॥ Sri Raghunatha Ashtakam Odia Lyrics ॥
॥ ଶ୍ରୀରଘୁନାଥାଷ୍ଟକମ୍ ॥
ଶ୍ରୀ ଗଣେଶାୟ ନମଃ ।
ଶୁନାସୀରାଧୀଶୈରଵନିତଲଜ୍ଞପ୍ତୀଡିତଗୁଣଂ
ପ୍ରକୃତ୍ୟାଽଜଂ ଜାତଂ ତପନକୁଲଚଣ୍ଡାଂଶୁମପରମ୍ ।
ସିତେ ଵୃଦ୍ଧିଂ ତାରାଧିପତିମିଵ ୟନ୍ତଂ ନିଜଗୃହେ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୧ ॥
ନିହନ୍ତାରଂ ଶୈଵଂ ଧନୁରିଵ ଇଵେକ୍ଷୁଂ ନୃପଗଣେ
ପଥି ଜ୍ୟାକୃଷ୍ଟେନ ପ୍ରବଲଭୃଗୁଵର୍ୟସ୍ୟ ଶମନମ୍ ।
ଵିହାରଂ ଗାର୍ହସ୍ଥ୍ୟଂ ତଦନୁ ଭଜମାନଂ ସୁଵିମଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୨ ॥
ଗୁରୋରାଜ୍ଞାଂ ନୀତ୍ଵା ଵନମନୁଗତଂ ଦାରସହିତଂ
ସସୌମିତ୍ରିଂ ତ୍ୟକ୍ତ୍ଵେପ୍ସିତମପି ସୁରାଣାଂ ନୃପସୁଖମ୍ ।
ଵିରୁପାଦ୍ରାକ୍ଷସ୍ୟାଃ ପ୍ରିୟଵିରହସନ୍ତାପମନସଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୩ ॥
ଵିରାଧଂ ସ୍ଵର୍ନୀତ୍ଵା ତଦନୁ ଚ କବନ୍ଧଂ ସୁରରିପୁଂ
ଗତଂ ପମ୍ପାତୀରେ ପଵନସୁତସମ୍ମେଲନସୁଖମ୍ ।
ଗତଂ କିଷ୍କିନ୍ଧାୟାଂ ଵିଦିତଗୁଣସୁଗ୍ରୀଵସଚିଵଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୪ ॥
ପ୍ରିୟାପ୍ରେକ୍ଷୋତ୍କଣ୍ଠଂ ଜଲନିଧିଗତଂ ଵାନରୟୁତଂ
ଜଲେ ସେତୁଂ ବଦ୍ଧ୍ଵାଽସୁରକୁଲ ନିହନ୍ତାରମନଘମ୍ ।
ଵିଶୁଦ୍ଧାମର୍ଧାଙ୍ଗୀଂ ହୁତଭୁଜି ସମୀକ୍ଷନ୍ତମଚଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୫ ॥
ଵିମାନଂ ଚାରୁହ୍ୟାଽନୁଜଜନକଜାସେଵିତପଦ
ମୟୋଧ୍ୟାୟାଂ ଗତ୍ଵା ନୃପପଦମଵାପ୍ତାରମଜରମ୍ ।
ସୁୟଜ୍ଞୈସ୍ତୃପ୍ତାରଂ ନିଜମୁଖସୁରାନ୍ ଶାନ୍ତମନସଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୬ ॥
ପ୍ରଜାଂ ସଂସ୍ଥାତାରଂ ଵିହିତନିଜଧର୍ମେ ଶ୍ରୁତିପଥଂ
ସଦାଚାରଂ ଵେଦୋଦିତମପି ଚ କର୍ତାରମଖିଲମ୍ ।
ନୃଷୁ ପ୍ରେମୋଦ୍ରେକଂ ନିଖିଲମନୁଜାନାଂ ହିତକରଂ
ସତୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୭ ॥
ତମଃ କୀର୍ତ୍ୟାଶେଷାଃ ଶ୍ରଵଣଗଦନାଭ୍ୟାଂ ଦ୍ଵିଜମୁଖାସ୍ତରିଷ୍ୟନ୍ତି
ଜ୍ଞାତ୍ଵା ଜଗତି ଖଲୁ ଗନ୍ତାରମଜନମ୍ ॥
ଅତସ୍ତାଂ ସଂସ୍ଥାପ୍ୟ ସ୍ଵପୁରମନୁନେତାରମଖିଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୮ ॥
ରଘୁନାଥାଷ୍ଟକଂ ହୃଦ୍ୟଂ ରଘୁନାଥେନ ନିର୍ମିତମ୍ ।
ପଠତାଂ ପାପରାଶିଘ୍ନଂ ଭୁକ୍ତିମୁକ୍ତିପ୍ରଦାୟକମ୍ ॥ ୯ ॥
॥ ଇତି ପଣ୍ଡିତ ଶ୍ରୀଶିଵଦତ୍ତମିଶ୍ରଶାସ୍ତ୍ରି ଵିରଚିତଂ ଶ୍ରୀରଘୁନାଥାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sree Raghunatha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil