॥ Sri Subrahmanya Ashtakam Odia Lyrics ॥
॥ ମୁରୁକାଷ୍ଟକମ୍ ॥
ଓଂ ଶ୍ରୀ ଗଣେଶାୟ ନମଃ
ମୁରୁକଷ୍ଷଣ୍ମୁଖସ୍ସ୍କନ୍ଦଃ ସୁବ୍ରହ୍ମଣ୍ୟଶ୍ଶିଵାତ୍ମଜଃ ।
ଵଲ୍ଲୀସେନାପତିଃ ପାତୁ ଵିଘ୍ନରାଜାନୁଜସ୍ସଦା ॥ ୧ ॥
ମୁରୁକ ଶ୍ରୀମତାନ୍ନାଥ ଭୋଗମୋକ୍ଷପ୍ରଦ ପ୍ରଭୋ ।
ଦେଵଦେଵ ମହାସେନ ପାହି ପାହି ସଦା ଵିଭୋ ॥ ୨ ॥
ମୁରୁକଂ ମୁକ୍ତିଦଂ ଦେଵଂ ମୁନୀନାଂ ମୋଦକଂ ପ୍ରଭୁମ୍ ।
ମୋଚକଂ ସର୍ଵଦୁଃଖାନାଂ ମୋହନାଶଂ ସଦା ନୁମଃ ॥ ୩ ॥
ମୁରୁକେଣ ମୁକୁନ୍ଦେନ ମୁନୀନାଂ ହାର୍ଦଵାସିନା ।
ଵଲ୍ଲୀଶେନ ମହେଶେନ ପାଲିତାସ୍ସର୍ଵଦା ଵୟମ୍ ॥ ୪ ॥
ମୁରୁକାୟ ନମଃ ପ୍ରାତଃ ମୁରୁକାୟ ନମୋ ନିଶି ।
ମୁରୁକାୟ ନମଃ ସାୟଂ ମୁରୁକାୟ ନମୋ ନମଃ ॥ ୫ ॥
ମୁରୁକାତ୍ପରମାତ୍ସତ୍ୟାଦ୍ଗାଙ୍ଗେୟାଚ୍ଛିଖିଵାହନାତ୍ ।
ଗୁହାତ୍ପରଂ ନ ଜାନେଽହଂ ତତ୍ଵଂ କିମପି ସର୍ଵଦା ॥ ୬ ॥
ମୁରୁକସ୍ୟ ମହେଶସ୍ୟ ଵଲ୍ଲୀସେନାପତେଃ ପ୍ରଭୋଃ ।
ଚିଦମ୍ବରଵିଲାସସ୍ୟ ଚରଣୌ ସର୍ଵଦା ଭଜେ ॥ ୭ ॥
ମୁରୁକେ ଦେଵସେନେଶେ ଶିଖିଵାହେ ଦ୍ଵିଷଡ୍ଭୁଜେ ।
କୃତ୍ତିକାତନୟେ ଶମ୍ଭୌ ସର୍ଵଦା ରମତାଂ ମନଃ ॥ ୮ ॥
ଇତି ମୁରୁକାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Muruga Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil