॥ Sri Raghunatha Ashtakam Text Bengali Lyrics ॥
॥ শ্রীরঘুনাথাষ্টকম্ ॥
শ্রী গণেশায় নমঃ ।
শুনাসীরাধীশৈরবনিতলজ্ঞপ্তীডিতগুণং
প্রকৃত্যাঽজং জাতং তপনকুলচণ্ডাংশুমপরম্ ।
সিতে বৃদ্ধিং তারাধিপতিমিব য়ন্তং নিজগৃহে
সসীতং সানন্দং প্রণত রঘুনাথং সুরনুতম্ ॥ ১ ॥
নিহন্তারং শৈবং ধনুরিব ইবেক্ষুং নৃপগণে
পথি জ্যাকৃষ্টেন প্রবলভৃগুবর্যস্য শমনম্ ।
বিহারং গার্হস্থ্যং তদনু ভজমানং সুবিমলং
সসীতং সানন্দং প্রণত রঘুনাথং সুরনুতম্ ॥ ২ ॥
গুরোরাজ্ঞাং নীত্বা বনমনুগতং দারসহিতং
সসৌমিত্রিং ত্যক্ত্বেপ্সিতমপি সুরাণাং নৃপসুখম্ ।
বিরুপাদ্রাক্ষস্যাঃ প্রিয়বিরহসন্তাপমনসং
সসীতং সানন্দং প্রণত রঘুনাথং সুরনুতম্ ॥ ৩ ॥
বিরাধং স্বর্নীত্বা তদনু চ কবন্ধং সুররিপুং
গতং পম্পাতীরে পবনসুতসম্মেলনসুখম্ ।
গতং কিষ্কিন্ধায়াং বিদিতগুণসুগ্রীবসচিবং
সসীতং সানন্দং প্রণত রঘুনাথং সুরনুতম্ ॥ ৪ ॥
প্রিয়াপ্রেক্ষোত্কণ্ঠং জলনিধিগতং বানরয়ুতং
জলে সেতুং বদ্ধ্বাঽসুরকুল নিহন্তারমনঘম্ ।
বিশুদ্ধামর্ধাঙ্গীং হুতভুজি সমীক্ষন্তমচলং
সসীতং সানন্দং প্রণত রঘুনাথং সুরনুতম্ ॥ ৫ ॥
বিমানং চারুহ্যাঽনুজজনকজাসেবিতপদ
ময়োধ্যায়াং গত্বা নৃপপদমবাপ্তারমজরম্ ।
সুয়জ্ঞৈস্তৃপ্তারং নিজমুখসুরান্ শান্তমনসং
সসীতং সানন্দং প্রণত রঘুনাথং সুরনুতম্ ॥ ৬ ॥
প্রজাং সংস্থাতারং বিহিতনিজধর্মে শ্রুতিপথং
সদাচারং বেদোদিতমপি চ কর্তারমখিলম্ ।
নৃষু প্রেমোদ্রেকং নিখিলমনুজানাং হিতকরং
সতীতং সানন্দং প্রণত রঘুনাথং সুরনুতম্ ॥ ৭ ॥
তমঃ কীর্ত্যাশেষাঃ শ্রবণগদনাভ্যাং দ্বিজমুখাস্তরিষ্যন্তি
জ্ঞাত্বা জগতি খলু গন্তারমজনম্ ॥
অতস্তাং সংস্থাপ্য স্বপুরমনুনেতারমখিলং
সসীতং সানন্দং প্রণত রঘুনাথং সুরনুতম্ ॥ ৮ ॥
রঘুনাথাষ্টকং হৃদ্যং রঘুনাথেন নির্মিতম্ ।
পঠতাং পাপরাশিঘ্নং ভুক্তিমুক্তিপ্রদায়কম্ ॥ ৯ ॥
॥ ইতি পণ্ডিত শ্রীশিবদত্তমিশ্রশাস্ত্রি বিরচিতং শ্রীরঘুনাথাষ্টকং সম্পূর্ণম্ ॥
– Chant Stotra in Other Languages –
Sree Raghunatha Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil