॥ Sri Krishnashtakam 7 Brahmananda Virachitham Bengali Lyrics ॥
॥ শ্রীকৃষ্ণাষ্টক ব্রহ্মানন্দবিরচিতং ॥
শ্রী গণেশায় নমঃ ।
চতুর্মুখাদিসংস্তুতং সমস্তসাত্বতানুতম্ ।
হলায়ুধাদিসংয়ুতং নমামি রাধিকাধিপম্ ॥ ১ ॥
বকাদিদৈত্যকালকং সগোপগোপিপালকম্ ।
মনোহরাসিতালকং নমামি রাধিকাধিপম্ ॥ ২ ॥
সুরেন্দ্রগর্বগঞ্জনং বিরঞ্চিমোহভঞ্জনম্ ।
ব্রজাঙ্গনানুরঞ্জনং নমামি রাধিকাধিপম্ ॥ ৩ ॥
ময়ূরপিচ্ছমণ্ডনং গজেন্দ্রদন্তখণ্ডনম্ ।
নৃশংসকংসদণ্ডনং নমামি রাধিকাধিপম্ ॥ ৪ ॥
প্রদত্তবিপ্রদারকং সুদামধামকারকম্ ।
সুরদ্রুমাপহারকং নমামি রাধিকাধিপম্ ॥ ৫ ॥
ধনঞ্জয়াজয়াবহং মহাচমূক্ষয়াবহম্ ।
পিতামহব্যথাপহং নমামি রাধিকাধিপম্ ॥ ৬ ॥
মুনীন্দ্রশাপকারণং য়দুপ্রজাপহারণম্ ।
ধরাভরাবতারণং নমামি রাধিকাধিপম্ ॥ ৭ ॥
সুবৃক্ষমূলশায়িনং মৃগারিমোক্ষদায়িনম্ ।
স্বকীয়ধামমায়িনং নমামি রাধিকাধিপম্ ॥ ৮ ॥
ইদং সমাহিতো হিতং বরাষ্টকং সদা মুদা ।
জপঞ্জনো জনুর্জরাদিতো দ্রুতং প্রমুচ্যতে ॥ ৯ ॥
॥ ইতি শ্রীপরমহংসব্রহ্মানন্দবিরচিতং শ্রীকৃষ্ণাষ্টকং সম্পূর্ণম্ ॥
– Chant Stotra in Other Languages –
Sri Krishna Mantra » Sri Krishnashtakam 7 Lyrics in Sanskrit » English » Gujarati » Kannada » Malayalam » Odia » Telugu » Tamil