॥ Sri Madradhashtakam 2 Bengali Lyrics ॥
শ্রীমদ্রাধাষ্টকম্ ২
নিকুঞ্জে মঞ্জূষদ্বিবিধমৃদুপুষ্পৈকনিচয়ৈঃ
সমাকীর্ণং দান্তং সুমণিজটিতং কেলিশয়নম্ ।
হৃদি প্রাদুর্ভূতোদ্ভটবিরহভাবৈঃ সপদি য়ত্
করে কৃত্বা পত্রব্যজনমুপবিশন্তীং হৃদি ভজে ॥ ১ ॥
বিদিত্বা গোপীশং শ্রমবিহিতনিদ্রং হৃদি ভিয়া
রণত্কারৈর্ভূয়ান্ন খলু গতনিদ্রঃ পরমিতি ।
দ্বিতীয়েন স্তব্ধাচলনচপলং কঙ্কণচয়ং
বিতন্বন্তীং মন্দং ব্যজনমথ রাধাং হৃদি ভজে ॥ ২ ॥
বিধায়াচ্ছৈঃ পুষ্পৈর্বিবিধরচনাং চারুমৃদুলাং
পদপ্রান্তালম্বাং স্বকরকমলাভ্যাং পুনরসৌ ।
স্থিতং স্বপ্রাণানাং প্রিয়তমমনন্যং নিজপুরো-
ঽবগত্যাতন্বন্তীমুরসি বনমালাং হৃদি ভজে ॥ ৩ ॥
পুরা রাসারম্ভে শরদমলরাত্রিষ্বপি হরি-
প্রভাবাদ্যুল্লীঢস্মরণকৃতচিন্তাশতয়ুতাম্ ।
হৃদি প্রাদুর্ভূতং বহিরপি সমুদ্বীক্ষিতুমিব
স্বতো বারং বারং বিকসিতদৃগব্জাং হৃদি ভজে ॥ ৪ ॥
বিচিন্বন্তীং নাথং নিরতিশয়লীলাকৃতিরতং
প্রপশ্যন্তীং চিহ্নং চরণয়ুগসম্ভূতমতুলম্ ।
প্রকুর্বন্তীং মূর্ধন্যহহ পদরেণূত্করমপি
প্রিয়াং গোপীশস্য প্রণতনিজনাথাং হৃদি ভজে ॥ ৫ ॥
নিজপ্রাণাধীশপ্রসভমিলনানন্দবিকস-
ত্সমস্তাঙ্গপ্রেমোদ্গতমতনুরোমাবলিমপি ।
স্ফুরত্সীত্কারান্তঃস্থিতসভয়ভাবৈকনয়নাং
পুনঃ পশ্চাত্তপ্তামতুলরসপাত্রং হৃদি ভজে ॥ ৬ ॥
লসদ্গোপীনাথাননকমলসংয়োজিতমুখাং
মুখাম্ভোধিপ্রাদুর্ভবদমৃতপানৈকচতুরাম্ ।
পরীরম্ভপ্রাপ্তপ্রিয়তমশরীরৈক্যরসিকাং
তৃতীয়ার্থপ্রাপ্তিপ্রকটহরিসিদ্ধিং হৃদি ভজে ॥ ৭ ॥
ন মে বাঞ্ছ্যো মোক্ষঃ শ্রুতিষু চতুরাত্মা নিগদিতো
ন শাস্ত্রীয়া ভক্তির্ন পুনরপি বিজ্ঞানমপি মে ।
কদাচিন্মাং স্বামিন্যহহ ময়ি দাসে কৃপয়তু
স্বতঃ স্বাচার্যাণাং চরণশরণে দীনকরুণা ॥ ৮ ॥
ইতি শ্রীমদ্রাধাষ্টকং সম্পূর্ণম্ ।
– Chant Stotra in Other Languages –
Sri Radha Mantras » Sri Radha Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil