Ganesha Namashtaka Stotram from Brahmanda Purana 2.42
॥ Sri Ganesha Namashtaka Stotram odia Lyrics ॥
॥ ଶ୍ରୀଗଣେଶନାମାଷ୍ଟକସ୍ତୋତ୍ରଂ ॥
ଶ୍ରୀକୃଷ୍ଣ ଉଵାଚ –
ଶ୍ରୁଣୁ ଦେଵି ମହାଭାଗେ ଵେଦୋକ୍ତଂ ଵଚନଂ ମମ ।
ୟଚ୍ଛ୍ରୁତ୍ଵା ହର୍ଷିତା ନୂନଂ ଭଵିଷ୍ୟସି ନ ସଂଶୟଃ ।
ଵିନାୟକସ୍ତେ ତନୟୋ ମହାତ୍ମା ମହତାଂ ମହାନ୍ ॥
ୟଂ କାମଃ କ୍ରୋଧ ଉଦ୍ଵେଗୋ ଭୟଂ ନାଵିଶତେ କଦା ।
ଵେଦସ୍ମୃତିପୁରାଣେଷୁ ସଂହିତାସୁ ଚ ଭାମିନି ॥
ନାମାନ୍ୟସ୍ୟୋପଦିଷ୍ଟାନି ସୁପୁଣ୍ୟାନି ମହାତ୍ମଭିଃ ।
ୟାନି ତାନି ପ୍ରଵକ୍ଷ୍ୟାମି ନିଖିଲାଘହରାଣି ଚ ॥
ପ୍ରମଥାନାଂ ଗଣା ୟୈ ଚ ନାନାରୂପା ମହାବଲାଃ ।
ତେଷାମୀଶସ୍ତ୍ଵୟଂ ୟସ୍ମାଦ୍ଗଣେଶସ୍ତେନ କୀର୍ତ୍ତିତଃ ॥ ୧ ॥ ଗଣେଶଃ
ଭୂତାନି ଚ ଭଵିଷ୍ୟାଣି ଵର୍ତମାନାନି ୟାନି ଚ ।
ବ୍ରହ୍ମାଣ୍ଡାନ୍ୟଖିଲାନ୍ୟେଵ ୟସ୍ମିଂଲ୍ଲମ୍ବୋଦରଃ ସ ତୁ ॥ ୨ ॥ ଲମ୍ବୋଦରଃ
ୟଃ ଶିରୋ ଦେଵୟୋଗେନ ଛିନ୍ନଂ ସଂୟୋଜିତଂ ପୁନଃ ।
ଗଜସ୍ୟ ଶିରସା ଦେଵି ତେନ ପ୍ରୋକ୍ତୋ ଗଜାନନଃ ॥ ୩ ॥ ଗଜାନନ
ଚତୁର୍ଥ୍ୟାମୁଦିତଶ୍ଚନ୍ଦ୍ରୋ ଦର୍ଭିଣା ଶପ୍ତ ଆତୁରଃ ।
ଅନେନ ଵିଧୃତୋ ଭାଲେ ଭାଲଚନ୍ଦ୍ରସ୍ତତଃ ସ୍ମୃତଃ ॥ ୪ ॥ ତତୋଽଭଵତ୍ ଭାଲଚନ୍ଦ୍ରଃ
ଶପ୍ତଃ ପୁରା ସପ୍ତଭିସ୍ତୁ ମୁନିଭିଃ ସଙ୍କ୍ଷୟଂ ଗତଃ ।
ଜାତଵେଦା ଦୀପିତୋଽଭୂଦ୍ୟେନାସୌ ଶୂର୍ପକର୍ଣକଃ ॥ ୫ ॥ ଶୂର୍ପକର୍ଣଃ
ପୁରା ଦେଵାସୁରେ ୟୁଦ୍ଧେ ପୂଜିତୋ ଦିଵିଷଦ୍ଗଣୈଃ ।
ଵିଘ୍ନଂ ନିଵାରୟାମାସ ଵିଘ୍ନନାଶସ୍ତତଃ ସ୍ମୃତଃ ॥ ୬ ॥ ଵିଘ୍ନନାଶଃ
ଅଦ୍ୟାୟଂ ଦେଵି ରାମେଣ କୁଠାରେଣ ନିପାତ୍ୟ ଚ ।
ଦଶନଂ ଦୈଵତୋ ଭଦ୍ରେ ହ୍ୟେକଦନ୍ତଃ କୃତୋଽମୁନା ॥ ୭ ॥ ଏକଦନ୍ତଃ
ଭଵିଷ୍ୟତ୍ୟଥ ପର୍ୟାୟେ ବ୍ରହ୍ମଣୋ ହରଵଲ୍ଲଭଃ ।
ଵକ୍ରୀଭଵିଷ୍ୟତ୍ତୁଣ୍ଡତ୍ଵାଦ୍ଵକ୍ରତୁଣ୍ଡଃ ସ୍ମୃତୋ ବୁଧୈଃ ॥ ୮ ॥ ଵକ୍ରତୁଣ୍ଡଃ
ଏଵଂ ତଵାସ୍ୟ ପୁତ୍ରସ୍ୟ ସନ୍ତି ନାମାନି ପାର୍ଵତୀ ।
ସ୍ମରଣାତ୍ପାପହାରୀଣି ତ୍ରିକାଲାନୁଗତାନ୍ୟପି ॥ ୯ ॥
ଅସ୍ମାତ୍ତ୍ରୟୋଦଶୀକଲ୍ପାତ୍ପୂର୍ଵସ୍ମିନ୍ଦଶମୀଭଵେ ।
ମୟାସ୍ମୈ ତୁ ଵରୋ ଦତ୍ତଃ ସର୍ଗଦେଵାଗ୍ରପୂଜନେ ॥ ୧୦ ॥
ଜାତକର୍ମାଦିସଂସ୍କାରେ ଗର୍ଭାଧାନାଦିକେଽପି ଚ ।
ୟାତ୍ରାୟାଂ ଚ ଵଣିଜ୍ୟାଦୌ ୟୁଦ୍ଧେ ଦେଵାର୍ଚନେ ଶୁଭେ ॥ ୧୧ ॥
ସଙ୍କଷ୍ଟେ କାମ୍ୟସିଦ୍ଧ୍ୟର୍ଥଂ ପୂଜୟେଦ୍ୟୋ ଗଜାନନମ୍ ।
ତସ୍ୟ ସର୍ଵାଣି କାର୍ୟାଣି ସିଦ୍ଧ୍ୟନ୍ତ୍ୟେଵ ନ ସଂଶୟଃ ॥ ୧୨ ॥
ଇତି ଶ୍ରୀବ୍ରହ୍ମାଣ୍ଡେ ମହାପୁରାଣେ ଵାୟୁପ୍ରୋକ୍ତେ ମଧ୍ୟଭାଗେ ତୃତୀୟ
ଉପୋଦ୍ଧାତପାଦେ ଭାର୍ଗଵଚରିତେ ଦ୍ଵିଚତ୍ଵାରିଂଶତ୍ତମୋଽଧ୍ୟାୟାନ୍ତର୍ଗତଂ
ଶ୍ରୀକୃଷ୍ଣପ୍ରୋକ୍ତଂ ଶ୍ରୀଗଣେଶନାମାଷ୍ଟକସ୍ତୋତ୍ରଂ ସମ୍ପୂର୍ଣମ୍ ॥ ୪୨ ॥
– Chant Stotra in Other Languages –
Sri Ganesha Stotram » Sri Ganesha Namashtaka Stotram in Sanskrit » English » Bengali » Gujarati » Kannada » Malayalam » Telugu » Tamil