Sri Kantimatishvari Ashtakam In Bengali

॥ Sri Kantimatishvari Ashtakam Bengali Lyrics ॥

॥ শ্রীকান্তিমতীশ্বর্যষ্টকম্ ॥
॥ শ্রীঃ ॥

শ্রীমদ্বেণুবনেশ্বরস্য রমণীং শীতাংশুবিম্বাননাং
শিঞ্জন্নূপুরকোমলাঙ্ঘ্রিকমলাং কেয়ূরহারান্বিতাম্ ।
রত্নস্যূতকিরীটকুণ্ডলধরাং হেলাবিনোদপ্রিয়াং
শ্রীমত্কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ১ ॥

তত্ত্বজ্ঞানিহৃদব্জমধ্যনিলয়াং তাম্রাপগাতীরগাং
কারুণ্যাম্বুনিধিং তডিত্তুলিতভাং তালীদলশ্যামলাম্ ।
লীলাসৃষ্টিবিধায়িনীং তনুভৃতাং তাত্পর্যবোধাপ্তয়ে
তন্বীং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ২ ॥

সঙ্গীতামৃতসিন্ধুমধ্যভবনাং সাহিত্যনিত্যাদরাং
স্বারস্যাদ্ভুতনাট্যবীক্ষণপরাং সালোক্যমুক্ত্যাদিদাম্ ।
সাধুভ্যঃ সকলামরার্থিতমহাসাম্রাজ্যলক্ষ্মীপ্রদাং
সাধ্বীং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৩ ॥

কল্যাণীমখিলাণ্ডকোটিজননীং কল্হারদামোজ্জ্বলাং
কস্তূরীতিলকাভিরামনিটিলাং কঞ্জাসনারাধিতাম্ ।
কামারেঃকনকাচলেন্দ্রধনুষঃ কারুণ্যবারান্নিধেঃ
কান্তাং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৪ ॥

ভক্তানাং ভয়জালভঞ্জনকরীং ভান্বব্জশুক্রেক্ষণাং
ভাগ্যোদারগুণান্বিতাং ভগবতীং ভণ্ডাসুরধ্বংসিনীম্ ।
ভাস্বদ্রত্নকিরীটকুণ্ডলধরাং ভদ্রাসনাধ্যাসিনীং
ভব্যাং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৫ ॥

দেবানামভয়প্রদাং বিধিনুতাং দুষ্টাপহন্ত্রীং সুখাং
দেশানেকদিগন্তমধ্যনিলয়াং দেহার্ধদাস্যপ্রিয়াম্ ।
মাধুর্যাকরচন্দ্রখণ্ডমকুটাং দেবাঙ্গনাসেবিতাং
দেবীং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৬ ॥

দুষ্টাটোপবিনাশনৈকনিপুণাং দৌর্ভাগ্যবিচ্ছেদিনীং
দুর্মাত্সর্যমদাভিমানমথিনীং দুঃখাপহাং প্রাণিনাম্ ।
দুর্বারামিতদৈত্যভঞ্জনকরীং দুঃস্বপ্নহন্ত্রীং শিবাং
দুর্গাং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৭ ॥

মন্দস্মেরমুখাম্বুজাং মরকতশ্যামাং মহাবৈভবাং
মাতঙ্গীং মহিষাসুরস্য শমনীং মাতঙ্গকুম্ভস্তনীম্ ।
মন্দারদ্রুমসন্নিভাং সুমধুরাং সিংহাসনাধ্যাসিতাং
মান্যাং কান্তিমতীশ্বরীং হৃদি ভজে শ্রীরাজরাজেশ্বরীম্ ॥ ৮ ॥

ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীকান্তিমতীশ্বর্যষ্টকং সম্পূর্ণম্ ।

See Also  Tirtha Ashtakam In Tamil

– Chant Stotra in Other Languages –

Sri Kantimatishvari Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil