গে ॥ ৮ ॥
শরণমসি সুরাণাং সিদ্ধবিদ্যাধরাণাং
মুনিমনুজপশূনাং দস্যভিস্ত্রাসিতানাম্ ।
নৃপতিগৃহগতানাং ব্যাধিভিঃ পীডিতানাং
ত্বমসি শরণমেকা দেবি দুর্গে প্রসীদ ॥ ৯ ॥
ইদং স্তোত্রং ময়া প্রোক্তমাপদুদ্ধারহেতুকম্ ।
ত্রিসন্ধ্যমেকসন্ধ্যং বা পঠনাদ্ধোরসঙ্কটাত্ ॥ ১০ ॥
মুচ্যতে নাত্র সন্দেহো ভুবি স্বর্গে রসাতলে ।
সর্বং বা শ্লোকমেকং বা য়ঃ পঠেদ্ভক্তিমান্ সদা ॥ ১১ ॥
স সর্ব দুষ্কৃতং ত্যক্ত্বা প্রাপ্নোতি পরমং পদম্ ।
পঠনাদস্য দেবেশি কিং ন সিদ্ধ্যতি ভূতলে ॥ ১২ ॥
স্তবরাজমিদং দেবি সঙ্ক্ষেপাত্কথিতং ময়া ॥ ১৩ ॥
ইতি শ্রীসিদ্ধেশ্বরীতন্ত্রে উমামহেশ্বরসংবাদে শ্রীদুর্গাপদুদ্ধারস্তোত্রম্ ॥ var হরগৌরীসংবাদে আপদুদ্ধারাষ্টকস্তোত্রং
– Chant Stotra in Other Languages –
Sri Durga Slokam » Sri Durga Apaduddharaka Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil