॥ Sri Gopinatha Deva Ashtakam Bengali Lyrics ॥
॥ শ্রীগোপিনাথদেবাষ্টকম্ ॥
আস্যে হাস্যং তত্র মাধ্বীকমস্মিন্
বংশী তস্যাং নাদপীয়ূষসিন্ধুঃ ।
তদ্বীচীভির্মজ্জয়ন্ ভাতি গোপী-
র্গোপীনাথঃ পীনবক্ষা গতির্নঃ ॥ ১ ॥
শোণোষ্ণীষভ্রাজিমুক্তাস্রজোদ্যত্
পিঞ্ছোত্তংসস্পন্দনেনাপি নূনম্ ।
হৃন্নেত্রালীবৃত্তিরত্নানি মুঞ্চন্
গোপীনাথঃ পীনবক্ষা গতির্নঃ ॥ ২ ॥
বিভ্রদ্বাসঃ পীতমূরূরুকান্ত্যা
শ্লীষ্টং ভাস্বত্কিঙ্কিণীকং নিতম্বে ।
সব্যাভীরীচুম্বিতপ্রান্তবাহু-
র্গোপীনাথঃ পীনবক্ষা গতির্নঃ ॥ ৩ ॥
গুঞ্জামুক্তারত্নগাঙ্গেয়হারৈ-
র্মাল্যৈঃ কণ্ঠে লম্বমানৈঃ ক্রমেণ ।
পীতোদঞ্চত্কঞ্চুকেনাঞ্চিতশ্রী-
র্গোপীনাথঃ পীনবক্ষা গতির্নঃ ॥ ৪ ॥
শ্বতোষ্ণীষঃ শ্বেতসুশ্লোকধৌতঃ
সুশ্বেতস্রক্দ্বিত্রশঃ শ্বেতভূষঃ ।
চুম্বন্ শর্যামঙ্গলারাত্রিকে হৃ-
দ্গোপীনাথঃ পীনবক্ষা গতির্নঃ ॥ ৫ ॥
শ্রীবত্সশ্রীকৌস্তুভোদ্ভিন্নরোম্ণাং
বর্ণৈঃ শ্রীমান্ য়শ্চতুর্ভিঃ সদেষ্টঃ ।
দৃষ্টঃ প্রেম্ণৈবাতিধন্যৈরনন্যৈ-
র্গোপীনাথঃ পীনবক্ষা গতির্নঃ ॥ ৬ ॥
তাপিঞ্ছঃ কিং হেমবল্লীয়ুগান্তঃ
পার্শ্বদ্বন্দ্বোদ্দ্যোতিবিদ্যুদ্ঘনঃ কিম্ ।
কিং বা মধ্যে রাধয়োঃ শ্যামলেন্দু-
র্গোপীনাথঃ পীনবক্ষা গতির্নঃ ॥ ৭ ॥
শ্রীজাহ্নব্যা মূর্তিমান্ প্রেমপুঞ্জো
দীনানাথান্ দর্শয়ন্ স্বং প্রসীদন্ ।
পুষ্ণন্ দেবালভ্যফেলাসুধাভি-
র্গোপীনাথঃ পীনবক্ষা গতির্নঃ ॥ ৮ ॥
গোপীনাথাষ্টকং তুষ্টচেতা-
স্তত্পদাব্জপ্রেমপুষ্ণীভবিষ্ণুঃ ।
য়োঽধীতে তন্মন্তুকোটীরপশ্যন্
গোপীনাথঃ পীনবক্ষা গতির্নঃ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীগোপিনাথাষ্টকং সম্পূর্ণম্ ।
– Chant Stotra in Other Languages –
Sri Krishna Slokam » Sri Gopinatha Deva Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil