॥ Ganesha Gita Sara Stotram Bengali Lyrics ॥
॥ শ্রীগণেশগীতাসারস্তোত্রম্ ॥
শ্রী গণেশায় নমঃ ।
শিব উবাচ ।
গণেশবচনং শ্রুৎবা প্রণতা ভক্তিভাবতঃ ।
পপ্রচ্ছুস্তং পুনঃ শান্তা জ্ঞানং ব্রূহি গজানন ॥ ১॥
গণেশ উবাচ ।
দেহশ্চতুর্বিধঃ প্রোক্তস্ত্বংপদং ব্রহ্মভিন্নতঃ ।
সোঽহং দেহি চতুর্ধা তৎপদং ব্রহ্ম সদৈকতঃ ॥ ২॥
সংয়োগ উভয়োর্যচ্চাসিপদং ব্রহ্ম কথ্যতে ।
স্বত উত্থানকং দেবা বিকল্পকরণাত্রিধা ॥ ৩॥
সদা স্বসুখনিষ্ঠং যদ্ব্রহ্ম সাংখ্যং প্রকীর্তিতম্ ।
পরতশ্চোত্থানকং তৎ ক্রীডাহীনতয়া পরম্ ॥ ৪॥
স্বতঃ পরত উত্থানহীনং যদ্ব্রহ্ম কথ্যতে ।
স্বানন্দঃ সকলাভেদরূপঃ সংয়োগকারকঃ ॥ ৫॥
তদেব পঞ্চধা জাতং তন্নিবোধত ঈশ্বরাঃ ।
স্বতশ্চ পরতো ব্রহ্মোত্থানং যত্রিবিধং স্মৃতম্ ॥ ৬॥
ব্রহ্মণো নাম তদ্বেদে কথ্যতে ভিন্নভাবতঃ ।
তয়োরনুভবো যশ্চ যোগিনাং হৃদি জায়তে ॥ ৭॥
রূপং তদেব জ্ঞাতব্যমসদ্বেদেষু কথ্যতে ।
সা শক্তিরিয়মাখ্যাতা ব্রহ্মরূপা হ্যসন্ময়ী ॥ ৮॥
তত্রামৃতময়াধারঃ সূর্য আত্মা প্রকথ্যতে ।
শক্তিসূর্যময়ো বিষ্ণুশ্চিদানন্দাত্মকো হি সঃ ॥ ৯॥
ত্রিবিধেষু তদাকারস্তৎক্রিয়াহীনরূপকঃ ।
নেতি শিবশ্চতুর্থোঽয়ং ত্রিনেতি কারকাৎপরঃ ॥ ১০॥
ত্রিবিধং মোহমাত্রং যন্নির্মোহস্তু সদাশিবঃ ।
তেষামভেদে যদ্ব্রহ্ম স্বানন্দঃ সর্বয়োগকঃ ॥ ১১॥
পঞ্চানাং ব্রহ্মণাং যচ্চ বিম্বং মায়াময়ং স্মৃতম্ ।
ব্রহ্মা তদেব বিজ্ঞেয়ঃ সর্বাদিঃ সর্বভাবতঃ ॥ ১২॥
বিম্বেন সকলং সৃষ্টং তেনায়ং প্রপিতামহঃ ।
অসৎসৎসদসচ্চেতি স্বানন্দরূপা বয়ং স্মৃতাঃ ॥ ১৩॥
স্বানন্দাদ্যৎপরং ব্রহ্ময়োগাখ্যং ব্রহ্মণাং ভবেৎ ।
কেষামপি প্রবেশো ন তত্র তস্যাপি কুত্রচিৎ ॥ ১৪॥
মদীয়ং দর্শনং তত্র যোগেন যোগিনাং ভবেৎ ।
স্বানন্দে দর্শনং প্রাপ্তং স্বসংবেদ্যাত্মকং চ মে ॥ ১৫॥
তেন স্বানন্দ আসীনং বেদেষু প্রবদন্তি মাম্ ।
চতুর্ণাং ব্রহ্মণাং যোগাৎসংয়োগাভেদয়োগতঃ ॥ ১৬॥
সংয়োগশ্চ হ্যযোগশ্চ তয়োঃ পরতয়োর্মতঃ ।
পূর্ণশান্তিপ্রদো যোগশ্চিত্তবৃত্তিনিরোধতঃ ॥ ১৭॥
ক্ষিপ্তং মূঢং চ বিক্ষিপ্তমেকাগ্রং চ নিরোধকং ।
পঞ্চভূমিময়ং চিত্তং তত্র চিন্তামণিঃ স্থিতঃ ॥ ১৮॥
পঞ্চভূতনিরোধেন প্রাপ্যতে যোগিভির্হৃদি ।
শান্তিরূপাত্ময়োগেন ততঃ শান্তির্মদাত্মিকা ॥ ১৯॥
এতদ্যোগাত্মকং জ্ঞানং গাণেশং কথিতং ময়া ।
নিত্যং যুঞ্জন্ত যোগেন নৈব মোহং প্রগচ্ছত ॥ ২০॥
চিত্তরূপা স্বয়ং বুদ্ধিঃ সিদ্ধির্মোহময়ী স্মৃতা ।
নানাব্রহ্মবিভেদেন তাভ্যাং ক্রীডতি তৎপতিঃ ॥ ২১॥
ত্যক্ত্বা চিন্তাভিমানং যে গণেশোঽহংসমাধিনা ।
ভবিষ্যথ ভবন্তোঽপি মদ্রূপা মোহবর্জিতাঃ ॥ ২২॥
শিব উবাচ ।
ইত্যুক্ত্বা বিররামাথ গণেশো ভক্তবৎসলঃ ।
তেঽপি ভেদং পরিত্যজ্য শান্তিং প্রাপ্তাশ্চ তৎক্ষণাৎ ॥ ২৩॥
একবিংশতিশ্লোকৈস্তৈর্গণেশেন প্রকীর্তিতম্ ।
গীতাসারং সুশান্তেভ্যঃ শান্তিদং যোগসাধনৈঃ ॥ ২৪॥
গণেশগীতাসারং চ যঃ পঠিষ্যতি ভাবতঃ ।
শ্রোষ্যতি শ্রদ্দধানশ্চেদ্ব্রহ্মভূতসমো ভবেৎ ॥ ২৫॥
ইহ ভুক্ত্বাঽখিলান্ভোগানন্তে যোগময়ো ভবেৎ ।
দর্শনাত্তস্য লোকানাং সর্বপাপং লয়ং ব্রজেৎ ॥ ২৬॥
ইতি মুদ্গলপুরাণোক্তং গণেশগীতাসারস্তোত্রং সমাপ্তম্ ।
– Chant Stotra in Other Languages –
Sri Ganesha Gita Sara Stotram in Sanskrit – English – Bengali – Gujarati – Kannada – Malayalam – Odia – Telugu – Tamil