॥ Sri Nrisimha Ashtakam 3 Odia Lyrics ॥
॥ ଶ୍ରୀନୃସିଂହାଷ୍ଟକମ୍ ୩ ॥
ଧ୍ୟାୟାମି ନାରସିଂହାଖ୍ୟଂ ବ୍ରହ୍ମଵେଦାନ୍ତଗୋଚରମ୍ ।
ଭଵାବ୍ଧିତରଣୋପାୟଂ ଶଙ୍ଖଚକ୍ରଧରଂ ପଦମ୍ ॥
ନୀଲାଂ ରମାଂ ଚ ପରିଭୂୟ କୃପାରସେନ
ସ୍ତମ୍ଭଂ ସ୍ଵଶକ୍ତିମନଘାଂ ଵିନିଧାୟ ଦେଵୀମ୍ ।
ପ୍ରହ୍ଲାଦରକ୍ଷଣଵିଧାୟଵତୀ କୃପା ତେ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୧ ॥
ଇନ୍ଦ୍ରାଦିଦେଵନିକରସ୍ୟ କିରୀଟକୋଟି
ପ୍ରତ୍ୟୁପ୍ତରତ୍ନପ୍ରତିବିମ୍ବିତପାଦପଦ୍ମ ।
କଲ୍ପାନ୍ତକାଲଘନଗର୍ଜନତୁଲ୍ୟନାଦ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୨ ॥
ପ୍ରହ୍ଲାଦ ଈଡ୍ୟ ପ୍ରଲୟାର୍କସମାନଵକ୍ତ୍ର
ହୁଙ୍କାରନିର୍ଜିତନିଶାଚରଵୃନ୍ଦନାଥ ।
ଶ୍ରୀନାରଦାଦିମୁନିସଙ୍ଘସୁଗୀୟମାନ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୩ ॥
ରାତ୍ରିଞ୍ଚରାଦ୍ରିଜଠରାତ୍ପରିସ୍ରଂସ୍ୟମାନଂ
ରକ୍ତଂ ନିପୀୟ ପରିକଲ୍ପିତସାନ୍ତ୍ରମାଲ ।
ଵିଦ୍ରାଵିତାଖିଲାସୁରୋଗ୍ରନୃସିଂହରୂପ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୪ ॥
ୟୋଗୀନ୍ଦ୍ର ୟୋଗପରୀରକ୍ଷକ ଦେଵଦେଵ
ଦୀନାର୍ତିହରି ଵିଭଵାଗମଗୀୟମାନ ।
ମାଂ ଵୀକ୍ଷ୍ୟ ଦୀନମଶରଣ୍ୟମଗଣ୍ୟଶୀଲ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୫ ॥
ପ୍ରହ୍ଲାଦଶୋକଵିନିଵାରଣ ଭଦ୍ରସିଂହ
ନକ୍ତଞ୍ଚରେନ୍ଦ୍ର ମଦଖଣ୍ଡନ ଵୀରସିଂହ ।
ଇନ୍ଦ୍ରାଦିଦେଵଜନସନ୍ନୁତପାଦପଦ୍ମ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୬ ॥
ତାପତ୍ରୟାବ୍ଧିପରିଶୋଷଣବାଡଵାଗ୍ନେ
ତାରାଧିପପ୍ରତିନିଭାନନ ଦାନଵାରେ ।
ଶ୍ରୀରାଜରାଜଵରଦାଖିଲଲୋକନାଥ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୭ ॥
ଜ୍ଞାନେନ କେଚିଦଵଲମ୍ବ୍ୟ ପଦାଂବୁଜଂ ତେ
କେଚିତ୍ସୁକର୍ମନିକରେଣ ପରେ ଚ ଭକ୍ତ୍ୟା ।
ମୁକ୍ତିଂ ଗତାଃ ଖଲୁ ଜନା କୃପୟା ମୁରାରେ
ଶ୍ରୀନାରସିଂହ ପରିପାଲୟ ମାଂ ଚ ଭକ୍ତମ୍ ॥ ୮ ॥
ନମସ୍ତେ ନାରସିଂହାୟ ନମସ୍ତେ ମଧୁଵୈରିଣେ ।
ନମସ୍ତେ ପଦ୍ମନେତ୍ରାୟ ନମସ୍ତେ ଦୁଃଖହାରିଣେ ॥
ଇତି ଶ୍ରୀନୃସିଂହାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Nrisimha Ashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil