॥ Sri Gopalashtakam Bengali Lyrics ॥
॥ শ্রীগোপালাষ্টকম্ ॥
শ্রী গণেশায় নমঃ ॥
য়স্মাদ্বিশ্বং জাতমিদং চিত্রমতর্ক্যং য়স্মিন্নানন্দাত্মনি নিত্যং রমতে বৈ ।
য়ত্রান্তে সংয়াতি লয়ং চৈতদশেষং তং গোপালং সন্ততকালং প্রতি বন্দে ॥ ১ ॥
য়স্যাজ্ঞানাজ্জন্মজরারোগকদম্বং জ্ঞাতে য়স্মিন্নশ্যতি তত্সর্বমিহাশু ।
গত্বা য়ত্রায়াতি পুনর্নো ভবভূমিং তং গোপালং সন্ততকালং প্রতি বন্দে ॥ ২ ॥
তিষ্ঠন্নন্তর্যো য়ময়ত্যেতদজস্রং য়ং কশ্চিন্নো বেদ জনোঽপ্যাত্মনি সন্তম্ ।
সর্বং য়স্যেদং চ বশে তিষ্ঠতি বিশ্বং তং গোপালং সন্ততকালং প্রতি বন্দে ॥ ৩ ॥
ধর্মোঽধর্মেণেহ তিরস্কারমুপৈতি কালে য়স্মিন্মত্স্যমুখৈশ্চারুচরিত্রৈঃ ।
নানারূপৈঃ পাতি তদা য়োঽবনিবিম্বং তং গোপালং সন্ততকালং প্রতি বন্দে ॥ ৪ ॥
প্রাণায়ামৈর্ধ্বস্তসমস্তেন্দ্রিয়দোষা রুধ্বা চিত্তং য়ং হৃদি পশ্যন্তি সমাধৌ ।
জ্যোতীরূপং য়োগিজনামোদনিমগ্নাস্তং গোপালং সন্ততকালং প্রতি বন্দে ॥ ৫ ॥
ভানুশ্চন্দ্রশ্চোডুগণৈশ্চৈব হুতাশো য়স্মিন্নৈবাভাতি তডিচ্চাপি কদাপি ।
য়দ্ভাসা চাভাতি সমস্তং জগদেতত্ তং গোপালং সন্ততকালং প্রতি বন্দে ॥ ৬ ॥
সত্যজ্ঞানং মোদমবোচুর্নিগমা য়ং য়ো ব্রহ্মেন্দ্রাদিত্যগিরীশার্চিতপাদঃ ।
শেতেঽনন্তোঽনন্ততনাবম্বুনিধৌ য়স্তং গোপালং সন্ততকালং প্রতি বন্দে ॥ ৭ ॥
শৈবাঃ প্রাহুর্যং শিবমন্যে গণনাথং শক্তিং চৈকেঽর্কং চ তথান্যে মতিভেদাত্ ।
নানাকারৈর্ভাতি য় একোঽখিলশক্তিস্তং গোপালং সন্ততকালং প্রতি বন্দে ॥ ৮ ॥
শ্রীমদ্গোপালাষ্টকমেতত্ সমধীতে ভক্ত্যা নিত্যং য়ো মনুজো বৈ স্থিরচেতাঃ ।
হিত্বা তূর্ণং পাপকলাপং স সমেতি পুণ্যং বিষ্ণোর্ধাম য়তো নৈব নিপাতঃ ॥ ৯ ॥
ইতি শ্রীপরমহংসস্বামিব্রহ্মানন্দবিরচিতং শ্রী গোপালাষ্টকং সম্পূর্ণম্ ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Gujarati » Kannada » Malayalam » Odia » Telugu » Tamil