॥ Nanda Nandana Ashtakam Odia Lyrics ॥
॥ ଶ୍ରୀ ନନ୍ଦ ନନ୍ଦନାଷ୍ଟକମ୍ ॥
ସୁଚାରୁଵକ୍ତ୍ରମଣ୍ଡଲଂ ସୁକର୍ଣରତ୍ନକୁଣ୍ଡଲମ୍ ।
ସୁଚର୍ଚିତାଙ୍ଗଚନ୍ଦନଂ ନମାମି ନନ୍ଦନନ୍ଦନମ୍ ॥ ୧ ॥
ସୁଦୀର୍ଘନେତ୍ରପଙ୍କଜଂ ଶିଖୀଶିଖଣ୍ଡମୂର୍ଧଜମ୍ ।
ଅନନ୍ତକୋଟିମୋହନଂ ନମାମି ନନ୍ଦନନ୍ଦନମ୍ ॥ ୨ ॥
ସୁନାସିକାଗ୍ରମୌକ୍ତିକଂ ସ୍ଵଚ୍ଛଦନ୍ତପଙ୍କ୍ତିକମ୍ ।
ନଵାମ୍ବୁଦାଙ୍ଗଚିକ୍କଣଂ ନମାମି ନନ୍ଦନନ୍ଦନମ୍ ॥ ୩ ॥
କରେଣଵେଣୁରଞ୍ଜିତଂ ଗତିଃ କରୀନ୍ଦ୍ରଗଞ୍ଜିତମ୍ ।
ଦୁକୂଲପୀତଶୋଭନଂ ନମାମି ନନ୍ଦନନ୍ଦନମ୍ ॥ ୪ ॥
ତ୍ରିଭଙ୍ଗଦେହସୁନ୍ଦରଂ ନଖଦ୍ୟୁତିଃ ସୁଧାକରମ୍ ।
ଅମୂଲ୍ୟରତ୍ନଭୂଷଣଂ ନମାମି ନନ୍ଦନନ୍ଦନମ୍ ॥ ୫ ॥
ସୁଗନ୍ଧ ଅଙ୍ଗସୌରଭଂ ଉରୋ ଵିରାଜି କୌସ୍ତୁଭମ୍ ।
ସ୍ଫୁରତ୍ ଶ୍ରୀଵତ୍ସଲାଞ୍ଛନଂ ନମାମି ନନ୍ଦନନ୍ଦନମ୍ ॥ ୬ ॥
ଵୃନ୍ଦାଵନସୁନାଗରଂ ଵିଲାସାନୁଗଵାସସମ୍ ।
ସୁରେନ୍ଦ୍ରଗର୍ଵମୋଚନଂ ନମାମି ନନ୍ଦନନ୍ଦନମ୍ ॥ ୭ ॥
ଵ୍ରଜାଙ୍ଗନାସୁନାୟକଂ ସଦା ସୁଖପ୍ରଦାୟକମ୍ ।
ଜଗନ୍ମନଃପ୍ରଲୋଭନଂ ନମାମି ନନ୍ଦନନ୍ଦନମ୍ ॥ ୮ ॥
ଶ୍ରୀନନ୍ଦନନ୍ଦନାଷ୍ଟକଂ ପଠେଦ୍ୟଃ ଶ୍ରଦ୍ଧୟାନ୍ଵିତଃ ।
ତରେଦ୍ଭଵାବ୍ଧିଦୁସ୍ତରଂ ଲଭେତ୍ତଦଙ୍ଘ୍ରିୟୁକ୍ତକମ୍ ॥
ଇତି ଶ୍ରୀନନ୍ଦନନ୍ଦନାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Slokam » Nanda Nandana Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil