॥ Sri Guru Charan Sharan Ashtakam Odia Lyrics ॥
॥ ଶ୍ରୀଗୁରୁଚରଣସ୍ମରଣାଷ୍ଟକମ୍ ॥
ପ୍ରାତଃ ଶ୍ରୀତୁଲସୀନତିଃ ସ୍ଵକରତସ୍ତତ୍ପିଣ୍ଡିକାଲେପନଂ
ତତ୍ସାମ୍ମୁଖ୍ୟମଥ ସ୍ଥିତିଂ ସ୍ମୃତିରଥ ସ୍ଵସ୍ଵାମିନୋଃ ପାଦୟୋଃ ।
ତତ୍ସେଵାର୍ଥବହୁପ୍ରସୂନଚୟନଂ ନିତ୍ୟଂ ସ୍ଵୟଂ ୟସ୍ୟ ତଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୧ ॥
ମଧ୍ୟାହ୍ନେ ତୁ ନିଜେଶପାଦକମଲଧ୍ୟାନାର୍ଚନାନ୍ନାର୍ପଣ
ପ୍ରାଦକ୍ଷିଣାନତିସ୍ତୁତିପ୍ରଣୟିତା ନୃତ୍ୟଂ ସତାଂ ସଙ୍ଗତିଃ ।
ଶ୍ରୀମଦ୍ଭାଗଵତାର୍ଥସୀଧୁମଧୁରାସ୍ଵାଦଃ ସଦା ୟସ୍ୟ ତଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୨ ॥
ପ୍ରକ୍ଷାଲ୍ୟାଙ୍ଘ୍ରିୟୁଗଂ ନତିସ୍ତୁତିଜୟଂ କର୍ତୁଂ ମନୋଽତ୍ୟୁତ୍ସୁକଂ
ସାୟଂ ଗୋଷ୍ଠମୁପାଗତଂ ଵନଭୁଵୋ ଦ୍ରଷ୍ଟୁଂ ନିଜସ୍ଵାମିନମ୍ ।
ପ୍ରେମାନନ୍ଦଭରେଣ ନେତ୍ରପୁଟୟୋର୍ଧାରା ଚିରାଦ୍ୟସ୍ୟ ତଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୩ ॥
ରାତ୍ରୌ ଶ୍ରୀଜୟଦେଵପଦ୍ୟପଠନଂ ତଦ୍ଗୀତଗାନଂ ରସା
ସ୍ଵାଦୋ ଭକ୍ତଜନୈଃ କଦାଚିଦଭିତଃ ସଙ୍କୀର୍ତନେ ନର୍ତନମ୍ ।
ରାଧାକୃଷ୍ଣଵିଲାସକେଲ୍ୟନୁଭଵାଦୁନ୍ନିଦ୍ରତା ୟସ୍ୟ ତଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୪ ॥
ନିନ୍ଦେତ୍ୟକ୍ଷରୟୋର୍ଦ୍ଵୟଂ ପରିଚୟଂ ପ୍ରାପ୍ତଂ ନ ୟତ୍କର୍ଣୟୋଃ
ସାଧୂନାଂ ସ୍ତୁତିମେଵ ୟଃ ସ୍ଵରସନାମାସ୍ଵାଦୟତ୍ୟନ୍ଵହମ୍ ।
ଵିଶ୍ଵାସ୍ୟଂ ଜଗଦେଵ ୟସ୍ୟ ନ ପୁନଃ କୁତ୍ରାପି ଦୋଷଗ୍ରହଃ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୫ ॥
ୟଃ କୋଽପ୍ୟସ୍ତୁ ପଦାବ୍ଜୟୋର୍ନିପତିତୋ ୟଃ ସ୍ଵୀକରୋତ୍ୟେଵ ତଂ
ଶୀଘ୍ରଂ ସ୍ଵୀୟକୃପାବଲେନ କୁରୁତେ ଭକ୍ତୌ ତୁ ମତ୍ଵାସ୍ପଦମ୍ ।
ନିତ୍ୟଂ ଭକ୍ତିରହସ୍ୟଶିକ୍ଷଣଵିଧିର୍ୟସ୍ୟ ସ୍ଵଭୃତ୍ୟେଷୁ ତଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୬ ॥
ସର୍ଵାଙ୍ଗୈର୍ନତଭୃତ୍ୟମୂର୍ଧ୍ନି କୃପୟା ସ୍ଵପାଦାର୍ପଣଂ
ସ୍ମିତ୍ଵା ଚାରୁ କୃପାଵଲୋକସୁଧୟା ତନ୍ମାନସୋଦାସନମ୍ ।
ତତ୍ପ୍ରେମୋଦୟହେତଵେ ସ୍ଵପଦୟୋଃ ସେଵୋପଦେଶଃ ସ୍ଵୟଂ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୭ ॥
ରାଧେ ! କୃଷ୍ଣ ! ଇତି ପ୍ଲୁତସ୍ଵରୟୁତଂ ନାମାମୃତଂ ନାଥୟୋ-
ର୍ଜିହ୍ଵାଗ୍ରେ ନଟୟନ୍ ନିରନ୍ତରମହୋ ନୋ ଵେତ୍ତି ଵସ୍ତୁ କ୍ଵଚିତ୍ ।
ୟତ୍କିଞ୍ଚିଦ୍ଵ୍ୟଵହାରସାଧକମପି ପ୍ରେମ୍ନୈଵ ମଗ୍ନୋଽସ୍ତି ୟଃ
ଶ୍ରୀରାଧାରମଣଂ ମୁଦା ଗୁରୁଵରଂ ଵନ୍ଦେ ନିପତ୍ୟାଵନୌ ॥ ୮ ॥
ତ୍ଵତ୍ପାଦାମ୍ବୁଜସୀଧୁସୂଚକତୟା ପଦ୍ୟାଷ୍ଟକଂ ସର୍ଵଥା
ୟାତଂ ୟତ୍ପରମାଣୁତାଂ ପ୍ରଭୁଵର ପ୍ରୋଦ୍ୟତ୍କୃପାଵାରିଧେ ।
ମଚ୍ଚେତୋଭ୍ରମରୋଽଵଲମ୍ବା ତଦିଦଂ ପ୍ରାପ୍ୟାଵିଲମ୍ବଂ ଭଵତ୍
ସଙ୍ଗଂ ମଞ୍ଜୁନିକୁଞ୍ଜଧାମ୍ନି ଜୁଷତାଂ ତତ୍ସ୍ଵାମିନୋଃ ସୌରଭମ୍ ॥ ୯ ॥
ଇତି ଶ୍ରୀମଦ୍ଵିଶ୍ଵନାଥଚକ୍ରଵର୍ତିଵିରଚିତଂ
ଶ୍ରୀଗୁରୁଚରଣସ୍ମରଣାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Shri Guru Charan Sharan Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil