॥ Sri Hari Nama Ashtakam Bengali Lyrics ॥
॥ শ্রীহরিনামাষ্টকম্ ॥
শ্রী গণেশায় নমঃ ॥
শ্রী কেশবাচ্যুত মুকুন্দ রথাঙ্গপাণে
গোবিন্দ মাধব জনার্দন দানবারে ।
নারায়ণামরপতে ত্রিজগন্নিবাস
জিহ্বে জপেতি সততং মধুরাক্ষরাণি ॥ ১ ॥
শ্রীদেবদেব মধুসূদন শার্ঙ্গপাণে
দামোদরার্ণবনিকেতন কৈটভারে ।
বিশ্বম্ভরাভরণভূষিত ভূমিপাল
জিহ্বে জপেতি সততং মধুরাক্ষরাণি ॥ ২ ॥
শ্রীপদ্মলোচন গদাধর পদ্মনাভ
পদ্মেশ পদ্মপদ পাবন পদ্মপাণে ।
পীতাম্বরাম্বররুচে রুচিরাবতার
জিহ্বে জপেতি সততং মধুরাক্ষরাণি ॥ ৩ ॥
শ্রীকান্ত কৌস্তুভধরার্তিহরাব্জপাণে
বিষ্ণো ত্রিবিক্রম মহীধর ধর্মসেতো ।
বৈকুণ্ঠবাস বসুধাধিপ বাসুদেব
জিহ্বে জপেতি সততং মধুরাক্ষরাণি ॥ ৪ ॥
শ্রীনারসিংহ নরকান্তক কান্তমূর্তে
লক্ষ্মীপতে গরুডবাহন শেষশায়িন্ ।
কেশিপ্রণাশন সুকেশ কিরীটমৌলে
জিহ্বে জপেতি সততং মধুরাক্ষরাণি ॥ ৫ ॥
শ্রীবত্সলাঞ্ছন সুরর্ষভ শঙ্খপাণে
কল্পান্তবারিধিবিহার হরে মুরারে ।
য়জ্ঞেশ য়জ্ঞময় য়জ্ঞভুগাদিদেব
জিহ্বে জপেতি সততং মধুরাক্ষরাণি ॥ ৬ ॥
শ্রীরাম রাবণরিপো রঘুবংশকেতো
সীতাপতে দশরথাত্মজ রাজসিংহ ।
সুগ্রীবমিত্র মৃগবেধন চাপপাণে
জিহ্বে জপেতি সততং মধুরাক্ষরাণি ॥ ৭ ॥
শ্রীকৃষ্ণ বৃষ্ণিবর য়াদব রাধিকেশ
গোবর্ধনোদ্ধরণ কংসবিনাশ শৌরে ।
গোপাল বেণুধর পাণ্ডুসুতৈকবন্ধো
জিহ্বে জপেতি সততং মধুরাক্ষরাণি ॥ ৮ ॥
ইত্যষ্টকং ভগবতঃ সততং নরো য়ো
নামাঙ্কিতং পঠতি নিত্যমনন্যচেতাঃ ।
বিষ্ণোঃ পরং পদমুপৈতি পুনর্ন জাতু
মাতুঃ পয়োধররসং পিবতীহ সত্যম্ ॥ ৯ ॥
ইতি শ্রীপরমহংসস্বামিব্রহ্মানন্দবিরচিতং
শ্রীহরিনামাষ্টকং সম্পূর্ণম্ ॥
– Chant Stotra in Other Languages –
Sri Vishnu Slokam » Sri Hari Nama Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil