॥ Sri Kala Bhairava Ashtakam Bengali Lyrics ॥
॥ শ্রীকালভৈরবাষ্টকম্ ॥
অঙ্গসুন্দরত্বনিন্দিতাঙ্গজাতবৈভবং
ভৃঙ্গসর্বগর্বহারিদেহকান্তিশোভিতম্ ।
মঙ্গলৌঘদানদক্ষপাদপদ্মসংস্মৃতিং
শৃঙ্গশৈলবাসিনং নমামি কালভৈরবম্ ॥ ১ ॥
পাদনম্রমূকলোকবাক্প্রদানদীক্ষিতং
বেদবেদ্যমীশমোদবার্ধিশুভ্রদীধিতিম্ ।
আদরেণ দেবতাভিরর্চিতাঙ্ঘ্রিপঙ্কজং
শৃঙ্গশৈলবাসিনং নমামি কালভৈরবম্ ॥ ২ ॥
অম্বুজাক্ষমিন্দুবক্ত্রমিন্দিরেশনায়কং
কম্বুকণ্ঠমিষ্টদানধূতকল্পপাদপম্ ।
অম্বরাদিভূতরূপমম্বরায়িতাম্বরং
শৃঙ্গশৈলবাসিনং নমামি কালভৈরবম্ ॥ ৩ ॥
মন্দভাগ্যমপ্যরং সুরেন্দ্রতুল্যবৈভবং
সুন্দরং চ কামতোঽপি সংবিধায় সন্ততম্ ।
পালয়ন্তমাত্মজাতমাদরাত্পিতা য়থা
শৃঙ্গশৈলবাসিনং নমামি কালভৈরবম্ ॥ ৪ ॥
নম্রকষ্টনাশদক্ষমষ্টসিদ্ধিদায়কং
কম্রহাসশোভিতুণ্ডমচ্ছগণ্ডদর্পণম্ ।
কুন্দপুষ্পমানচোরদন্তকান্তিভাসুরং
শৃঙ্গশৈলবাসিনং নমামি কালভৈরবম্ ॥ ৫ ॥
কাশিকাদিদিব্যদেশবাসলোলমানসং
পাশিবায়ুকিন্নরেশমুখ্যদিগ্ধবার্চিতম্ ।
নাশিতাঘবৃন্দমঙ্ঘ্রিনম্রলোকয়োগদং
শৃঙ্গশৈলবাসিনং নমামি কালভৈরবম্ ॥ ৬ ॥
সারমাগমস্য তুঙ্গসারমেয়বাহনং
দারিতান্তরান্ধ্যমাশু নৈজমন্ত্রজাপিনাম্ ।
পূরিতাখিলেষ্টমষ্টমূর্তিদেহসম্ভবং
শৃঙ্গশৈলবাসিনং নমামি কালভৈরবম্ ॥ ৭ ॥
কালভীতিবারণং কপালপাণিশোভিতং
খণ্ডিতামরারিমিন্দুবালশোভিমস্তকম্ ।
চণ্ডবুদ্ধিদানদক্ষমক্ষতাত্মশাসনং
শৃঙ্গশৈলবাসিনং নমামি কালভৈরবম্ ॥ ৮ ॥
ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীকালভৈরবাষ্টকং সম্পূর্ণম্ ।
– Chant Stotra in Other Languages –
Lord Shiva Sloka » Sri Kala Bhairava Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil