॥ Sri Pitambara Ashtakam Bengali Lyrics ॥
॥ শ্রীপীতাম্বরাষ্টকম্ ॥
জ্ঞেয়ং নিত্যং বিশুদ্ধং য়দপি নুতিশতৈর্বোধিতং বেদবাক্যৈঃ
সচ্চিদ্রূপং প্রসন্নং বিলসিতমখিলং শক্তিরূপেণ জ্ঞাতুম্ ।
শক্যং চৈতাং প্রজুষ্টাং ভববিলয়করীং শুদ্ধসংবিত্স্বরূপাং
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ১ ॥
গৌরাভাং শুভ্রদেহাং দনুজকুলহরাং ব্রহ্মরূপাং তুরীয়াং
বজ্রং পাশং চ জিহ্বামসুরভয়করীং লৌহবদ্ধাং গদাখ্যাম্ ।
হস্তৈর্নিত্যং বহন্তীং দ্বিজবরমুকুটাং স্বর্ণসিংহাসনস্থাং
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ২ ॥
কৌর্মরূপং বিধাত্রীং কৃতয়ুগসময়ে স্তব্ধরূপাং স্থিরাখ্যাং
হারিদ্রে দিব্যদেহাং বিবুধগণনুতাং বিষ্ণুনা বন্দিতাং তাম্ ।
আনর্চুঃ স্কন্দমুখ্যাঃ স্মরহরমহিলাং তারকে সংবিবৃদ্ধে
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৩ ॥
আধারে তত্বরূপাং ত্রিবলয়সহিতাং য়োগিবৃন্দৈঃ সুধ্যেয়াং
পীতাং রুদ্রেণ সার্ধ রতিরসনিরতাং চিন্তয়িত্বা মনোজ্ঞাম্ ।
গদ্যং পদ্যং লভন্তে নবরসভরিতং সান্দ্রচন্দ্রাংশুবর্ণা
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৪ ॥
মায়াবীজং মহোগ্রং পশুজভয়হরং ভূমিয়ুক্তং জপন্তি
পুত্রৈঃ পৌত্রৈঃ সমেতাঃ প্রণিহিতমনসঃ প্রাপ্য ভোগান্ সমস্তান্ ।
লব্ধ্বা চান্তে বিমোক্ষং বিগতভবভয়া মোদমানা ভবন্তি
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৫ ॥
ধ্যানং মাতস্ত্বদীয়ং জপমনুসততং মন্ত্ররাজস্য নিত্যং দুষ্টৈঃ
কৃত্যা স্বরূপা বলগ ইতি কৃতা আশু শান্তিং প্রয়ান্তি ।
তস্মাদাখ্যাং ত্বদীয়াং দ্বিভুজপরিণতামুগ্রবেষাং সুভীমাং
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৬ ॥
জপ্ত্বা বীজং ত্বদীয়ং য়দি তব সুজনো য়াতি বিদ্বেষিমধ্যে
রূপং দৃষ্ট্বা তদীয়ং রিপুজনসকলঃ স্তম্ভনং য়াতি শীঘ্রম্ ।
গর্বী সর্বত্বমেতি শ্রবণপথগতে নামবর্ণে ত্বদীয়ে
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৭ ॥
ব্রহ্মা বিষ্ণুর্মহেশো জপতি তব মনুং ভাবয়ুক্তং মহেশি!
লব্ধ্বা কামং স্বরূপং সমরসনিরতা দিব্যভাবং ভজন্তে ।
তামেবাহং ভবানীং ভবসুখবিরতো ভাবয়ুক্তং স্মরামি
নাম্না পীতাম্বরাঢ্যাং সততসুখকরীং নৌমি নিত্যং প্রসন্নাম্ ॥ ৮ ॥
ধন্যাস্তে ভক্তিয়ুক্তাঃ সততজপপরা হীনবর্ণেঽপি জাতা
বৈমুখ্যে লগ্নচিত্তা য়দপি কুলপরা নো প্রশস্যাঃ কদাচিত্ ।
ইত্থং সঞ্চিন্ত্য মাতঃ । প্রতিদিনমমলং নামরূপং ত্বদীয়ং
সর্ব সন্ত্যজ্য নিত্যং সততভয়হরে! কীর্তয়ে সর্বদাঽহম্ ॥ ৯ ॥
স্তোত্রেণাঽনেন দেবেশি! কৃপাং কৃত্বা মমোপরি ।
বগলামুখি! মে চিত্তে বাসং কুরু সদাশিবে! ॥ ১০ ॥
য়ঃ কশ্চিত্ প্রপঠেন্নিত্যং প্রাতরুত্থায় ভক্তিতঃ ।
তস্য পীতাম্বরা দেবী শীঘ্রং তুষ্টিং সমেষ্যতি ॥ ১১ ॥
প্রয়তো ধ্যানসংয়ুক্তো জপান্তে য়ঃ পঠেত্ সুধীঃ ।
ধনধান্যাদিসম্পন্নঃ সান্নিধ্যং প্রাপ্নুয়াদ্ দ্রুতম্ ॥ ১২ ॥
ওঁ ইতি শ্রীপীতাম্বরাষ্টকং সমাপ্তম ।
ইদং শ্রীপীতাম্বরাষ্টকং শ্রীপরমহংসপরিব্রাজকাচার্যবর্যৈঃ
শ্রীস্বামি পাদৈরকারি তেষাং শুভপ্রেরণয়া দতিয়ানগরস্য
শ্রীবনখণ্ডেশ্বরস্য সন্নিধৌ শ্রীপীতাম্বরভগবত্যাঃ
স্থাপনং জ্যেষ্ঠকৃষ্ণস্য পঞ্চভ্যাং তিথৌ সম্বত্ ১৯৯২
বৈক্রমে গুরুবাসরে মহতা সমারোহণ জাতম্ । অস্মিন্ বর্ষে ১৯৯৭
বৈশাখমাসস্য শুক্লষষ্ঠ্যাং পঞ্চমকবি নামনি পর্বতশিখরে
শ্রীতারাভগবত্যাঃ পীঠস্থানমপি তেষামেবানুগ্রহেণ স্থাপিতমভূত্,
তদবসরে শ্রীতারাকর্পূরস্তোত্রস্য ব্যাখ্যাং কর্তুং তৈরেব পরমানুগ্রহঃ
প্রাদর্শি । পীঠদ্বয়স্যাঽয়মেব পুস্তকরূপঃ সঙ্ক্ষিপ্তপরিচয়ঃ ।
– Chant Stotra in Other Languages –
Sri Pitambara Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil