॥ Garva Pahar Ashtakam Odia Lyrics ॥
॥ ଶ୍ରୀଗର୍ଵାପହାରାଷ୍ଟକମ୍ ॥
ସ୍ଥୂଲଂ ଵିଲୋକ୍ୟ ଵପୁରାତ୍ମଭୁଵାଂ ସମୂହଂ
ଜାୟାଂ ଧନାନି କୁପଥେ ପତିତାନି ଭୂୟଃ ।
କିଂ ତୋଷମେଷି ମନସା ସକଲଂ ସମାପ୍ତେ
ପୁଣ୍ୟେ ଵୃଥା ତଵ ଭଵିଷ୍ୟତି ମୂଢବୁଦ୍ଧେ ॥ ୧ ॥
ଈଶଂ ଭଜାନ୍ଧ ଵିନିୟୁଙ୍କ୍ଷ୍ୟ ବନ୍ଧନାନି ତତ୍ର
ସାଧୂନ୍ସମର୍ଚ ପରିପୂଜୟ ଵିପ୍ରଵୃନ୍ଦମ୍ ।
ଦୀନାନ୍ ଦୟାୟୁତଦୃଶା ପରିପଶ୍ୟ ନିତ୍ୟମ୍
ନେୟଂ ଦଶା ତଵ ଦଶାନନତୋ ଵିଶିଷ୍ଟା ॥ ୨ ॥
ଧନାନି ସଙ୍ଗୃହ୍ୟ ନିଗୃହ୍ୟ ରସଂ ଵିଗୃହ୍ୟ ନିଗୃହ୍ୟ ଲୋକଂ ପରିଗୃହ୍ୟ ମୋହେ ।
ଦେହଂ ଵୃଥା ପୁଷ୍ଟମିମଂ ଵିଧାୟ ନ ସାଧଵୋ ମୂଢ ସଭାଜିତାଃ କିମ୍ ॥ ୩ ॥
ନ ନମ୍ରତା କୃଷ୍ଣଜନେଽତିକୃଷ୍ଣଧନେ ପରଂ ନୈଵ ଦୟାତିଦୀନେ ।
କୁଟୁମ୍ବପୋଷୈକମତେ ସଦା ନ ତେ ଵିଧେହି ବୁଦ୍ଧୌ ଚ ଵିମର୍ଷମନ୍ତଃ ॥ ୪ ॥
ନୈତେ ହୟା ନୈଵ ରଥା ନ ଚୋଷ୍ଟ୍ରା ନ ଵାରଣା ନେତରଵାହନାନି ।
ଵିହାୟ ଦେହଂ ସମୟେ ଗତେ ତେ ପରମ୍ପ୍ରପାତସ୍ୟ ତ ସାଧନାନି ॥ ୫ ॥
କୃଷ୍ଣସ୍ୟ ମାୟାମଵଗତ୍ୟ ମାୟା ସମୂଢତାନ୍ତଂ ହୃଦୟେ ଵିଧାୟ ।
ତଦର୍ଥମେଵାଖିଲଲୌକିକଂ ତେ ଵିଦେହିରେ ଵୈଦିକମପ୍ୟଶେଷମ୍ ॥ ୬ ॥
ଆୟୁଃ ପ୍ରୟାତି ନ ହି ୟାତି ସୁତାଦିରାତ୍ମା
ରାୟୋଽଖିଲା ଅପି ଵିହାୟ ମୃତଂ ଵ୍ରଜନ୍ତି ।
ଇତ୍ଥଂ ଵିଚିନ୍ତ୍ୟ ଵିଷୟେଷୁ ଵିସୃଜ୍ୟ ସକ୍ତିଂ
ଭକ୍ତିଂ ହରେଃ କୁରୁ ପରାଂ କରୁଣାର୍ଣଵସ୍ୟ ॥ ୭ ॥
ଵିଧାୟ ମହଦାଶ୍ରୟଂ ସମଵହାୟ ସକ୍ତିଂ ସୃତେ-
ର୍ନିଧାୟ ଚରଣାମ୍ବୁଜଂ ହୃଦି ହରେଃ ସୁଖଂ ସଂଵିଶ ।
କିମର୍ଥମତିଚଞ୍ଚଲଂ ପ୍ରକୁରୁଷେ ମନଃ ସମ୍ପଦୋ
ଵିଲୋକ୍ୟ ନ ହିତାଶ୍ଚଲାଃ ସୁଖୟିତୁଂ କ୍ଷମା ଦୁର୍ମଦ ॥ ୮ ॥
ଇତି ଶ୍ରୀହରିରାୟଗ୍ରଥିତଂ ଶ୍ରୀଗର୍ଵାପହାରାଷ୍ଟକଂ ସମାପ୍ତମ୍ ॥
– Chant Stotra in Other Languages –
Garvapaharashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil