॥ Sri Paduka Ashtakam Bengali Lyrics ॥
॥ শ্রীপাদুকাষ্টকম্ ॥
গোকুলেশপাদপদ্মমণ্ডনৈকমণ্ডিতে
সুরেশশেষসর্বদেশবাসিবৃন্দবন্দিতে ।
অনন্যভক্তবাঞ্ছিতাখিলার্থসিদ্ধিসাধিকে
নমো নমোঽস্তু বাং সদৈব গোকুলেশপাদুকে ॥ ১ ॥
মহার্হরত্ননির্মিতে সুহেমপীতসংস্থিতে
স্বসেবকৈকসেবিতে সুপুষ্পবাসবাসিতে ।
স্বরূপবুদ্ধিহীনজীবসত্স্বরূপবোধিকে
নমো নমোঽস্তু বাং সদৈব গোকুলেশপাদুকে ॥ ২ ॥
স্বসেবনৈকচেতসামনন্যভক্তিদায়িকে
কৃপাসুঘৈকসিক্তভক্তকামমোহনাশিকে ।
মহান্ধকারলীনজীবহৃত্প্রকাশচন্দ্রিকে
নমো নমোঽস্তু বাং সদৈব গোকুলেশপাদুকে ॥ ৩ ॥
নিজাশ্রয়স্থিতাখিলাপদাং সদা বিদারকে
হ্যনেকতাপতপ্তজীবগাঙ্গবারিবীচিকে ।
সমাগতস্য সন্নিধৌ দুরন্তমোহভঞ্জিকে
নমো নমোঽস্তু বাং সদৈব গোকুলেশপাদুকে ॥ ৪ ॥
সদুঃখদাববহ্নিদগ্ধমুগ্ধজীবসৌখ্যদে
চণ্ডকালব্যালগ্রস্তত্রস্তবিশ্বমোক্ষিচেকে ।
স্বভক্তশুদ্ধমানসে বিরাজমানহংসিকে
নমো নমোঽস্তু বাং সদৈব গোকুলেশপাদুকে ॥ ৫ ॥
সুপাদুকেতিকীর্তনাদ্ভবাব্ধিতোঽপি তারিকে
স্বসেবনাত্সদা নৃণাং সুখৈকবৃদ্ধিকারিকে ।
মহেন্দ্রচন্দ্রব্রহ্মভানুমৌলিহেমমালিকে
নমো নমোঽস্তু বাং সদৈব গোকুলেশপাদুকে ॥ ৬ ॥
মহর্ষিদেবসিদ্ধবৃন্দচামরপ্রবীজিতে
চতুর্দিগন্তবারিধৌ নিজপ্রতাপগর্জিতে ।
ভবাব্ধিমগ্নজীবজাতশোকমোহহারিকে
নমো নমোঽস্তু বাং সদৈব গোকুলেশপাদুকে ॥ ৭ ॥
য়থোদ্ধবায় ভক্তিভাবভাবিতায় চার্পিতে
তথৈব গোকুলেশ্বরেণ সেবকায় চার্পিতে ।
নিরস্য মায়িকং বচঃ স্বপুষ্টিমার্গদর্শিকে
নমো নমোঽস্তু বাং সদৈব গোকুলেশপাদুকে ॥ ৮ ॥
য়ে পাদুকাষ্টকমিদং নিয়তং পতন্তি
বিপ্রোদ্ধবেন রচিতং মহতাং প্রসাদাত্ ।
তে য়ান্তি গোকুলপতেশ্চরণারবিন্দং
সান্নিধ্যমুক্তিগতিমত্র চ তত্প্রসাদাত্ ॥ ৯ ॥
ইতি উদ্ধবরচিতং শ্রীপাদুকাষ্টকং সম্পূর্ণম্ ।
– Chant Stotra in Other Languages –
Paduka Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil