॥ Sri Govardhanashtakam 1 Odia Lyrics ॥
॥ ଶ୍ରୀଗୋଵର୍ଧନାଷ୍ଟକମ୍ ୧ ॥
ପ୍ରଥମଂ ଶ୍ରୀଗୋଵର୍ଧନାଷ୍ଟକଂ
ନମଃ ଶ୍ରୀଗୋଵର୍ଧନାୟ ।
ଗୋଵିନ୍ଦାସ୍ୟୋତ୍ତଂସିତ ଵଂଶୀକ୍ଵଣିତୋଦ୍ୟ-
ଲ୍ଲାସ୍ୟୋତ୍କଣ୍ଠାମତ୍ତମୟୂରଵ୍ରଜଵୀତ ।
ରାଧାକୁଣ୍ଡୋତ୍ତୁଙ୍ଗତରଙ୍ଗାଙ୍କୁରିତାଙ୍ଗ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୧ ॥
ୟସ୍ୟୋତ୍କର୍ଷାଦ୍ ଵିସ୍ମିତଧୀଭିର୍ଵ୍ରଜଦେଵୀ
ଵୃନ୍ଦୈର୍ଵର୍ଷଂ ଵଣିତମାସ୍ତେ ହରିଦାସ୍ୟମ୍ ।
ଚିତ୍ରୈର୍ୟୁଞ୍ଜନ ସ ଦ୍ୟୁତିପୁଞ୍ଜୈରଖିଲାଶାଂ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୨ ॥
ଵିନ୍ଦଦ୍ଭିର୍ୟୋ ମନ୍ଦିରତାଂ କନ୍ଦରଵୃନ୍ଦୈଃ
କନ୍ଦୈଶ୍ଚେନ୍ଦୋର୍ବନ୍ଧୁଭିରାନନ୍ଦୟତୀଶମ୍ ।
ଵୈଦୂର୍ୟାଭୈର୍ନିର୍ଝରତୋୟୈରପି ସୋଽୟଂ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୩ ॥
ଶଶ୍ଵଦ୍ଵିଶ୍ଵାଲଙ୍କରଣାଲଙ୍କୃତିମେଧ୍ୟୈଃ
ପ୍ରେମ୍ଣା ଧୌତୈର୍ଧାତୁଭିରୁଦ୍ଦୀପିତସାନୋ ।
ନିତ୍ୟାକ୍ରନ୍ଦତ୍କନ୍ଦର ଵେଣୁଧ୍ଵନିହର୍ଷାତ୍
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୪ ॥
ପ୍ରାଜ୍ୟା ରାଜିର୍ୟସ୍ୟ ଵିରାଜତ୍ୟୁପଲାନାଂ
କୃଷ୍ଣେନାସୌ ସନ୍ତତମଧ୍ୟାସିତମଧ୍ୟା ।
ସୋଽୟଂ ବନ୍ଧୁର୍ବନ୍ଧୁରଧର୍ମା ସୁରଭାଣାଂ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୫ ॥
ନିର୍ଧୁନ୍ଵାନଃ ସଂହୃତିହେତୁଂ ଘନଵୃନ୍ଦଂ
ଜିତ୍ଵା ଜଭାରାତିମସମ୍ଭାଵିତବାଧମ୍ ।
ସ୍ଵାନାଂ ଵୈରଂ ୟଃ କିଲ ନିର୍ୟାପିତଵାନ୍ ସଃ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୬ ॥
ବିଭ୍ରାଣୋ ୟଃ ଶ୍ରୀଭୁଜଦଣ୍ଡୋପରିଭର୍ତୁଶ୍-
ଛତ୍ରୀଭାଵଂ ନାମ ୟଥାର୍ଥଂ ସ୍ଵମକାର୍ଷୀତ୍ ।
କୃଷ୍ଣୋପଜ୍ଞଂ ୟସ୍ୟ ମଖସ୍ତିଷ୍ଠତି ସୋଽୟଂ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୭ ॥
ଗାନ୍ଧର୍ଵାୟାଃ କେଲିକଲାବାନ୍ଧଵ କୁଞ୍ଜେ
କ୍ଷୁଣ୍ଣୈସ୍ତସ୍ୟାଃ କଙ୍କଣହାରୈଃ ପ୍ରୟତାଙ୍ଗ ।
ରାସକ୍ରୀଡାମଣ୍ଡିତୟୋପତ୍ୟକୟାଢ୍ୟ
ପ୍ରତ୍ୟାଶାଂ ମେ ତ୍ଵଂ କୁରୁ ଗୋଵର୍ଧନ ପୂର୍ଣାମ୍ ॥ ୮ ॥
ଅଦ୍ରୋଶ୍ରେଣୀଶେଖର ପଦ୍ୟାଷ୍ଟକମେତତ୍
କୃଷ୍ଣାମ୍ଭୋଦପ୍ରେଷ୍ଠ ପଠେଦ୍ ୟସ୍ତଵ ଦେହୀ ।
ପ୍ରେମାନନ୍ଦଂ ତୁନ୍ଦିଲୟନ୍ କ୍ଷିପ୍ରମମନ୍ଦଂ
ତଂ ହର୍ଷେଣ ସ୍ଵୀକୁରୁତାଂ ତେ ହୃଦୟେଶଃ ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ମତ୍ତମୟୂରାଖ୍ୟଂ
ପ୍ରଥମଂ ଶ୍ରୀଗୋଵର୍ଧନାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Slokam » Sri Govardhanashtakam 1 Lyrics in Sanskrit » English » Bengali » Gujarati » Kannada » Malayalam » Telugu » Tamil