॥ Sri Minakshi Ashtakam Odia Lyrics ॥
॥ ଶ୍ରୀମୀନାକ୍ଷ୍ୟଷ୍ଟକମ୍ ॥
ମାଧୁର୍ୟେ ମହିମେ ମହାଗିରିସୁତେ ମଲ୍ଲାଦି ସଂହାରିଣି
ମୂଲାଧାରକୃତେ ମହାମରକତେ ଶୋଭେ ମହାସୁନ୍ଦରି ।
ମାତଙ୍ଗି ମହିମେ ମହାସୁରଵଧେ ମନ୍ତ୍ରୋତ୍ତମେ ମାଧଵି
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୧ ॥
ନାନାରତ୍ନଵିଭୂଷଣେ ନଵଗଣେ ଶୋଭେ ମହାସୁନ୍ତରି
ନିତ୍ୟାନନ୍ଦଵରେ ନିରୂପଣଗୁଣେ ନିମ୍ନୋନ୍ନତେ ପଙ୍କଜେ ।
ନାଟ୍ୟେ ନାଟକଵେଷଧାରିଣି ଶିଵେ ନାଦେ କାଲନର୍ତକି(?)
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୨ ॥
କାମକ୍ରୋଧନିଵାରଣେ କରୁଣାଲୟେ କାତ୍ୟାୟନି ସନ୍ମତେ
କାରୁଣ୍ୟାକୃତିକେ କିରାତଵରଦେ କଂ ଗଂ କ ବୀଜାଙ୍କୁରେ ।
କାମାର୍ଥଂ ତଵ ସିଦ୍ଧିହେତୁକମିଦଂ ଭକ୍ତ୍ୟା ଭଵତ୍ସନ୍ନିଧୌ
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୩ ॥
ଷଟ୍ଚକ୍ରାନ୍ତଗତେ ଷଡାନନଵରେ ଷଡ୍ବୀଜରକ୍ଷାଙ୍କୁରେ
ଷୋଡାଧାରକଲେ ଷଡକ୍ଷରି ଶିଵେ କ୍ଷୋଣୀ ମହାକ୍ଷୀୟତେ ।
କ୍ଷନ୍ତଵ୍ୟଂ ଜନନି କ୍ଷମା ରମ ଶିଵେ କ୍ଷୀରାବ୍ଧି ମଧ୍ୟାନ୍ତରେ
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୪ ॥
ଵାମେ ନୀଲଦଲାକ୍ଷି ପୁଷ୍ପରସିକେ ବାଲେ ମହାକୁଙ୍କୁମେ
ଅନ୍ୟେ ପାଣିଵରାବ୍ଜଭକ୍ତଜନନି ନିତ୍ୟଂ ପରଶ୍ରେୟସି ।
ବାଲେ ବନ୍ଧୁଵରାଙ୍ଗିଣି ବହୁଵିଧେ ଭୂଚକ୍ରସଞ୍ଚାରିଣି
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୫ ॥
ରାଗସ୍ତୋତ୍ରଵିଚାରଵେଦଵିଭଵେ ରମ୍ୟେ ରତୋଲ୍ଲାସିନି
ରାଜୀଵେକ୍ଷଣି ରାଜ ରାଙ୍ଗଣରଣେ ରାଜାଧିରାଜେଶ୍ଵରି ।
ରାଜ୍ଞି ରାଜସସତ୍ତ୍ଵତାମସଗୁଣେ ରାଧେ ରମାସୋଦରି
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୬ ॥
ସାରାସ୍ୟେ ସରସୀରୁହସ୍ୟ ଜନନି ସାମ୍ରାଜ୍ୟଦାନେକ୍ଷଣି
ସାମ୍ୟାସାମ୍ୟ ଚାଷ୍ଟକଲାସୁଖଵନେ ସାନ୍ଦୀପନୀସେଵିତେ ।
ସତ୍ୟାନନ୍ଦସୁଧେ ଚ ସୁନ୍ଦରଫଲେ ସ୍ଵାଧିଷ୍ଠଚକ୍ରାନ୍ତରେ
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୭ ॥
କର୍ପୂରାରୁଣକୁଙ୍କୁମାର୍ଚିତପଦେ କ୍ଷୀରାବ୍ଧିଶୋଭେ ଶିଵେ
ଗାୟତ୍ରି କରୁଣାକଟାକ୍ଷଵିନୁତେ କନ୍ଦର୍ପକାନ୍ତିପ୍ରଦେ ।
କଲ୍ୟାଣାଷ୍ଟସୁରାର୍ଚିତେ ସୁକଵିତେ କାରୁଣ୍ୟଵାରାନ୍ନିଧେ
ମୀନାକ୍ଷି ମଧୁରାମ୍ବିକେ ମହିମୟେ ମାଂ ପାହି ମୀନାମ୍ବିକେ ॥ ୮ ॥
ଇତି ରାଜପୂଜିତ ଶ୍ରୀକୁଲନ୍ତୟାନନ୍ଦ(ବାଲାନନ୍ଦ)ସ୍ଵାମିନା ଵିରଚିତଂ
ଶ୍ରୀମୀନାକ୍ଷ୍ୟଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Durga Slokam » Sri Meenakshi Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil