॥ Sri Krishnashtakam 8 Bengali Lyrics ॥
॥ শ্রীকৃষ্ণাষ্টকম্ 8 ॥
শ্রীগোপগোকুলবিবর্ধন নন্দসূনো
রাধাপতে ব্রজজনার্তিহরাবতার ।
মিত্রাত্মজাতটবিহারণ দীনবন্ধো
দামোদরাচ্যুত বিভো মম দেহি দাস্যম্ ॥ ১ ॥
শ্রীরাধিকারমণ মাধব গোকুলেন্দ্র-
সূনো য়দূত্তম রমার্চিতপাদপদ্ম ।
শ্রীশ্রীনিবাস পুরুষোত্তম বিশ্বমূর্ত্তে
গোবিন্দ য়াদবপতে মম দেহি দাস্যম্ ॥ ২ ॥
গোবর্ধনোদ্ধরণ গোকুলবল্লভাদ্য
বংশোদ্ভটালয় হরেঽখিললোকনাথ ।
শ্রীবাসুদেব মধুসূদন বিশ্বনাথ
বিশ্বেশ গোকুলপতে মম দেহি দাস্যম্ ॥ ৩ ॥
রাসোত্সবপ্রিয় বলানুজ সত্ত্বরাশে
ভক্তানুকম্পিতভবার্তিহরাধিনাথ ।
বিজ্ঞানধাম গুণধাম কিশোরমৃর্তে
সর্বেশ মঙ্গলতনো মম দেহি দাস্যম্ ॥ ৪ ॥
সদ্ধর্মপাল গরুডাসন য়াদবেন্দ্র
ব্রহ্মণ্যদেব য়দুনন্দন ভক্তিদান
সঙ্কর্ষণপ্রিয় কৃপালয় দেব বিষ্ণো
সত্যপ্রতিজ্ঞ ভগবন্ মম দেহি দাস্যম্ ॥ ৫ ॥
গোপীজনপ্রিয়তম ক্রিয়য়ৈকলভ্য
রাধাবরপ্রিয় বরেণ্য শরণ্যনাথা ।
আশ্চর্যবাল বরদেশ্বর পূর্ণকাম
বিদ্বত্তমাশ্রয় বিভো মম দেহি দাস্যম্ ॥ ৬ ॥
কন্দর্পকোটিমদহারণ তীর্থকীর্ত্তে
বিশ্বৈকবন্দ্য করুণার্ণবতীর্থপাদ ।
সর্বজ্ঞ সর্ববরদাশ্রয়কল্পবৃক্ষ
নারায়ণাখিলগুরো মম দেহি দাস্যম্ ॥ ৭ ॥
বৃন্দাবনেশ্বর মুকুন্দ মনোজ্ঞবেষ
বংশীবিভূষিতকরাম্বুজ পদ্মনেত্র ।
বিশ্বেশ কেশব ব্রজোত্সব ভক্তিবশ্য
দেবেশ পাণ্ডবপতে মম দেহি দাস্যম্ ॥ ৮ ॥
শ্রীকৃষ্ণস্তবরত্নমষ্টকমিদং সর্বার্থদং শৃণ্বতাং
ভক্তানাং চ প্রিয়ং হরেশ্চ নিতরাং য়ো বৈ পঠেত্পাবনম্ ।
তস্যাসৌ ব্রজরাজসূনুরতুলাং ভক্তিং স্বপাদাম্বুজে
সত্সেব্যে প্রদদাতি গোকুলপতিঃ শ্রীরাধিকাবল্লভঃ ॥ ৯ ॥
॥ ইতি শ্রীমদ্বল্লভাচার্যবিরচিতং শ্রীকৃষ্ণাষ্টকং সম্পূর্ণম্ ॥
– Chant Stotra in Other Languages –
Sri Krishna Mantra » Sri Krishnashtakam 8 Lyrics in Sanskrit » English » Gujarati » Kannada » Malayalam » Odia » Telugu » Tamil