॥ Sri Mangalanayika Ashtakam Bengali Lyrics ॥
॥ শ্রীমঙ্গলনায়িকাষ্টকম্ ॥
অম্বামম্বুজধারিণীং সুরনুতামর্ধেন্দুভূষোজ্জ্বলাং
আধারাদি সমস্তপীঠনিলয়ামম্ভোজমধ্যস্থিতাম্ ।
নিত্যং সজ্জনবন্দ্যমানচরণাং নীলালকশ্রোণিতাং
শ্রীমন্মঙ্গলনায়িকাং ভগবতীং তাম্রাতটস্থাং ভজে । ১ ॥
আদ্যামাগমশাস্ত্ররত্নবিনুতামার্যাং পরাং দেবতাং
আনন্দাম্বুধিবাসিনীং পরশিবামানন্দপূর্ণাননাম্ ।
আব্রহ্মাদি পিপীলিকান্তজননীমাখণ্ডালাদ্যর্চিতাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ২ ॥
ইন্দ্রাণ্যাদি সমস্তশক্তিসহিতামিন্দীবরশ্যামলাং
ইন্দ্রোপেন্দ্রবরপ্রদামিননুতামিষ্টার্থসিদ্ধিপ্রদাম্ ।
ঈকারাক্ষররূপিণীং গিরিসুতামীকারবর্ণাত্মিকাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৩ ॥
উদ্যদ্ভানুসহস্রকোটিসদৃশীং কেয়ূরহারোজ্জ্বলাং
ঊর্ধ্বস্বন্মণিমেখলাং ত্রিনয়নামূষ্মাপহারোজ্জ্বলাম্ ।
ঊহাপোহবিবেকবাদ্যনিলয়ামূঢ্যাণপীঠস্থিতাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৪ ॥
ঋক্ষাধীশকলান্বিতামৃতুনুতামৃদ্ধ্যাদিসংসেবিতাং
নৃণানাং পাপবিমোচিনীং শুভকরীং বৃত্রারিসংসেবিতাম্ ।
লিঙ্গারাধনতত্পরাং ভয়হারাং ক্লীঙ্কারপীঠস্থিতাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৫ ॥
এনঃকূটবিনাশিনীং বিধিনুতামেণাঙ্কচূডপ্রিয়াং
এলাচম্পকপুষ্পগন্ধিচিকুরামেকাতপত্রোজ্বলাম্ ।
ঐকারাম্বুজপীঠমধ্যনিলয়ামৈন্দ্রাদিলোকপ্রদাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৬ ॥
ওঘৈরপ্সরসাং সদা পরিবৃতামোঘত্রয়ারাধিতাং
ওজোবর্দ্ধনতত্পরাং শিবপরামোঙ্কারমন্ত্রোজ্জ্বলাম্ ।
ঔদার্যাকরপাদপদ্ময়ুগলামৌত্সুখ্যদাত্রীং পরাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৭ ॥
অর্কাম্ভোরুহবৈরিবহ্নিনয়নামক্ষীণসৌভাগ্যদাং
অঙ্গাকল্পিতরত্নভূষণয়ুতামণ্ডৌঘসংসেবিতাম্ ।
আজ্ঞাচক্রনিবাসিনীং ঝলঝলন্মঞ্জীরপাদাম্বুজাং
শ্রীমন্মঙ্গলনায়িকাং ভগবতীং তাম্রাতটস্থাং ভজে ॥ ৮ ॥
শ্রীমঙ্গলাম্বা পরদৈবতং নঃ শ্রীমঙ্গলাম্বা পরং ধনং নঃ ।
শ্রীমঙ্গলাম্বা কুলদৈবতং নঃ শ্রীমঙ্গলাম্বা পরমা গতির্নঃ ॥
অজ্ঞানিনা ময়া দোষানশেষান্বিহিতান্শিবে ।
ক্ষমস্ব ত্বং ক্ষমস্ব ত্বং শৈলরাজসুতেঽম্বিকে ॥
য়ত্রৈব য়ত্রৈব মনো মদীয়ং তত্রৈব তত্রৈব তব স্বরূপম্ ।
য়ত্রৈব য়ত্রৈব শিরো মদীয়ং তত্রৈব তত্রৈব পদদ্বয়ং তে ॥
ইতি শ্রীমঙ্গলনায়িকাষ্টকং সম্পূর্ণম্ ।
– Chant Stotra in Other Languages –
Sri Mangalanayika Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil