Ganesha Namashtaka Stotram from Brahmanda Purana 2.42
॥ Sri Ganesha Namashtaka Stotram Bengali Lyrics ॥
॥ শ্রীগণেশনামাষ্টকস্তোত্রং ॥
শ্রীকৃষ্ণ উবাচ –
শ্রুণু দেবি মহাভাগে বেদোক্তং বচনং মম ।
য়চ্ছ্রুত্বা হর্ষিতা নূনং ভবিষ্যসি ন সংশয়ঃ ।
বিনায়কস্তে তনয়ো মহাত্মা মহতাং মহান্ ॥
য়ং কামঃ ক্রোধ উদ্বেগো ভয়ং নাবিশতে কদা ।
বেদস্মৃতিপুরাণেষু সংহিতাসু চ ভামিনি ॥
নামান্যস্যোপদিষ্টানি সুপুণ্যানি মহাত্মভিঃ ।
য়ানি তানি প্রবক্ষ্যামি নিখিলাঘহরাণি চ ॥
প্রমথানাং গণা য়ৈ চ নানারূপা মহাবলাঃ ।
তেষামীশস্ত্বয়ং য়স্মাদ্গণেশস্তেন কীর্ত্তিতঃ ॥ ১ ॥ গণেশঃ
ভূতানি চ ভবিষ্যাণি বর্তমানানি য়ানি চ ।
ব্রহ্মাণ্ডান্যখিলান্যেব য়স্মিংল্লম্বোদরঃ স তু ॥ ২ ॥ লম্বোদরঃ
য়ঃ শিরো দেবয়োগেন ছিন্নং সংয়োজিতং পুনঃ ।
গজস্য শিরসা দেবি তেন প্রোক্তো গজাননঃ ॥ ৩ ॥ গজানন
চতুর্থ্যামুদিতশ্চন্দ্রো দর্ভিণা শপ্ত আতুরঃ ।
অনেন বিধৃতো ভালে ভালচন্দ্রস্ততঃ স্মৃতঃ ॥ ৪ ॥ ততোঽভবত্ ভালচন্দ্রঃ
শপ্তঃ পুরা সপ্তভিস্তু মুনিভিঃ সঙ্ক্ষয়ং গতঃ ।
জাতবেদা দীপিতোঽভূদ্যেনাসৌ শূর্পকর্ণকঃ ॥ ৫ ॥ শূর্পকর্ণঃ
পুরা দেবাসুরে য়ুদ্ধে পূজিতো দিবিষদ্গণৈঃ ।
বিঘ্নং নিবারয়ামাস বিঘ্ননাশস্ততঃ স্মৃতঃ ॥ ৬ ॥ বিঘ্ননাশঃ
অদ্যায়ং দেবি রামেণ কুঠারেণ নিপাত্য চ ।
দশনং দৈবতো ভদ্রে হ্যেকদন্তঃ কৃতোঽমুনা ॥ ৭ ॥ একদন্তঃ
ভবিষ্যত্যথ পর্যায়ে ব্রহ্মণো হরবল্লভঃ ।
বক্রীভবিষ্যত্তুণ্ডত্বাদ্বক্রতুণ্ডঃ স্মৃতো বুধৈঃ ॥ ৮ ॥ বক্রতুণ্ডঃ
এবং তবাস্য পুত্রস্য সন্তি নামানি পার্বতী ।
স্মরণাত্পাপহারীণি ত্রিকালানুগতান্যপি ॥ ৯ ॥
অস্মাত্ত্রয়োদশীকল্পাত্পূর্বস্মিন্দশমীভবে ।
ময়াস্মৈ তু বরো দত্তঃ সর্গদেবাগ্রপূজনে ॥ ১০ ॥
জাতকর্মাদিসংস্কারে গর্ভাধানাদিকেঽপি চ ।
য়াত্রায়াং চ বণিজ্যাদৌ য়ুদ্ধে দেবার্চনে শুভে ॥ ১১ ॥
সঙ্কষ্টে কাম্যসিদ্ধ্যর্থং পূজয়েদ্যো গজাননম্ ।
তস্য সর্বাণি কার্যাণি সিদ্ধ্যন্ত্যেব ন সংশয়ঃ ॥ ১২ ॥
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয়
উপোদ্ধাতপাদে ভার্গবচরিতে দ্বিচত্বারিংশত্তমোঽধ্যায়ান্তর্গতং
শ্রীকৃষ্ণপ্রোক্তং শ্রীগণেশনামাষ্টকস্তোত্রং সম্পূর্ণম্ ॥ ৪২ ॥
– Chant Stotra in Other Languages –
Sri Ganesha Stotram » Sri Ganesha Namashtaka Stotram in Sanskrit » English » Gujarati » Kannada » Malayalam » Odia » Telugu » Tamil